غُربه موحشه

بارت ٤٥

-

"ما اتصلت امس بليل" يقول له و هو ماسك الزقاره بيده يلعب فيها مو مولعه و يضحك عمر

"والله جييت و نمت ماا حسيت بنفسي كيف نمت حقك علي" يرد متأسف

"و ما تعرف ترسل مسج تقول لي انك نعسان؟ ماراخ اغصبك" يرد و عمر جعد حاجبه

"بدر قلت لك جيت نمت من الصبح للفجر سهران تعبت" يرد عمر، توه صاحي بفراشه منسدح و بدر داق عليه منفس

"طيب قلت لي راح تتصل بس عيال عمك عندك و عذرتك ماراح اسحبك من اهلك و لما جيت نمت تعبان بعذرك بعد لانك تبي تنام وش دعوه عمر دقيقتين ما تاخذ منك بس تقول لي انك تبي تنام ما تقدر تتصل صاير مثل الاهبل انا منتظرك تتصل وقت ما تبعد عنهم؟" يرد بعصبيه و عمر قلب عينه، شايف ان بدر مكبر الموضوع على ولا شي

"زين تبي شي الحين؟" يسأله نفسيته خربت و تنكد عليه يومه من بدايته

"سلامتك" يرد بدر و يسده بوجهه، تنرفز عمر من الحركه و رجع اتصل عليه و رد بدر قبل لا يولع الدخان

"خير؟" يرد بدر

"تحسن اسلوبك معاي بدر و تحسن الفاظك ماني اصغر عيالك تسد التليفون بوجهي ما اشتغل عندك انا و لو انت نمت و سويتها فيني بعذرك لاني مو جاهل مثلك يا بدر لا تخليني جد ازعلك" يرد بعصبيه معتدل بقعدته و هو يكلمه

"وش بتسوي تزعلني؟ لا لا وش بتسوي اذا ما حسنت الفاظي؟" يسأله رافع حاجبه

"نفسيتك زق و زققت نفسيتي معاي و نكدت لي يومي الاحسن اني ما اكلمك الحين اذلف لما تتعدل نفسيتك و تصير ادمي كلمني" يرد عمر بغثى و يسده بوجهه يرمي التليفون على السرير و يوقف من مكانه رايح لحمامه

رمى بدر تليفونه على الطاوله، قاعد فالبلكونه و ولع زقارته و يدخن هاز رجله، تنرفز من حركة عمر كيف خلاه يسهر للصبح ينتظر رد منه و هو نايم فالعسل.. تنهد واقف من مكانه الزقاره بفمه و يسحب جاكيته يطلع من الشقه

يطلع عمر من الحمام بعد ما اخذ شور من خياس امس، و كشخ و تعطر، اتصل على يوسف يقول له يمره، و مره اخذه يتمشون

"بخاطري اروح المباركيه" يقول له عمر

"اوكي نروح المباركيه" يهز يوسف راسه مغير طريقه للمباركيه "منو اخذك امس؟" يسأله يوسف

"بندر يا زق! حركتك زباله والله الله يلعنك ادري انك متعمد" يقول له بعصبيه متذكر شسوا فيه

"اقسسم باالله اني نسيتك و مو متعمد اكل خرا خير شنو اللي حركتي زباله مو مسوي شي" يرد مدافع عن نفسه

"زين سد حلجك خلاص" يرد

"ايي زين شصار بينك و بين بدوري" يسأله و يقلب عمر عينه

"تهاوشت معاه الصبح المريض! داق علي مقعدني من النوم يزفني ليش ما دقيت عليه امس بليل اقول له جيت نمت حتى ملابسي ما غيرتها و معصب جان دزيت مسج تقول بنام قلت لما تصير ادمي دق علي" يقول له و اتسعت عين يوسف