فــآئدٍة ّ💎(الجزء الاول)

لماذا خلقنا الله؟!! (المبدا الثاني) ..

خل نسولف بالمبدا الثاني ..
الطبيعه هي من اوجدت الكون !!!

بالنسبه للي يكول ويعتقد بهذا المبدا..
راح ارجع اساله ..
شنو تقصد بالطبيعه ؟!
الاشجار والمياه والخضره ؟!
لو غير شي ؟!

وهل ياترى الطبيعه الي تقصدها ..
تمتلك الحياة لو لا؟!

يعني مثلا هسه الجبال السهول هي ماده يعني نكدر نلزمهن بس مثلا الشعور اللي بداخل الانسان مومادة تحسين بي بس متكدرين تلزمي يعني تحسين انت جوعانه بس تكدرين تلزمين الجوع؟ اكيد لا

زين اذا الله ماده ( نكدر نلزمه)  شلون يخلق اللي مو ماده( الشعور وماشابه)

واحنه ندري انه #فاقد_الشئ_لا_يعطيه ؟!!

وهنا .. احنه بطلنه المبدا الثاني..
ايضا،بالدليل العقلي ..
وهو مرفوض #عقلا !!!
اكو الي يكول ..
شلون تكدرون تأمنون برب غير مادي ؟!

لا هو جسم ونشوفه..
لا عنده صوت ونسمعه..
لا هو بمكان ونروحله ؟!

شلون عرفتوا هو موجود. اذا ماكو شي متعلق بيه موجود ؟!

هذوله اسمهم .. (الماديه )

يعني ينكرون كلشي مو ماده ..
كلشي مو ماده يعتبروه مموجود ..

وكلشي ماده لازم يكون موجود..

بعباره ثانيه ..
الموجود = الماده

ماليس بماده = غير موجود !!!

#الجواب راح يكون بشطرين.  

الاول ..
راح اسال هذا الشخص المادي . 
اكله ..
اكو هواي امور هي بلحقيقه ماده .. بس متنشاف .. مااكدر اشوفه بالعين المجرده ..
استدل عليها من اثارها . 

مثل .. الطاقه الكهربائيه  . .

ماده .. بس مااشوفه ..
اني متاكده هي موجوده ..
ليش؟!
لان اكو ضوه اعتلك.  
او سبلت اشتغل
او تلفزيون انفتح !!

اذن .. اكو اثر انه اكو كهرباء ..

بس اني مشفت الكهرباء بعيني ..
شفت اثره وبس !!!!

والثاني ..
انه اكو هواي امور غير ماديه .. بس انت مجبور تؤمن بيها .. وتحسها جزء من عندك ..

مثلا ...
الخوف .. الغضب .. الكره .. الحب . 
الاحساس بالالم!!

خل واحد يكلي داحس بالالم.  
عدم شوفتي للالم .. ميخليني انكر وجوده!!

والاهم من كل ذلك ..
العقل!!!
اسال هذا الشخص المادي ..
اكله انت عاقل ؟؟!
راح يكلي اكيد اي !!!

اكله راويني عقلك اريد اشوفه !!!

اذن .. من هذني الشطرين ..
راح نوصل الى قاعده عقليه عقائديه ..

#عدم_الوجدان_لا_يدل_على_عدم_الوجود

يعني عدم وجود صوره او شكل او جسم لله تعالى ..
لا يدل على عدم وجوده ..