غُربه موحشه

بارت ٤٨

-

يصحى بدر، ينتبه لعمر نايم جنبه و ايده حول خصره و راسه على كتفه، ابتسم و رجع غمض عينه حاس بوجود عمر فحظنه

يحرك يده على كتف عمر و يبوس راسه، بهدوء بعد يده من تحت راس عمر و سحب نفسه منه بهدوء، اخذ سكاكينه رجع كل واحد مكانه لبس جوتيه و طلع من الشقه

-

يدخل عليهم الغرفه و يفلته عليهم، يصعد فوق الفراش و يصعد فوق عدي يلحس كتفه، يتأفف و يشد ساري لحظنه اكثر

"عدييي اصحىى يلا" يصرخ مازن "ساري اصحىى اصحوا خلصوني" يصرخ عليهم و كلبه ينبح لهم

"قسمممم بالله ان ما شلته عني لا احذفه برا الدريشه" يصرخ عدي بعصبيه و مازن ينادي كلبه و ينزل له رايح له

"شلته يلا اصحى" يقول له و ساري يسحب الغطا يغطي وجهه، منسدح على بطنه و عدي حاظنه من ظهره لاصق فيه من ورا

"وش تبي؟ شسالفة امك؟ خير؟" يصرخ عليه

"قوم نطلع وليد عنده شغل و طفشان" يرد و تنهد عدي، يلتفت ساري لجهة عدي و يقرب لصدره مغطي نفسه بالكامل و ينام على حظن عدي

"بالله امانه اترك هالنومه و اقابل وجهك؟ سكر الباب و اطلع مازن قبل لا اعصب" يهدده و يطلع مازن مسكر الباب و هو يسبه

ينسدح عدي يضم ساري له بقوه "مجنون انا اقوم عنك و اقابل وجهه؟" يسأله و يضحك ساري بكسل و يبوس كتف عدي

-

"و انتي كذا بس تاكلين خيار؟" يسألها شايفها بالمطبخ سلة خيار جنبها تقطعه و تاكله

"مشتهيته" ترد بنفسيه

"شفيك منفسه الحين؟" يسألها و تهز راسها للجهتين و هي تاكل "حنين قلبي طالعيني شفيك قولي لي وش مزعلك؟" يسألها و تتنهد

"ولا شي مب منفسه اكل" تمد له خيار

"لا ما احبه" يهز راسه

"غسان قبل كنت تاكله" تجعد حاجبها

"مع سلطه مو بروحه" يرد بايس خدها و يفتح الثلاجه "وين امي؟" يسألها

"طلعت تتمشى فالحديقه" ترد

"و ليش ما طلعتي وياها تغيرين جو؟" يسألها فاتح عصيره

"مالي خلق و صح امك شافت اللي فالثلاجه و عصبت قالت يشيله يرميه فخله عند عدي بدال لا ترميه" تقول له و يلوي شفايفه

"خلها بتنساه.." يبوس كتفها طالع من المطبخ و تكمل هي اكل للخيار

-

يصحى ملتفت حوله و ولا يلقاه، يوقف من مكانه، الشقه هاديه! يروح لغرفته و ما يلقاه، يطق باب الحمام و مافي رد، يدخل للمطبخ و يطالع فالبلكونه مو موجود! يسحب تليفونه و ما لقى اي رساله منه!! يتأفف مو عارف يكلمه اول او لا!!