رواية لربما روايه ليبية😍

10

‎الحلقه 10
‎لربما
~~~~~~~~~🌟🌟🌟~~~~~~~~
‎درت مكياج خفيف ولبست وشاحي وطلعت والقيت محمد يفتش في شنطته
‎انا :محمد الساعه 2:00 هيا
‎محمد :اها هيا بس دقيقه امسكي زواجك
‎انا :في حاجه
‎محمد :اهوااا ووو نحسابه مش قاعد افف اخخخخخ
‎انا :هههه قلبت شنطتك
‎محمد :هيا
‎مشينا للمطار وركبنا للطياره واول ما قالو تبي تقلع خضنت يد محمد زين لعند تمت حمرا😂😂
‎محمد :كنك شن جاك
‎انا :انخاف تخيل الطيح يميي نبي ننزل
‎محمد ؛بشويه اعصابك اهدي يدي وجعتني ايي
‎انا :محمد نبي ننزل (وعيوني تعبن دموع)
‎محمد :اشش يالهبله ماتخافيش
‎ورفع يده وحطها ورا ظهري وقعدت علي صدره انا جتني راحه ورخيت روحي.
‎اما في خاطر محمد:
‎اهخخ انشاء الله ديما مسافرين كان كل سفره بتقعدي في حضني هكي
‎قعدنا علي الوضعيه هذي لين غفيت ووعيت علي صوت المظيفه
‎المظيفه :شن تحبو تشوبو
‎محمد :انا نبي عنب وانتي نوران
‎انا :اميه بس
‎مظيفه :والوجبه
‎انا :نبيش عنديش نيه
‎محمد :حتى انا مخاطريش
‎المظيفه :حتى كيك
‎محمد :شكرا
‎المظيفه غمزت لمحمد
‎محمد بحت فيا وقالي : حبيبي تاخذي كيك بشوكولاطه تحبيه انتي
‎انا فهمت عليه انه يقهر في المظيفه:انا اوك حبيبي بس حتى انت تاكل معايا
‎محمد :مع ان معنديش نيه بس اوك عطيني اثنين ليا ولها
‎والمظيفه بتموت قهر وحرق دم
‎واول ما مدتله الكيكه وبرمت تبي اتجيب لاخرا ليا هوا فتح كيكته بسرعه وقالي
‎محمد :خوذي من كيكتي الاول عشان اتجيني نيه ناكلها
‎انا :هههه شكرا حبيبي
‎عزقتلي الكيكه عزق
‎انا ومحمد اطربقنا ضحك
‎ووصلنا لمطار المغرب انا اول مره نمشي لمكان برا البيضاء طبعا ماسكه في يد محمد ولاصقه فيه وكاني خايفه من الناس
‎محمد :نوران اهدي نا جايبك اندهور فيك مش خاطفك ماتخافيش
‎انا :محمد هيا نمشو للاوتيل بسرعه المكان مليان ناس محمد :يا نوران اهدي عادي خليك هاديه
‎انا :اوك بس ماتطلقنيش والله انريح معش تلقاني
‎محمد :مش حنطلقك بس تعالي
‎ومشينا ختمنا الجوازات وخضينا تاكسي ونزلنا ع الاوتيل وجا طلب الاصانصير وركبنا
‎انا :محمد متاكد ان مايوقفش
‎محمد :حتى لو وقف زري الانظار يجو ينزلوه يدوي
‎انا : عندي منه فوبيا
‎محمد وبهمس هادي وحنون:نوران عمرك ماتخافي من شي وانتي معايا اوك
‎(بنات انتن عيطن واندبن لين يسدكن انا جاني توحد خلاص احتمال يجيني شلل اخرى😂😂😭)
‎انا بعد كلمته هذي حسيت براحه:اوك. ووقف ع الدور السادس وركبت معانا بنت ونحنا في الدور العاشر

‎المهم البنت لابسه كعب وسروال ضابط لين بينفلق وجاكه جلد قصيره لدرجه ان لو ترفع يديها يبان خصرها وبدي ضابط ابيض ومحرمه وتشخلع لمحمد

‎وانا بحتت فيها وبحتت في محمد القيته لا هي في فونه مسكت يده بحت فيا وفهم
‎البنت :انت ليبي
‎محمد :اها
‎البنت :في نفس الفندق ههه
‎محمد :اها
‎البنت :نتعرفو عليكم
‎محمد :تعرفي ع مراتي مش عليا
‎البنت :هههه مراتك كنها خاشه في بعضها هكي ما تخافيش مش حناكلك
‎محمد عطاها نظره وبحت فيا:حبيبي هيا
‎ومشينا للغرفه
‎انا : شفت منظرها اع مقرف
‎محمد :وتتلسون
‎انا :بكل وانت ماصدقت
‎محمد :والله انا
‎انا :اها انت بنخش ندوش وانبدل
‎محمد :لالا انا انخش وبعدين نمشي انجيب عشا وانتي خشي
‎انا :قصدك بتسيبني هنا بروحي
‎محمد:نقفل عليك
‎انا :محمد انخاف
‎محمد :معناها نمشو انتعشو لوطا
‎انا :اوك
‎محمد :عدي دوشي وغيري دبشك معناها
‎انا :حاضر
‎خشيت دوشت(ولبست زي الصوره👇)وخش هوا دوش وطلع دار برفان ويسقم في شعره وانا جنبه اندير في ميك اب
‎محمد :ماتكثريش
‎انا :والله مانكثر الوان باهته
‎محمد ؛باهي
‎وبرم وتما يبحت فيا بنظرات مافهمتهنش شنو كانه سرح وانا معش عرفت شن اندير وتوترت
‎انا :محمد ✋
‎محمد :اه هاا
‎انا :وين طرت
‎محمد :مكان يجنن
‎انا :شيلني انشوفه
‎محمد :انشاء الله. هيا
‎انا :هيا
‎ومشينا نزلنا وكان مغرب الجو مسقع شويه وقعمزنا ع الطاولات اللي يالا القزاز وجا القرسون وعطانا المينيوم
‎محمد :شن تبي
‎انا :اي حاجه
‎محمد :انا نبي مكرونه بتاعتهم تجنن بالصلصه
‎انا :اوك حتى انا
‎وطلبنا وكلينا ودفع حقه
‎محمد :ماعنديش نوم ولا بطلان شن رايك نبرمو هنا في المنطقه
‎انا :اممم ولا انا بطلانه عادي هيا
‎محمد :هيا
‎وطلعنا ونتفرجو وعجبتني ساعه ذهب بس تحشمت انقولها لمحمد بس هوا قالي
‎محمد :كان عجباتك حاجه خوضيها
‎انا ابتسمت :شكرا
‎عند محمد:-
‎كنا نتمشو والجو سمح وهيا ماسكه في يدي فجاه بحتت فيها القيتها تبحت في ساعه في محل ذهب ومبتسمه نحسابها بتقولي اشريهاليا بس مشت عادي وباين ان الساعه عجبتها فقتلها اللي تبيها خوذيها بس ماقالتش تبي حاجه
‎محمد :هيا انردو
‎انا :هيا
‎ردينا للاوتيل ووصلنا عند الاصانصير بعدين
‎محمد :نوران راجيني ع الكراسي اللي في الاستعلام
‎انا :ليش
‎محمد :طايحات مني فلوس نشوفهن وانجي راجيني مش مطول
‎انا :باهي بس ما تتاخرش
‎محمد :حاضر بس ماتتحركيش من هنا لا يمين ولا يسار
‎انا :حاضر
‎رديت نجري للمحل وشريتلها الساعه ورديت من المحل وقلت للسكيورتي يجيبهالي في الدار رقم 503 القيتها في نفس المكان
‎محمد :هيا
‎انا :القيت الفلوس
‎محمد :اها القيتهن
‎انا :هيا
‎وركبنا وركبت معانا نفس البنت اللي مبدري نزلت معانا
‎محمد :عليك قصه هيا
‎انا :وخر ماتلصقش فيها
‎محمد ابتسم عالجنب:حاضر
‎انا تميت ماسكه يد محمد
~~~~~~~~~~~~~~~~
‎التفاعل 😍
‎توقعاتكم منو تكون البنت وياترى بدير خير مع نوران والالا ؟😷