رواية لربما روايه ليبية😍

9

الحلقه9
لربما
~~~~~~~~~~💎💎💎~~~~~~~~
واول ماخشيت القيت الارض كلها ورد مجفف والضي وناسه وردي باهت وخشينا للمر طويل وبعدها الصاله واسعه رفعلي الكاب ابتسمتله
محمد :مبرووك مره ثانيه
انا :الله يبارك فيك (وطبست راسي ومنحرجه )
محمد مسكني من يدي وخشينا لدار النوم وقعمزت ع السرير وقعمز جنبي
محمد :نوران ماتخافيش وماتوتريش
انا ساكته ودموعي علي خدي
مد يده ومسح دموعي
محمد :نوران لو ماتبيش تصير حاجه بينا انا ما عنديش مانع لين انتعرفو اكثر
انا بهدوء وتوتر وخوف واضح ونرعش :مش هكي بس مش عارف انت شن اتشوف
محمد :انا انشوف اناخروها شويه لين انردو من شهر العسل او حتى غادي انكونو تعرفنا اكثر
انا :اوك براحتك
محمد :اهوا الصاكو غيري دبشك وتعالي نصلو
انا :اوك
وجا يبي يطلع
انا :محمد
محمد :نعم
انا :شكرا لانك خليتني علي راحتي هنا كم يوم بس لين انتعود ع الجو وبعدها ساهل
محمد :اولا اخر مره تشكريني وثانيا هضا حقك خوذي راحتك وطلع
اما انا حسيت براحه لان معاملته ليا كانت هاديه مش عصبيزي ماكان باين عليه اول مره تلاقينا غيرت دبشي ولبست توته اديدس رصاصيه وفيها خطوط بيض وتوضيت وطلعت
محمد :هيا انصلو
انا :هيا. ومشينا صلينا العشا وركعتين وبعد ما سلمنا حب علي راسي
وصبينا تعشينا
محمد :صحه
انا :تسلم. محمد
محمد :نعم
انا :بكرا طيارتنا الساعه كم
محمد :الساعه 5 بس 2 انكونو في المطار
انا :اهاا به
محمد :الصاكو اللي جوا هوا اللي حتاخذيه معاك ولو ناقصه حاجه توا انجيبلك من غادي
انا :مش عارف مزلت ماشفتش شن فيه القيت التوته هذي من فوق خضيتها
محمد :اهاا
صبيت وانلم في الطاوله وانراقب في محمد من تحت لتحت خش للدار وخضا مخده وفوطه وطلع حطهن ع الصالون انا كملت وجيته
انا :حترقد هنا
محمد :يس
انا :مش صعبه رقده الصالون
محمد :عادي
انا :علي ظهرك بس لوتبي تجي ترقد جوا عادي السرير كبير
محمد بحت فيا برفعه حاجب وقال : في فلم يعلنو عليه نحظره وانجي نرقد تعالي احظري معاي
(انا نبرم في عيوني علي شكل دائره عارفينها الحركه هذي هههه)
انا :عادي
محمد :هههههه اكيد عادي تعالي
انا :اوك
وجيت قعمزت معاه وهدوء وهوا متمدد علي الصالون وانا مقعمزه في الصالون اللي جنبه وحاطه مخده في كتري واول ما بدا رعب نحظر نحظر وكلما يعلى الصوت والله تجي لقطه نحط المخده علي اعيوني ومحمد يضحك بعدها جن اعلانان انا خضيت نفس عميق وجا محمد عند وذني بشويه بدون ما نحس فيه
محمد :واااعععععع
انا :ااهااااااااااااا
محمد :ههههههههههه منظرك هههههه منظرك يضحك واا ووووو ههههههههههههه
انا :خزي اصلا الحق عليا انا اللي نحظر معاك
محمد :هههههههههه اس اس هههه ولا كلمه را انكلم العووووو هههه
انا :بنخش نرقد
محمد :هههههه عدي
خشيت فتحت الضي وتميت انتقلب لعند ما كمل الفلم وجا محمد طفى الضي والنط انا
انا :اهااااااااا
محمد :سلام قول من رب الرحيم شن كنك شن فيه
انا :ولع الضي بسرعه
ولع محمد الضي
محمد :قصدك حنرقدو والضي والع
انا :اها اس وتعال انخمد
محمد :باهي انولعو الوناسه
ولع الوناسه وكل واحد دار وجه من جيهه
انا :محمد بنسألك
محمد :هااااا
انا :صاحبك يسكن هنا بروحه
محمد :اهاا هله متوفيين في حادث
انا :قصدك السرير هضا له بروحه
محمد :ههههه انتي اللي هامك السرير
انا :لالا مش هكي قصدي بس اول مره انشوف سرير بالحجم هضا
محمد :ههههه اها له بروحه
انا :باهي انخمد
محمد :في وحده تقول لراجلها انخمد هضا بدال ماتغطيني وتعطيني بوسه واتقوليلي تصبح علي خير حبيبي
انا :حبك برص انشاء الله
محمد :خزي
ورقدنا ثاني يوم نضت الساعه 9 اول مره انوض بدون ضرب بابا وصوت عياط صبيت مالقيتش محمد توضيت وصليت والقيته في المطبخ
انا :صباح الخير
محمد :صباح النور
انا :شدير
محمد :قهوه انديرلك
انا :ياريت
ودار قهوه وانا فتحت التلاجه القيت فيها شكلاطات
انا :قول الحق منو معبي التلاجه
محمد :هههه هديه من حيموو صاحبي ليش
انا :الله يفتحها في وجه ويجوز في اقرب وقت قول امين
محمد :عليش مثلا
انا :الشكلاطه هذي نعشقها وجايب منها واجد امس خضيت وحده وتوا خضيت وحده
محمد :طفوليه بيبي اغااا اغااا
انا :تريح
محمد :متريح والحمد الله
فطرنا ولميت لصاحبه شقته ووتيت شنطتي والقيته حاطلي لبسه حلوه (الصوره👇)وطلعتلك
انا :محمد عادي نمشي بيها
محمد :اها انا مش جايبها لكي اللا اني نبيك تلبسيها
انا :اهاا لاني مش متعوده قبل ديما عبايه حني وااسعه شوال
محمد صبا من الكرسي وقرب مني وكان وجي ع صدره حول جمتي بحنيه
محمد بهدوء:انتي لو بس تقعدي تسمعي في كلامي والتحملي عصبيتي لما نقعد متعقد انديرلك اللي تبيه واللبس قايلك من قبل المهم واسع ومستور
انا انحرجت وخدودي تمو ورديات وطبست راسي
انا :احمم باهي عادي اندير مكياج صح
محمد :هههه عادي بس خفيف لانه نحنا ماشين لمطار مكان عام
انا :اوك
وخشيت نجري
اما عند محمد في خاطره:-
اهخخخ شن درتي فيا تي لما انحقك ماتعرفش انتحكم في روحي افف زعما حبيتها بس مانبيش نغلط الغلطه مرتين بس انا شن ذنبي ماتوفقتش المره الاولى اكيد حنتوفق المره هذي اف
~~~~~~~~~~~~~~~
التفاعل 😍
توقعاتكم الحلقه الجايه 🙉
🙈

مننقوووولةة