خل نحجي ع الاغاني
ترا المتدين مو آلة بس تعبد وتصلي وتصوم! لا ..المتدين يمارس كلشي بالحياة ويلبس ويطلع ويكشخ وياكل ويشرب ويمشي ويحضر مناسبات ويعيش كلشي طبيعي بس داخل حدود الله! لامنا ولامنا💙وكل شخص يريد يتوجه للدين ليروح للي معقدين الدين! الدين سهل سلس ممتع بس المتدينين هم اللي صعبوه ووصلوه بطريقة معقّده!
هذا محمد ص يلاعب عصفور وهو نبي ♥
وهذا الامام الصادق يكول وهل الدين الا الحب؟
وهذا الامام علي يكول لاطاقة لي للعيش بعد فاطم.. وكل اولياء الله يثبتولنه انو الدين سهل وممتع ♥
الخلل مو بالدين الخلل بـ الي فهموه غلط!! !!!
اما بالنسبة للاغاني ف اول دليل ع حرمتها هو قول الله ( ومن الناس من يشتري لهو الحديث . ..)
وثقوا بالله وصدكوني انو كل شخص يسمع اغاني حياته مماشيه عدل حتلو تشوفه يضحك ويطلع ويشتري ووعايش احلئ حياة بس هو مامرتاح! داخله كله صراعات اصلا هو عبارة عن فراغ! وهذا شفته بصفحات كثير من المشهورين كله نشرهم ع الحزن والفراق والقرف! وهم ماكو شي ممتوفرلهم!!
س/صديقتي تسمع اغاني واني ماريدها تسمع شلون امنعها؟
اول شي واهم شي لتكليلها حرام
اول متكليلها حرام تكلج اهووو صارت شيخ براسي! لعد شكول؟
اول شي بينيلها اثار ترك الاغاني اللي عليج
شكد غيرت بحياتج وشكد حصلتي ع هدايا .. احجيلها وراويها المتعة بترك الذنوب♥ تقربيلها وحبيها وبينيلها حبج حتئ من تجين تكليلها شي تصدك بيج لان هي تثق بيج وتحبج وتدري بيج متريديلها غير الخير💙
كوليلها انو اللي انطانه نعمة السمع ميرضئ يسمعها. . كوليلها انو هالاذن الحلوه حرامات تتشوه بالاغاني والمحرمات! جيبيلها قصص ناس تركوا الاغاني وبفضل هالشي الله فتح ابوابه عليهم ..نبهيها بطريقة غير مباشرة ..مثلا دزيلها صورة عن عقاب الاغاني وبعدين كليلها العفو حبيبتي بالغلط. ..
واذا كل هذا مافاد ف صارحيها بالعقاب الاليم! وقد اعذر من انذر
أنت تقرأ
فــآئدٍة ّ💎(الجزء الاول)
General Fiction💜كل مايذكر منقول~~~ • ﺣﻴﻦ ﻧﺮﺳﻞ ﺑﺎﻟﻨﺼﺢ ﻭﺍﻟﺘﺬﻛﻴﺮ ﻻ ﻳﻌﻨﻲ ﺃﻧﻨﺎ ﻓﻲ ﻗﻤﺔ ﺍﻟﺘﺪﻳﻦ. .ﺃﻭ ﺍﻟﻤﺜﺎﻟﻴﻪ ﺃﻭ ﺍﻟﻜﻤﺎﻝ .. ﺑﻞ ﻫﻲ ﺭﺳﺎﺋﻞ ﻧﻮﺟﻬﻬﺎ ﻷﻧﻔﺴﻨﺎ ﻗﺒﻠﻜﻢ . ﻟﻌﻠﻨﺎ ﻭﺍﻳﺎﻛﻢ ﻧﺮﺗﻘﻲ ﻭﻧﺠﺎﻫﺪ ﺍﻟﻬﻮﻯ .ﻣﻬﻤﺎ ﺑﻠﻐﻨﺎ ﻣﻦ ﺍﻟﻌﻠﻢ ﻭﺍﻟﺘﺪﻳﻦ ﺃﻭ ﺍﻟﺠﻬﻞ ﻭﺍﻟﻤﻌﺎﺻﻲ ﻓﻨﺤﻦ ﺑﺤﺎﺟﺔ ﻟﻠﺘﻮﺍﺻﻲ ﻭﺍﻟﺘﻨﺎﺻﺢ ﻓﻴﻤﺎ ﺑ...
