فــآئدٍة ّ💎(الجزء الاول)

موضوع ( العادة المحرّمة )

#4

الزواج هو الحل .. الحلال ..

زين ممكن احد يكول الزواج صعب بهالوقت والمهر هواي وطبعا ع طاري المهر اوجه رسالة للبنات واكلهن تهدن حبيباتي ... انت مو سلعة حتى تثمنين نفسج بفلوس انت جوهرة والجوهرة متتقدر بثمن والرسول يكول أبرك نساء امّتي أقلّهن مهورا 💙 ف يا قلبي ديري بالج ع الناس ❤️

زين اوكي نكول الزواج منكدر نتزوج ممكن احد تحكمه دراسه ممكن صحة ممكن شي ثاني بس المهم ميكدر يتزوج  زين شيسوي ؟

اول شي حاول لتختلي بنفسك يعني لتكعد وحدك عسى ما تخلي طفل يمك المهم متكعد وحدك .. لتروح لفراشك وانت مرتاح ومانعسان .. ابقى التهي بشي لحد متنعس كلش بحيث من تروح تنام بس تغمض عيونك تغفى ...خليك ع وضوء داااااائما وردد ( اعوذ بالله القوي من الشيطان الغوي ) تذكر انو انت حاليا عندك تصوير والكاميرا رب العالمين منصبها والناس منتظرة تشوف الفلم .. ف خليك ممثل مبدع ..💙
باوع لنفسك يومية واحجي وي نفسك وفهمها انو انت فوك هالشي واكبر من ان يحكمك شي نهايته يوديك للهاوية !🌷
خلي عينك بعين ربك وكله انت اعلم بالحال ساعدني ع نفسي ...بس يجي ببالك هيج شي كبل إشغل نفسك بشي ثاني افتح فيديو يأثر بيك احجي وي احد اي شي سوي المهم لتخلي هالمجال يتوسع ولتنسى تتعوذ الشيطان طبعا ...

وخلي ببالك انك شكد متصبر وتلزم نفسك وتحفظ فرجك بزمن صارت بي شهوة البطن والفرج هي الاهم راح تتجازه هواي وتستلذ بالحلال كلش ..

يمكن تشوف واحد جان يسوي اشياء حرام قبل ميتزوج ومن يتزوج شهر وتلكاه تغير ومل و.. تساله ليش يكلك مادري ... اني اكلك ليش .. لان بسبب الحرام الجان يسوي بعد ميستلذ بالحلال !
هي علاقة طردية .. شكد متصبر شكد متتلذذ بحياتك بعدين.. وترا العمر خلصان وع ساعة نموت وعيونك .. ماتسوه الدنيا نستغني عن الجنة 💙 خلي قلبك بيد ربك وعينك بعينه ولتنسى ان العين اللي تشوف الحرام ماراح تشوف صاحب الزمان💔والاذن اللي تسمع غيبة ماتسمع صوت صاحب الزمان .. واللسان اليحجي حجي مو حلو ما يتشرف يحجي وي صاحب الزمان💔 والقلب المو نظيف مايدخل بي صاحب الزمان .. صاحب الزمان نظيف يدخل بس للقلوب النظيفة.💙