اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هنا الخلل .. مشكلتنة نعبد لان نخاف مو نعبد لان نحب
الحل بسيط..الارادة تصنع المستحيل
تريدين تلتزمين بالصلاه؟ راح تلتزمين
بس بالنسبة للصلاة...
المشكلة بينا مو بالصلاة نفرغ لكلشي ونسوي وقت لكلشي بس من تجي يم الله النعاس يطلع والتعب يطلع واللمبالاة تطلع! ببساطة لان احنه مماخذين الله بعين الاعتبار الحقيقي وماحاسبيله حساب يستحقه.. عموماً كلامي للجميع ليس لشخص معين 💙
اليوم عندي مقابلة عمل والموعد بفلان ساعة بفلان مكان والموعد مهم ومتوقفة عليه هواي اشيا۽ وماممكن نضيعة
راح نشوف نفسنه قبل اسبوع نحضرله ونحاول نرتب مواعيدنا واشغالنا لاجل نلتزم بموعد المقابله ونروح بالوقت المطلوب للمكان المطلوب. وبالتالي يمكن تنجح المقابله ويتم المشروع وممكن العكس ..
زين ليش منحسب لله هيج حساب💙؟ رب العالمين فاتحلنه المجال علۍ مدار 24 ساعه باليوم بس اكو اوقات كاللنه اذا تجون بهيج وقت راح تحصلون هدايا اعظم ... اللي هي الصلاة بعيداً عن ان هي واجب.. بس هي اقل شي ممكن نقدمه لرب العالمين من باب رد الجميل ع هالنعم اللي انعم بيها علينه💙
تتعب وتتاذۍ من الناس باليوم الف مره وتنشغل وتصير وياك اشيا۽ ممكن تضوجك بس رغم ذلك الله انطاك وقت محدد يكون محطة استراحة من شقا۽ اليوم! من الاذية ومن كل التعب💜
تخيل انو الله منتظرك يريد يباهي بيك الملائكة.. ويجي وقت الصلاة وينتظرك والملائكة تكول ها شوماكو؟ ويكلهم لا هسه يجي ..ويخلص الاذان وترجع الملائكة تكول ها وينه؟ ويرجع رب العالمين يكول ميخالف مشغول هسه بس يكمل البيده ويجي ..ويكمل البيدك ومتجي! وتقدم خذلان جديد لرب العالمين! اللي جان محضرلك هدايا يريد يكرمك بيهن فوك كل هذا الكرم
شايف ركضتنه للموبايل من يتصل علينا احد؟ لونركضها لرب العالمين من يتصل علينا جان وصلنا للملكوت هسه!
يكول الله اكبر ...منرد يرجع يكول الله اكبر .. نغلس
اشهد ان لا اله الا الله .. نسوي روحنه منسمع
يرجع يعيدها اشهد ان لا اله الا الله ...وهم نفس الشي
اشهد ان محمد رسول الله! يمعود ..كوم ..انت عبدي ..اني منتظرك.. اريد ازيل عنك. كل همومك ! وماكو💔
