فــآئدٍة ّ💎(الجزء الاول)

ليس لي احد يحبني؟

ليس لي احد يحبني؟
افكر في الانتحار⚠ ؟
.
.
.
.

اسم الله اسم الله ..حبيبتي ليش تنتحرين؟  اذا نفسج موعزيزة عليج ف هي عزيزة عليه ومااقبل بهالشي من باب يجب علئ المؤمن ان يحب اخيه المؤمن💙واذا موعزيزة عليه ف هي عزيزة ع الله اللي كال ( ونفخت فيه من روحي)  .

لاياقلبي انت ابد مو ثقيلة واحلۍ شي بيج احساسج هذا 💙 وداعتج كلنا اهلنا مفارغين النا ومرات تجي اوقات نحس هيج بس هالشي ابد موصحيح💛

وبعدين خليها الناس متحبج اهم شي الله يحبج💙والدليل علئ حب الله الج انو رغم ذنوبج وتقصيرج دينطيج فرصة ثانية ويخليج تعيشين يوم جديد ويكعدج من النوم 💛

رب العالمين حنون وعطوف يخلي الناس كلها متحبنه ويخلي المقابل يخذلنا ويسد الابواب كلها ويبقى بس بابه مفتوح حتى نأيس ونروحله ..ومن راح نروحله هو تلقائياً  راح يخلي الناس تحبنا ويزرع بقلوب الناس محبتنا 💕

الله ماخلقنا حتۍ نتعذب خلقنا حتى نعيش حياة حلوة نوصل بيها للجنة

تدرين شنو احلى شي بيج هسه؟ هو احساسج هذا وتفكيرج هذا ..معناها خلاص الله يريدج الله ميريدج تبتعدين عنه اذا انت تتحملين البعد هو ميتحمل البعد لان خلقج ونفخ بيج من روحه وخلقج وسوّاج💙

ميخالف كلنا نمر بهيج ايام نتمنى الموت بيها الف مرة باليوم ونحس انو احنه مظلومين ومحد يريدنا ومحد يحبنا وكلها موزينه ويانه بس اذا نباوع من ناحية ثانية راح نلكه انو هذني الاشياء اول طريق للهداية ..وطبعاَ مو كل واحد رب العالمين يهديه ..الله يهدي من يشاء ..يعني بس اللي يريده💙

اكو ناس من يصير بيهم هيج يروحون ينتحرون لو ينشرون اشيا۽ عن الموت والحزن ويكظون الليل بالاغاني االي تسد النفس ونهارهم يخلص وهم لاصلاة لاذكر لا حسنة وبعدين يجون يكولون ليش احنه هيج؟

لتكونين منهم ياقلبي واذا انت منهم فالفرصه كدامج والوقت الج وتكدرين تبدين من الصفر وتتغيرين♥