محاضره قصيره عن صاحب الزمان ع🍃🖐🏻
كلنا شفنا مسلسل يوسف الصديق
شفنا شلون يعقوب ع تاذه وبجة لحد ما ابيضت عينه علئ فراق ابنه
بس هو جان يدري انو يوسف بخير
يدري انو يوسف وزير
يدري بمنزلته ومقامه
يدري هو وين
بس مع ذلك جان يبجي ويبجي ويبجي لحد ما انعمئ بسبب بكاءة
بس احنه اللي مانعرف يوسف فاطمه وينه لأي حد لازم نبجي؟
ليش ما تبيض عيونه لفقد امامنه؟
......
لو يجي احد يسألني
منو اكثر مصيبته الامام الحسين ع اللي انذبحو اهله كدامه وانحركت خيامه وانسبت اخته وتيتمو اطفاله وانذبح طفله الرضيع علئ ايده و و و .....
لو الامام المهدي عج؟
راح اكله الامام المهدي
تدرون ليش؟
لان الامام الحسين جان عنده عباس
لان الامام الحسين جان عنده علي الاكبر
لان الامام الحسين جان عنده القاسم
بس الامام المهدي منو عباس زمانه؟
منو علي اكبر زمانه؟
منو قاسم زمانه؟
منو زينب زمانه؟
اني .. انتي .انته.. لو منو؟
ناكل ونشرب ونطلع ونمشي بس فد يوم فكرنا امامنه شديصير بي؟
اكل شرب نام ارتاح ؟ لو نفكر بس بنفسنه؟
ينقل احد العلماء يكول شفت الامام المهدي عج بالمنام وجان اللي تحت عيونه اسود!!!
جانت عيونه ذبلانات!
سالته ليش يا امامي؟
كال بسبب ذنوب شيعتي
بسبب ذنوب شيعتي
ينادون يا ابن الحسن ورغم ذلك يرتكبون المعاصي!!!!
قلب صاحب الزمان مفطور بسببي وسببك
مو علمود سني ولا علمود يهودي ولا علمود صابئي ... لا علمودنا احنه الشيعه
لو نسأل اطفالنا هسه كم فلم كارتون يبدي باليوم؟
شسم الشخصيات اللي بالافلام كارتون؟
شوكت ينعاد
راح يجاوب وهو مسيطر
بس سالة حافظ دعاء الفرج؟
يبقئ صافن بوجهك ميعرف الجواب لان ميعرف منو هو صاحب الفرج!!!!!
من نتابع مسلسل ويصير ضرف ومنشوفها نركض ثاني يوم مثل المجانيين عليها ونسال شصار وشسوو و و و
بس اكو فد يوم سالنا مسلسل الامام المهدي شوكت تخلص ويضهرلنا!!
شوكت يمسح علئ روسنا وتشفئ كل الجروح؟
.........
ان المحب لمن احب مطيعُ صح لولا؟
بس شكد نسبه تطبيقنا لهذا القانون؟
جاوب نفسك💔
ينقل ايضاً احد العلماء اللي جان يلتقي بالامام روحي له الفداء يكول سالته كتله امامي شنو اكثر شي يأذيك؟
يكول جاوبني الامام كال اللي ياذيني شيعتي اللي ينامون بليل وماعدهم نية الاستيقاظ لصلاه الفجر
!!!!!!!!
اااكو مرات واحد يكول اني وقتت المنبه وردت اكعد وكلت لفلان كعدني بس ماكعدوني
بس اللي ماجانت عنده نيه اصلا يكعد الصلاه الفجر شكد دياذي صاحب الزمان؟!!!!!
.....
من يتصل علينا واحد بالموبايل نركضله ركض نريد نعرف منو
!!
الله سبحانه وتعالئ باليوم 20 مره يتصل عليك ليش ما تصيرلنه اللهفه حتئ نرد عليه.
يومية ياذن المؤذن 3مرات
ليش مانرد علئ الاتصال؟💔
هواي من البنات والشباب تلكوهم ضايجين
تسالهم ليش؟
يجاوبون مادري بدون سبب
ضايجين بس بدون سبب
مكتئبين بس بدون سبب
حزينين بس بدون سبب
اني اكلكم السبب!!
السبب بعدكم عن الله
لان السعاده الحقيقيه هي اللي بقرب الله💖
اخسر كلشي بس لا تخسر الله💖
أنت تقرأ
فــآئدٍة ّ💎(الجزء الاول)
General Fiction💜كل مايذكر منقول~~~ • ﺣﻴﻦ ﻧﺮﺳﻞ ﺑﺎﻟﻨﺼﺢ ﻭﺍﻟﺘﺬﻛﻴﺮ ﻻ ﻳﻌﻨﻲ ﺃﻧﻨﺎ ﻓﻲ ﻗﻤﺔ ﺍﻟﺘﺪﻳﻦ. .ﺃﻭ ﺍﻟﻤﺜﺎﻟﻴﻪ ﺃﻭ ﺍﻟﻜﻤﺎﻝ .. ﺑﻞ ﻫﻲ ﺭﺳﺎﺋﻞ ﻧﻮﺟﻬﻬﺎ ﻷﻧﻔﺴﻨﺎ ﻗﺒﻠﻜﻢ . ﻟﻌﻠﻨﺎ ﻭﺍﻳﺎﻛﻢ ﻧﺮﺗﻘﻲ ﻭﻧﺠﺎﻫﺪ ﺍﻟﻬﻮﻯ .ﻣﻬﻤﺎ ﺑﻠﻐﻨﺎ ﻣﻦ ﺍﻟﻌﻠﻢ ﻭﺍﻟﺘﺪﻳﻦ ﺃﻭ ﺍﻟﺠﻬﻞ ﻭﺍﻟﻤﻌﺎﺻﻲ ﻓﻨﺤﻦ ﺑﺤﺎﺟﺔ ﻟﻠﺘﻮﺍﺻﻲ ﻭﺍﻟﺘﻨﺎﺻﺢ ﻓﻴﻤﺎ ﺑ...
