رواية لربما روايه ليبية😍

22

لربما
#الحلقة_22
~~~~~~~~~~💙💙💙~~~~~~~~
لاقتنا عمتي 😒😒
عمتي:وين ماشين
محمد :مطعم
عمتي :عليش اهو الغدا زاد واجد اخرى
محمد :بس انا نبيش وكال حوش
عمتي :ينعلي من امتى اتحب وكال مطاعم قول ان هيا اللي قايلتلك مانبيش ناكل في الحوش ساحرتك بنجيب شيخ يقرا عليك (وكلهم يتفرجو وانا منزله راسي)
محمد:امي جوي ميه ميه مانبيش انعكره ارجوك لو سمحتي
عمتي :حاطتك خاتم في صبعها طبعا
محمد :وليا الشرف
كلهم انصدمو من كلمته تي انا انصدمت يابال هما
محمد باس يدي اللي كان ماسكها وقال :ليا الشرف اني نقعد بدال هضا (وشير ع خاتمي)
انا منحرجه علي متحشمه علي خوف مشاعري كوكتيل
محمد :هيا حبيبتي وابتسم
انا ابتسمت وطلعنا وفتحلي الباب وركبت في السياره
انا :حبيبي شنو اللي درته
محمد :شن درت
انا :محمد كل حاجه عندك ببرود فاطن لروحك انت شن درت
محمد :اششششش جوي رايق مانبيش انعكره
وولع المسجل وعلى الصوت وتما يغني معاه
بس بس أنا أحبك إنت بس❤

وقلبي لك يرمس😣✨

وقلبي مايبي غيرك وبس😁

غمازة لا بموت أنا حس😱💛

وعيونها ترمش👀

غمزه وحده😉

ونقول وراء الشمس(🌞)
جننتي خبلتني بحلاها يننتني😔💛✨

دوختني أذبحتني بجمالها موتتني😍💞
~~~~~~~~~~~~~~~
وتمينا نصورو وجونا يجنن لعند وصلنا للمطعم وطلبنا ومقعمزين ناكلو😘
محمد :شن رايك يانانو ناخضو فندق نقعدو فيه القايله وبعد العصر نطلعو ما عنديش نيه نمشي للحوش
انا :براحتك حبيبي بس مجبنش دبش
محمد :نشرو عادي
انا :براحتك اللي تشوفه
شويه ومشينا للسوق ندهورو ونهدرزو ونضحكو القينا بابا غادي هوا وعبدالله وجايين شورنا انا خفت لبستي والمكياج
انا ؛حبيبي بابا جاي(وعيوني رقرقن)
محمد :اشش انتي مع راجلك عادي
انا :ووووه بنبكي
محمد :اسسسس ماتبكيش
باتي :السلام عليكم ويبحت فيا ويفنص
محمد :وعليكم السلام كيف حالك خير ياعبدالله
عبدالله :خيرات شخباركم
انا ومحمد :تمام
عبدالله تليفونه رن وتباعد علينا
انا :شن الصدفه الحلوه
باتي :عبدالله يبي محلات الشباب هنا وانا نبي نشري جلاليب جدد وانتو
محمد :ولاشي تغدينا في مطعم وقلتلها نطلقو كرعينا شويه خير من قعده الحوش
باتي :ليش مراتك ماتعرفش الطيب
محمد :هههه بالعكس تطيبها يجنن بس مليت كل يوم من الحوش انغيرو شويه
باتي بحت فيا:شنو نشوف فيك واخضه حريتك واجد لبس فاقع ومكياج الوان ماشاء الله
انا طبست راسي
محمد ماسك ضحكته
جاعبدالله:باتي هيا عشان متواعد نا والشباب
باتي وهوا يبحت فيا :هيا هيا
انا :افففف شن هضا حتى اللي تزوج مايخليها براحتها
محمد :عيب باتك هضا
انا :باتي علي عيني وراسي بس مش هكي عاد افف
محمد :تعالي شوفي في محل عرايس هنا
انا :حبيبي من جدك
محمد :تعالي تعالي بحتي هضا الله خوضيه سماوي يطلع عليك
انا :تحشم حبيبي نزل يابارد
محمد :المفروض اللي دارو المحل هما اللي يتحشمو
انا :هههه باهي نزل
محمد :تؤتؤؤتؤ خوضي قبل
انا :اوك حاضر والله حاضر هات ها
خضيت من يده وحطيته للبنت اللي تحاسب
البنت :ب 25
محمد دفعلها وطلعنا
انا :حشمتنا
محمد :ههههه هيا نمشو للفندق نريحو شويه ونطلعو
انا :هيا
ومشينا للفندق ودوشت وتوضيت وصليت ومشيت القيت محمد متكي علي ضهره ويفكر
انا :حبيبي فيش يفكر
محمد :نفكر في بكره شغل مش وقته بكل معنديش له نيه
انا :معليش تحمل
محمد :تعالي نرقدو وحضني ورقدنا ووعينا ع المغرب وغيرنا وطلعنا
انا :حبيبي نبي جولاطي
محمد :من عيوني احلى جيلاطي للكبيده
ونزل جابلنا وجا مشينا للسوق ونتمشو
محمد :حبيبي رانيا جايينها عرب متقدمينلها
انا :عارفه
محمد :باهي اشري حجات جدد دبش فساتين عشان را يبو يستعجلو في الفرح
انا :قصدك قبل رمضان
محمد :لالا رمضان مزال عليه شهرين
انا :اهاا بس بيبي انا عندي جبت من المغرب فساتين
محمد :براحتك حبيبي ايام اللي قبل الفرح التغليف والجو هضا مانبيش قصير واجد
انا :حبيبي حتى لو لبست قصير مع البنات اول مانكملو نركب نغير
محمد :مانفهمش المهم مانبيش الشباب يشوفوك وخصوصا شباب عيت عمي وخالاتي
انا :حاضر امرك
محمد :نجيلي اللي تسمع كلامي
ونحنا ماشيين جتنا بنت ولابسه قصير وضابط والوشاح مطلعه منه جمتها والكعب
محمد :اففف عليك قصه
انا :تعرفها
محمد :اها هذي
البنت :حمادي وينك مختفي
انا :😳😳
محمد :........................
البنت :........................
محمد:........................
البنت:........................
~~~~~~~~~~~~~~~~
التفاعل بناات كل مانلقى تفاعل انزل اسرع😘
ورايكم يهمني 😘