غُربه موحشه

بارت ٢٤

-

يصحى ساري و يلقى عدي نايم على ظهره و شفايفه مفرقه، يتذكر ليله امس، من اولها لحد ما سكر، هذا اخر شي يتذكره و مصدع و حاس بحومة كبد من الجوع، و يبعد البطانيه عنه رايح للحمام

-

يقعد على الطاوله ياكل له اي شي جدامه ماله خلق يطبخ او يطلب شي محفظته ناسيها مو معه

"الساعه كم؟" يسمع صوت عدي و يرفع راسه له بسرعه، و يشوف تليفونه

"عشر و نص الصبح" يقول له

"نعم؟ امس ردينا الساعه ٦ الفجر كم ساعه نمنا؟" يسأله

"مدري بس بعدي ما شبعت نوم قمت من صداعي" يرد

"لانك ما اكلت شي و كثرت من المشروب امس" يقول له و ساري منحرج من تصرفاته امس

"ايي" اكتفي بهالرد و طلع له بندول و مويه

"اكل و تبي نطلع نفطر برا؟" يسأله عدي

"لا ابي ارجع انام" يقول له و تذكر شغله "من مسح وجهي امس؟ ماذكر ان مسحته" يقول له و يقعد عدي جنبه

"انا مسحته لك انت امس من التعب كأنك جثه سكران و نعسان و جاك غثيان" يقول له و ساري منحرج مره

"اسسفف اللي سويته امسس كان حيل غبي مدري كيف ما قدرت اوقف" يقول له و يبتسم عدي

"بس كان يوم حلو استمتعت بوقتك صح؟" يسأله و يبتسم ساري

"اي والله كان مره الجو حلو" يرد و كمل بسرعه "بس بتكون اخر مره" ينبها و يضحك عدي

"طبعاً بتكون اخر مره بالنسبه لك ساري السكران صعب الواحد يتعامل معه" يقول له

"اسف" يتأسف و عدي وقف من مكانه

"لا تتأسف كنت مره كيوت و حلو" يرد عدي و هو يلعب بشعر ساري

"طيبب تذكرت لما قلت لك ابي الحلاق فأبي الحلاق بحلق شعري و ذقني" يقول له

"قلت لك انا اعرف تعال" يناديه طالع من المطبخ و يلحقه ساري للحمام

"كيف تبيها؟" يسأله

"عُدي!!! اكيد تعرف؟" يسأله بشك

"اربع سنين ما دخلت الحلاق انا احلق لعمري و اعتني فوجهي ذا ايده مدري وين مدخلها تلقاه حاك مكوته و يجي يفركها بوجهك اقعد بس" يقول له و ساري لاعت جبده و يجي كرسي صغير بدون ظهر و يقعد جدامه و يلف الفوطه حوله

"اول شي تبلل شعرك" يقول له و ساري يندق للحنفيه و يبلل كل شعره لماي و يحرك راسه بسرعه تطايرت قطرات الماي منه و يرفع راسه مره شعره لورا

"ترى ما اشوف عدل فشوف انت وش يناسبني" يقول له و عدي يمشط شعر ساري لورا

"اي ساري مو هذه المشكله وجهك الخرا كل شي يصلح له" يقول له و يضحك ساري رافع حاجبه