فــآئدٍة ّ💎(الجزء الاول)

سلسلة الخامسة:الحب

#4

شكد حلو هسه الوحدة من عدنه من تنهض ع حيلها وتكول خلاااااص .. اذا الي الله راح يجيبه الي لو بيناتنه 7 قارات واذا مو الي ف مراح يصير الي لو بيناتنه رمشة عين .. انت تستمعين بالكلام وياه وابليس يستمتع ببكاء صاحب الزمان .. اي وعيونج .. كل الدتسوينه يأذي صاحب الزمان لان هو امام زمانج ويدري بالديصير ومو هينة عليه يشوف وحده من بناته تأذي كلبه💔 لتكولين مااكدر اعوفه تكدرين مثل ماغيرج كدرت .. هسه اذا اسالج تحبين الله ؟ حتكليلي اي .. اكلج زين ليش متطيعي مو ان المحب لمن احب مطيع؟! راح تسكتييين ...تدرين ليش؟ لان حب المخلوق هو المسيطر ومخليج تنسين حب الخالق .. من تبجين وتضوجين موحبيبج اليمسح ع كلبج ربج اليمسح ع كلبج .. من توكعين بشدة مو حبيبج اليخلصج منها ربج اليخلصج منها ... من تتمرضين مو حبيبج الراح يشافيج ربج الراح يشافيج... تخيلي هسه محد يدري بيج مسوية علاقة بس يوم القيامة راح ينعرض فلم حياتج ع كل البشر وحتى اني راح اشوفه... ايدج راح تشهد عليج ورجلج راح تشهد عليج... ماسألتي نفسج فديوم ليش ضايجة دومج ومخنوكة؟ ...من دون سبب!!!!

لانج ماعايشة السعادة الحقيقية بقرب الله ..ربطتي سعادتج بمخلوق ماربطتي سعادتج بالخالق .. رضيتي مخلوق ع حساب الخالق وهو قلب المخلوق بيد الخالق💔