غُربه موحشه

بارت ٣

-

"متأكد منت جاي؟" يسأله غسان و ساري قاعد على السرير و يهز راسه

"اي مالي جو فهالسوالف" يقول له و يهز غسان راسه

"طيب" يقول له متعطر و ينطق باب غرفته و يفتحه غسان و يسمع صوت بنت برا كلامها عربي يتوقع انها مغربيه من لهجتها

"تكلمي عدل ما افهم" يقول لها غسان و تقلب عينها

"لا تقلبين عينك لا كف يطيرها لك" يقولها بعصبيه رافع ايده يوريها كفه و ترفع حاجبها له

"حسناً لنذهب صديقك لا يود مرافقتك؟" تسأله بالانقليزي

"لا" يرد بالعربي و يسكر الباب و ساري يسمع ضجتهم بالممر و ضحكهم و سوالفهم و تنهد طلع بسرعه لقى توهم بيركبون المصعد

"غسان غسان" يناديه لاحقه و يلقى عُدي يطالعه

"غسان يناديك" يقول له و يطالعه غسان

"هلا" يرد عليه

"انا بنام و بقفل الغرفه لذا عندك مفتاح الغرفه انت لو جيت او سكرت خويك جابك" يقول له و ما انتظر رد غسان رجع للغرف بسرعه و عُدي مستغرب من تصرفاته

"مره غريب هالانسان ياخي" يقول له و يرفع غسان كتفه

"ما علينا" يرد داخلين للمصعد اثنينهم و يسكر الباب

ياخذ ساري تليفونه و يلقى اتصال من امه و يتصل عليها بسرعه

"هلا حبيبتي" يرد بابتسامه

"هلا يا حبيب امك انت كيفك؟ كيف الجامعه طمني عليك" تسأله بشوق

"والله بخير ثاني يوم ماشي تمام.. و انتي؟ كيفك كيف ابوي و مها؟" يسألها

"بخير بخير يا عمري انت البيت فاقد حسك والله حتى سامر يقول انه مشتاق يتخانق معك" تضحك و يضحك ساري رافع راسه

"بالله قولي له ياكل تبن الحيوان عياله طوله و مشتاق يتشاجر معي؟ المهم كيف خالتي؟ رحتي لها؟" يسألها، ام ثامر هي خالة ساري، يعني ام ثامر هي اخت ام ساري، ساري و ثامر عيال خاله

"اي بخير الحمدالله ما عليها.. يا عمري يا ثامر لو تشوفه مقطع عمره بين هالشغل و يرجع لامه و ينتبه لخواته و ابوه بعد ما يقصر! لكن وش نقول؟ الحمدالله حالنا افضل من حال غيرنا" ترد بقلة حيله و يتنهد ساري

"اي توني مكلم ثامر طمني عليها.. الله يقومها لنا بالسلامه يارب" يكملون سوالف و يسولف مع مها اخته و تهاوشوا على التليفون و سحبت منها امها التليفون و ودعهم ساري ما يبي ثامر ينام يبي يتصل عليه

يتصل عليه و رد عليه بسرعه

"اووه ترد بسرعه" يضحك ساري و يبتسم ثامر طالع من القهوه مع الشباب و يتابعون مباراة و شاي و زقاره و شيشه حوله، يومه صار فارغ بدون ساري اللي كان يقضي كل يومه معاه