عبود جوله
البارت الثالث
اول ما وصلنه للفلوجه طبعا تفاجانه بيهه شنو من بنايات شنو الشوارع مبلطه عبالك مو عراقيه طبعا جانو هوايه معتنين بيهه هيه وتكريت لان جانت مسقط راس الرئيس صدام طبعا وصلنه للبيت مالتنه وجان بيت مرتب حلو صاح ابويه
يلا يا ولد نزلوا وصلنه
اني طفرت من السياره وفتحت باب السياره وكمنه اني وخواني نزل الغراض وامي أخذت خواتي وطبن للبيت
كملنه تنزيل الغراظ ظليت افكر بلمنطقه طبعا هذا الحجي صارت الساعه بل خمسه العصر نزلنه الغراض وطبينه للبيت جان اكو بيت مقابيلنه بس شني من بيت يخبل فلة مو بيت طلعت اني ادخل باقي الغراض وجان اشوف حوريه اي حوريه مستحيل تكون انسان شني الجسم شني الطول يا ربي احس الدنيا ظلمت بعيني بعد ما اشوف غير هل ملاك الكدامي جانت تمشي بتجاهي واني بعدني مصدوم لمن وصلت يمي اشوف شفايفهه يتحركون بس اني ما اسمع شي ما احس غير ضربه عل جتفي وصوت قوي ططططططططووووووطططططططط
هاي شنو منو هذا واسمع الضحكه
ولك عبود شبيك صافن
هاي انته خرب غيرتك احمد ليش هيج تسوي
ههههههههههه ولك البنيه راحت اديهه من شيل الصينيه وتحجي وياك ونته ماكو بغير عالم
لا بلا ؟ صدك
جان اسمع احلا صوت
شدعوة عبالي اطرش ههههه
ههههههههههه لا والله خيتي مو اطرش بس هذا انثول من شافج ههه
عبوده انداريت على روحي رجعت ليوره وفكرت راسي وكلتلهه اسف والله منتبهتلج
ههه لا عادي خيي اني رباب بيتنه كبالكم ماما سوتلكم اكل ودزتهه وياي تفضل
اخذت الصينيه منهه ليش متعبين نفسكم
لا بلعكس ماكو تعب احنه جيران ونتوا بعد متلحكون اسوون اكل اكيد هسه جوعانين
ها اي والله عاشت ايدج
احم احم
او ثول شبيك
ههههههههههه لا مبيه شي شو جيب الاكل ونته ضل سولف براحتك
ههههههههههه يلا اني اترخص
وين رايحة بعد وكت
لا والله اروح الوالده منتظرتني
يلا الله وياك
الله وياج يمه والله تسطر
ضليت واكف بلباب لمن دخلت البيتهم دخلت لكيت المواعين فارغه بويه ولكم وين الاكل الكول ههههههههههه تعيش وتاكل غيره منو كلك تضل واكف بل باب
ولكم افواه وارانب خو ما افواه وارانب ههه
طبعا للي ميعرف افواه وارانب شنو هوه فلم محمود ياسين وفاتن حمامه عود شوفو اليوتيوب ههههه
عبوده جوله
طبعا المنطقة حلوه بس اني اخ ما احب غير البصره احس تسري بدمي كعدت اتذكر البصره الزبير اخ عشبي الزبير معدة احسب الرجعتنه دمعت عيني
مشت الايام واني صرت اطلع بل شارع تعرفت عل ولد من المنطقة ظلينه نكعد بل ساعات نسولف فد يوم كلولي انته ليش ما تطلع ويانه تشتغل وكلتلهم ياريت بس شنو شغلكم كولو تنقل مسواك
شلون يعني
كالو يعني نوكف بلسوك اكو نسوان تتسوك متكدر تشيل المسواك فاحنه نشيل وياهه وتنطينه اجر
وكلتلهم ميخالف اروح وياكم احسن من الكعده بل بيت ثاني يوم طلعت من السته لكيت الولد واكفين بل شارع منتظرين رحنة للسوك وكفنه وشوف الناس رايحه جايه اشكال الولد تفرقنة كلمن لكاله مره تتسوك وراح شال الها المسواك واني واكف مثل الغريب شويه جان تجيني مريه هيج عمرهه بل خمسين صاحت يولد فارغ تجي وياي للسوك اني كيفت رحت ركض اي خاله فارغ كالت شيل العلاكه وتعال وراي شلت العلاكه مشيت اشو هاي المره عافت سوك المخضر وطلعت كول وصلنه السوك كلش قديم حته محلاته قديمه طبت المحل عطاره اني ظليت واكف بره طلعت المره من المحل ظلت تفتر بلسوك من محل المحل تقريب ساعتين واني شايل العلاكه وامشي وراهه وصلنه الدربونه طبينه البيت كلش قديم دكت المره الباب طلع ولد صغير كال ها حبوبه الله يساعدج كالتله هله بيك اخذ العلاكه من الولد وفتحت جيس لابسته بركبتهه طلعت منه ربع دينار كالت هاك حبوبه
اني الفرحه بعد مشالتني اول مره احصل فلوس من تعبي رجعت للبيت واني طاير من الفرح
وصلت للبيت تلكتني امي
ها يمه الله يساعدك
الله يسلمج يمه
حصلت شغل
اي والله يمه خير من الله وكعدت سولفت الها على الصار وياي
كالت امي ولك هاي حبوبه يمكن
كتلهه شني يعني
كالت هاي تجيب نسوان
ضحكت كلت يجوز طلعت الربع من جيبي وخليتهه بيد امي كلتلهه هاج يمه تصرفي بيه
يمه خليه الك احنه ممحتاجين
لا يمه شلون اني المن شتغلت غير اساعدكم
يمه الله يوفقك ويوكفلك ولد الحلال
امين يمه
اني طالع شويه بل باب
مرت الايام واني يوميه اطلع للسوك ويه ربعي
مرت كم يوم واني واكف وجان تجيني نفس الحجيه ورحت وياهه وهم شترت هيجي شغلات بس هل مره راحت للمذبح طلعلهه ولد انطاهه علاكه بس عظام اطتهه فلوس ورجعت الي خلت العظام بل علاكه ومشينه البيتهه وصلنه شالت المره نص دينار وخلتهه بيدي اني تفاجئت كلتلهه خاله مو هوايه الفلوس كالت لا خاله حك تعبك من الصبح لسه تفتر وياي
بذاك الوكت دينار كولش هواي
رجعت للسوك تسوكت اشكال الفواكه والخضروات ورجعت للبيت
كامت المره دايمن تاخذني وياهه الا ان فد يوم صاحتلي ورحت وياهه لمن خلصنه مسواك ورحنه للبيت مالتهه فتحت الباب وكالتلي طبب العلاكه للبيت لان محد بل بيت
