خلي نتكلم شويه بواقعيه عن الاغاني
بس اريد اعرف اللي ضايج ومتكأب وتعبان كلش من هموم الدنيا ووروحه طالعه من الوضعيه اللي هو بيها ويجي يسمع اغاني يرتااح؟ يخلص من هاي الهموم من يسمع الاغأني؟ تروح الكآبه؟ لو تزيد وتزيد وتزيد
بس زياده هم وزياده ذنوب لااكثر💔
من نجي نسال احد شنو طبعك؟
يكلك اوو اني عنيد وعنوديتي مو طبيعيه
زين فد يوم جربت تعاند نفسك وتتحدئ شيطانك وتعوف الاغاني؟
انت من تسمع اغاني دتكول ربك اللي اريده اسوي مو بكيفك تكلي حرام يعني حرام
حاطين دوبنه وي دوب الله ليش؟
نتحدئ الله ليش؟
هسه من احد يسويلنه جميل نكله والله مانعرف شلون نجازيك
زين هسه احنه نعرف شلون نجازي الرب ع كل النعم ليش منجازي؟
ليش منكعد بينه وبين نفسه نستجمع مواهبنة قوانه ونحاول نعمر نحاول نسوي شي ينفع
ليش ياهو اللي نساله ليش ضايج يجاوب ها مادري هيج وحدي
اني اكلك ليش ..لان معايش السعاده الحقيقية اللي هي بقرب الله
ليش مراضين باللي عدنا ليش منحمد الله ع النعم ليش دوم اعتراض اعتراض ع حكم الله
صح العراق كله انفجارات وحر وحكومة موزينه بس صدكوني لو خوش اوادم جان انرزقنه بخوش حكومة وهواي هواي اشياء
ليش مننظر للجوانب الايجابيه
اكو بلد غير العراق عدهم علي ع ؟
اكو بلد غير العراق بي الحسين ع؟
اكو بلد غير العراق بي الكاظم ع؟
اكو بلد غير العراق بي الجواد ع؟
اكو بلد غير العراق بي العسكريين ع؟
اكو بلد غير العراق بي ابو فاضل؟
خلينا نحمد ربنا ع النعم اللي عدنا لان طبع الانسان النعمة اللي باقيه عنده ينساها لان تعود عليها من يفقدها يلا ذكرها
الله يهدي الجميع 💕
منقول فريق للفائدة 💝
أنت تقرأ
فــآئدٍة ّ💎(الجزء الاول)
General Fiction💜كل مايذكر منقول~~~ • ﺣﻴﻦ ﻧﺮﺳﻞ ﺑﺎﻟﻨﺼﺢ ﻭﺍﻟﺘﺬﻛﻴﺮ ﻻ ﻳﻌﻨﻲ ﺃﻧﻨﺎ ﻓﻲ ﻗﻤﺔ ﺍﻟﺘﺪﻳﻦ. .ﺃﻭ ﺍﻟﻤﺜﺎﻟﻴﻪ ﺃﻭ ﺍﻟﻜﻤﺎﻝ .. ﺑﻞ ﻫﻲ ﺭﺳﺎﺋﻞ ﻧﻮﺟﻬﻬﺎ ﻷﻧﻔﺴﻨﺎ ﻗﺒﻠﻜﻢ . ﻟﻌﻠﻨﺎ ﻭﺍﻳﺎﻛﻢ ﻧﺮﺗﻘﻲ ﻭﻧﺠﺎﻫﺪ ﺍﻟﻬﻮﻯ .ﻣﻬﻤﺎ ﺑﻠﻐﻨﺎ ﻣﻦ ﺍﻟﻌﻠﻢ ﻭﺍﻟﺘﺪﻳﻦ ﺃﻭ ﺍﻟﺠﻬﻞ ﻭﺍﻟﻤﻌﺎﺻﻲ ﻓﻨﺤﻦ ﺑﺤﺎﺟﺔ ﻟﻠﺘﻮﺍﺻﻲ ﻭﺍﻟﺘﻨﺎﺻﺢ ﻓﻴﻤﺎ ﺑ...
