فــآئدٍة ّ💎(الجزء الاول)

سلسلة الصلاة الاولى:7

ننتقل للركوع .. من تركعون لا تذبون كل حملكم على الرجلين بحيث تستراحون ... لا هذا الشي يخليكم تسهون ..
بهزوء نزلوا وايديكم على ركبكم ومدوا ظهركم كله ونزلوا راسكم ... كأنكم تقدمون رقابيكم لله ..
وتمتموا بالاذكار .. ( سبحان الله سبحان الله سبحان الله ربييي صل على محمد وال محمد) ( الله اكبر .. سمع الله لمن حمده .. الله اكبر ( سجود) )

اذا تردون بعد تقرون فد دعاء اثناء الركوع هم يضفي خشوع للصلاة ( مثلاً يا الله يا الله يا الله .. الطف بحالنا يا رب)
اي شي اي كلمات تخطر ببالكم .. (مثلاً .. الهي .. هذه صلاتي صليتها .. بين يديك اديتها .. اقبلها يا ربي واقبلني بها)

.....
وهكذا

ننتقل للسجود .. من تهبطون للسجود .. كون اول شي يوصل للارض هي ايديكم .. مو تنزلون تكعدون نوب تسجدون ... لا خليها هبووط ... يعني مثلاً فد شخص لزموا دا يسرق او اي شي
فهو دا يتوسل بيهم حتى يسامحونه ويتركونه بحاله .. شلون راح ينزل من يريد يصير يم رجليهم حتى يعتذر
مباشرة راح يهبط ورأسه بالارض ... تخيلوا انتم يعني ( اتمنى دا توصللكم الفكرة وتفتهمون قصدي 😶 )

هسه الكلام
نفس الشي .. بهدوء وخجل وروحانية ..
سبحان ربي الاعلى وبحمده .. اللهم صل على محمد وال محمد)
وايضاً اذا تحبون اي دعاء

....
مرة اني وصديقتي سألنا استاذتنا عن الدعاء بالصلاة .. ويصير نطول يعني بالدعاء بالسجود لو نختصر بدعاء بسيط ..
كالت يصير تقرون دعاء كميل بالركوع ودعاء الجوشن بالسجود 🌚😅
بكيفكم .. بس كالت شرط ما يأثر على الصلاة ويخليكم تنسون انتم بأي سجدة او بأي ركعه .. والا اقروا دعاء طويل او اكثر من دعاء قصير براحتكم ...

...
يتبع 💚