رواية لربما روايه ليبية😍

24

الحلقه 24
لربما

~~~~~~~~~~💤💤💤~~~~~~~~
في الصبح الباكر نضت الساعه 9القيت محمد حاضني زين لدرجه اني ماقدرتش انفك روحي قعدت نتأمل فيه وقلت انوضه علي ماينوض ويغسل ويفطر تقعد الساعه 10 ونص ويمشي لشغله
انا نلعبله بشعره :حبيبي حمادي
محمد :نعم عمري
انا :نوض عملك
محمد :ليش مانوضتيني
انا :اهو انوض فيك
محمد :قصدك هكي تنوضي فيا
انا :يب
محمد :نعليا نا احلى تنويضه هيا بيبي صبي
انا :باهي اطلقني ماسكني زيين تقول خايفني انطير
محمد :ههههه نعليا نا نبي بوسه
انا:نوض صبي نعطيك
محمد :تؤتؤتؤتؤ نبي توا
انا حطيت يديه علي خدودي :مافيش
محمد :هههههه نعليا نا من بيبي اغاااا اغااا
انا :اصلا نا بيبي دوبه عمري 19
محمد باسني في فمي:اصلا انا نبيها هنا مش في خدودك ياام خدود
انا :هيا حبي نووض
محمد :نضت ها افف
صبا وخش للحمام انا خشيت لحمام اللي بره وغيرت ولبست روب لعند الركبه اخضر ومعاه جاكه طويله بيضا وطلقت شعري لنهايه ظهري وطلعت القيته مزال يدوش لميت السرير وفتحت البلكوني كان في زي المزرعه كلها شجر اخضر وعشب اخضر الجو يجنن ومريح كله اخضر وكان في البلكوني كرسي طويل تميت نتفرج وسرحت جا محمد من وراي وحط فمه ع وذني ويهمس همس
محمد :حبيبي في شن سارح
انا :ولاشي بس المنظر يجنن
محمد :بعدين بعد مانجي من الشغل وانقيل شويه نتمشو اوگ
انا :جد نجك وبسته
محمد :نعليا نا نبي فطور
انا :اوك عدي البس وتوا اندير فطور
خش يلبس وانا نزلت القيت الخدم دايرات فطور
سيرنا :صباح الخير مدام
انا :صباح النور
ونزل محمد ولابس سوريه بيضاء وضابطه باينات عضلاته وسروال قهوي داكن ومكويش بيضاء ونازل يلبس في نظاراته
انا :لالالالا هكي مش حنخليك تمشي
محمد :وليش
انا :والله تبي تمشي هكي وتبرم عليك وحده من الممرضات والله المريضات الطيحك وانا فاتحه فمي
محمد:انتي انجنيتي في حد يسيب الجمال هضا كله ويمشي للممرضات تعالي نفطرو
انا :مش نا درت فطور نزلت القيت الخدامه دايره
محمد :صاح باهي ريحنك
انا :انت قتلهن
محمد :تؤتؤ سوناا ماريا
جن هنا الاثنين
محمد بحت فيا وقال :هذي سونا وهذي ماريا
وبحت في البنات وشير عليا:وهذي مدام وانتن تعرفن شغلكن وطلباتها اوامر تم
البنات:حاضر استاذ
محمد :كل وحده ع شغلها
سونا :استاذ نحنا كملنا تنظيف داخل البيت بس مزال الجنان نغسلو والله يجي رفيق (البنقلا)يغسله
محمد :لالا توا انكلم رفيق انتن شغلكن جوا برا لا
البنات :حاضر وعدن للمطبخ ومحمد بدا يفطر
انا :ليش جايبهن الحوش مافيش من يحوسه نا وانت بس
محمد :حبيبي انا لما جيت وتقدمتلك كنت نبي وحده تهتم بيا يعني انجي نلقا من يراجيني لما نقعد متعقد نلقا من يغيرلي جوي لما تجيني اجازه نلقى مع من نسافر لما نقعد مهموم نلقا لمن نشكي همي ويهون عليا يعني مش اتكنسي واتنظفي نبي بس اهتمام اوگ وتوا تأخرت (وباس خدي )وصبى
صبيت معاه وقربت منه
انا :عنونك لوطا ماتبحتش يمين ويسار واي وحده تتدحنس عليك هزبها
محمد :حبي لو مهما يصير حطي في عقلك اني نعشقك وانتي ماليا عيني
انا :ههه نجك
محمد :يالله تاخرت سلام
انا :سلام سوق بشويه
محمد :حاضر ديري بالك علي روحك
وطلع للمستشفى اما انا ف جيت بنلم الطاوله القيت الخدم يلمن وخشيت للمطبخ
ماريا:مدام شن تبي غداء اليوم
انا :امممم ديري رز وشربه وبطاطا مبطنه
ماريا :حاضر مدام
ركبت فوق وكسدت القيت في الدولاب كرسات جدد استيكات والقيت ستيكه مفتوحه وموخوض منها خضيت وحده وكانن كرسات كبار ومقسمات خضيتهن وخضيت قلم رصاص ومشيت للبلكوني قعمزت وتميت نمارس في هوايتي اللي هيا («الرسم»انا غالي عليا الرسم وزمان كنت نرسم لدرجه ان عندي كرتونه مليانه كرسات رسم وكانن رسماتي ديما هنا الطريقه اللي نعبر بيها علي روحي وكنت ديما نكتب عليهن في التاريخ يعني الوقت اللي انكون فيه فرحانه نرسم رسمه تعبر عن الفرح ولو كنت مضايقه نرسم رسمه حزينه والكرتونه بابا طبعا حرقها زمان وخلاني نسيب الرسم غصب عني المهم رسمت رسمه اول مره نرسم زيها تعبر عن الحاله اللي انا توا نحس فيها مع محمد وهي الحب❤)رسمت عرم رسمات نص الكراس وماحسيتش بالوقت اللا لما شفت سياره محمد جت سيبت اللي في يدي ونزلت حفيانه نجري واول ما خش جيته نجري وخشيت في حضنه حضنه الدافي اللي انحس فيه بالامان
محمد :اخخخخخخ استحشتك ياروحي
انا :حتى انا حبيبي شن كان يومك وخضيت منه جاكته
محمد :تمام درت عمليتين ونجحن
انا :حبيبي بنقولك ع حاجه ومش عارفه لو كنت ح تعصب والله لا
محمد :شن درتي
انا :امبدري خضيت كراس من عندك من الدولاب
محمد :صحه لكي ياعمري
انا :باهي ليش جايب وااجد حسيت انك طالب في مدرسه
محمد :لاني نستعمل فيهن واجد نكتب فيهن في ملاحظات في المستشفى
انا :اهاا
محمد :قولي للخدم يحطو علي ما غيرت
انا :حاضر بدل وانزل
محمد :اوك
ومشيت انا للخدم وتميت انحط معهم اما عند محمد:-
ركب وغير ورن فونه شافه لقاه انور
محمد :اهلا شجو
وطلع للبلكوني
انور :تي وينك والله الزوجت خلاص معش الدورنا
محمد :هههه معقوله ننساك انت مغير انشغلت وهكي انور :باهي تنسانا نحنا تعال هدرز
محمد :انت اللي تعال مش نا
انور :نفضى انجيك
محمد :تم يالقدر يالله وجك نبي نتغدا
انور :عليك لز سلام
محمد :سلامات
وسكر وهوا خاش لفت انتباهه رسمه مسك كراسه وتما يقلب فيها ويتفرج
محمد :ماشاء الله هضا كله يطلع منها. وكانن كلهن رسمات حب (زي الصور↓)ووصل لورقه لقاها كاتبه «نعشقك حد الجنون »محمد ابتسم شويه وسمع الباب انفتح
انا :شدير هييي هات كتابي
محمد:تؤتؤتؤ توا هذين انتي راسمتهن
انا :اهاا انا
محمد :عجبني
انا :عيونك
محمد :تعالي ياطشه
مشيتله وقعمزت جنبه حط يده علي كتفي وتما يقلب
انا :حبيبي هيا تعال تغدا اكيد جيعان
محمد :هيا
ونزلنا وقعمزنا وبدينا ناكلو
محمد :اول مره نعرف انك ترسمي
انا :اها زمان كنت نرسم وبعدها...............حكيتله القصه كلها
محمد :اهاااا باهي نا نبيكش توقفي بلعكس زيدي ارسمي ونزلي ع الفيس والله انستقرام انتي عندك
انا :انا عندي الرسم طريقه تعبير وبس
محمد :اهااا
وكملنا ولمن الخدم الطاوله وركبنا انا ومحمد
محمد :وووه تعبان
انا :حبيبي امتى نوعيك
محمد :توا انتي تعالي ارقدي معاي وامتى ماتوعي وتلقي روحك مكسده وعيني نقعد معاك
انا :حاضر
وخشيت في حضنه ورقدت وهوا يلعب بشعري وانا منسجمه زي البيبي ورقدنا نضت الساعه 5 صبيت ودوشت ونزلت درت كيكه وركبت لمحمد
انا :حمادي حبيبي
كان راقد علي بطنه جيت نجري وطحت علي ظهره
وتميت نهمسله :حياتي روحي ياعمري ياحبي ياكبيدتي ياحبيبي ياقلبي
محمد كنت منسجم علي لحنها وهيا تقولي في كلام حلو
انا :حبيبي مش انت وعدتني حتشيلني نبرمو بره شويا نوض درتلك كيكه هيا نتمشو وناكلوها مع القهوه
محمد :نعليا تعالي تعالي وكرني شوره
انا :حياتي هيا نبي نتمشى
محمد :هيا
وصبا خش للحمام اما انا لبست سروال امريكي وماليا طويله لونها اسود
~~~~~~~~~~~~~~~~~~~~~~~
و ماتستنوش حلقه 25 كلها نكد كل مانقراها نسب في محمد لين يسدني😂😂
‏