حبيبتي يا اختي بس خلي اكلج شي♡
حاولي تتغلبين على نفسج وتربحين اخرتج خلي قلبج مملي بحب الله❤️ ترا اللي يحب الله راح يستغني عن الناس كلها لان الله راح يكفي 💚
نفسج الاماره بالسوء كافي تخليها تحكمج لزميها كسري راسها كوليلها يا اني لو انتي
صلي .. استغفري ..سبحي..التزمي بحجابج❤️يا اخيتي ياصديقتي علقي كلبج بالاخره الدنيا متدوم
ولا اللي بالدنيا يدومون ..تخيلي بيوم من الايام ينادولج بنت الزهراء❣افييش شمحلاها هالكلمه... انتي فطرتج طيبه انتي اصلج طيب انتي كلج طيبه
وبسبب هالطيبه البيج الله يهديج شويه شويه
....من تلتزمين بحجابج بصلاتج من تعزمين ع التوبه
انتي مو بس تكونين اطعتي الله
انتي شفيتي جرح من 1900 جرح صابت الحسين
انتي شفيتي كسر ضلع الزهراء ع
انتي ضمدتي طبرة الامام علي ع
انتي مسحتي دمعه من دمعات زينب ع
انتي هديتي ابتسامه لرقيه
انتي سويتي شي كبير يم رب العالمين
تدرين الله شيكول؟
يكول ليس هناك مخلوق احب الي من شاب تائب
ماكال شاب مؤمن ما كال شاب ملتزم كال شاب تائب لان يدري مغريات الشباب هواي يدري بالشيطان متربع الي والج يدري ياخذنه الهوة ....
وتدرين الله شيكول بعد ؟
يكول ومن اتاني يمشي اتيته هروله
يعني اللة منتظرج بس شويه تتحركين بس شويه تهتدين وهو يتكفل بالباقي هو راح يجيج❤️ما سالتي نفسج فد يوم ليش احنه انخلقنا؟ شنو الغايه من وجودنا
ممعقوله الله خلقنا علمود يخلينا نذنب ونرجع نموت وندخل للنار لاا
الله خلقنا لان يدري بينا احنه راح ننشر اللي يريده راح نتجمل بجمال الاسلام راح نبيض وجهة❤️
مااكلج تغيري تغيري هيج فجأه اكو اشياء متكدرين تعوفيها من اول مره بس تدريجيا راح تكدرين
واوعدج راح تكدرين لان لهفتج مراح تروح بالخالي بلاش❤️الله يدري بيج انو بفد يوم من الايام نويتي تتغيرين ونزلتي دمعه ..بهالاثناء الله راح يكول يا ملائكتي هاي البنية طلبت مني مغفره هاي البنيه تريد تمشي بطريقي نورولها طريقها ووفقوها💜
تدرين ليش دوم اللي يجذبون اللي فاسقين اللي ميصلون ميصومون الله منطيهم كلشي يردو
فلوس جمال شهره وكلشي
لان الله انطاهم دنيا بس مانطاهم اخره
بس الفقره اللي مثلي ومثلج
عوضهم باهل البيت الله ميريدلهم خير الدنيا لان قليله بحقهم الله ضملهم الاخره
صدكيني بس تحاربين نفسج شويه راح تتغلبين عليها وترا صعبة الحرب وكلش صعبه لان الشيطان متربعلنه
الشيطان ميروح لذنيج المغنيات وشي ذنيج هن اصلا شيطان يجي للمثلي ومثلج
ف يا حبيبتي كوني بدرب الزهراء سائرة قلبا وقالبا💚
#nabaa
منقول
أنت تقرأ
فــآئدٍة ّ💎(الجزء الاول)
General Fiction💜كل مايذكر منقول~~~ • ﺣﻴﻦ ﻧﺮﺳﻞ ﺑﺎﻟﻨﺼﺢ ﻭﺍﻟﺘﺬﻛﻴﺮ ﻻ ﻳﻌﻨﻲ ﺃﻧﻨﺎ ﻓﻲ ﻗﻤﺔ ﺍﻟﺘﺪﻳﻦ. .ﺃﻭ ﺍﻟﻤﺜﺎﻟﻴﻪ ﺃﻭ ﺍﻟﻜﻤﺎﻝ .. ﺑﻞ ﻫﻲ ﺭﺳﺎﺋﻞ ﻧﻮﺟﻬﻬﺎ ﻷﻧﻔﺴﻨﺎ ﻗﺒﻠﻜﻢ . ﻟﻌﻠﻨﺎ ﻭﺍﻳﺎﻛﻢ ﻧﺮﺗﻘﻲ ﻭﻧﺠﺎﻫﺪ ﺍﻟﻬﻮﻯ .ﻣﻬﻤﺎ ﺑﻠﻐﻨﺎ ﻣﻦ ﺍﻟﻌﻠﻢ ﻭﺍﻟﺘﺪﻳﻦ ﺃﻭ ﺍﻟﺠﻬﻞ ﻭﺍﻟﻤﻌﺎﺻﻲ ﻓﻨﺤﻦ ﺑﺤﺎﺟﺔ ﻟﻠﺘﻮﺍﺻﻲ ﻭﺍﻟﺘﻨﺎﺻﺢ ﻓﻴﻤﺎ ﺑ...
