عبود جوله
باوعلي ابويه وبعدين كل لبو ساره من رخصتك اريد احجي ويه عبود شويه
اي حقكم طلع ابو ساره
ها عبود شني رايك بحجي ابو ساره
طبعا ما اقبل
ليش
شني ليش شلون يصير اكعد كعيدي
بويه خلي نحسبه بلعقل الناس حجيهم صحيح اول شي بيتنه صغير وحنه عائله جبيره وهمه الله منعم عليهم وبيتهم جبير وما الهم واحد غير ساره يعني اذا طلعت ساره من عدهم يفرغ البيت عليهم زخطيه هم حرام علينه وحنه عدنه ما شاء الله
زين وشغلي
شغلك ماشي يوكفون بيه ربعك وفتحلك محل هنا بلعماره واني راح اطلع تقاعد واكعد بذاك المحل
والله يايابه احسه زحمه عليه
لا والله لا زحمه ولا اي شي
توكل عل الله بويه الناس شارينك وحكهم خطيه ماعدهم غير هلبنيه هاي اني لو ابمكانهم هم اسوي هيج
الي تشوفه يابه
علبركت الله
ابو ساره من طلعت من البراني رحت للمطبخ لكيت ام ساره تبجي كعدت كبالهه كالت ها بشر شكالو
بعدهم يسولفون
شتكول يوافقون
والله ما ادري الله كريم
وره نص ساعه رحت للبراني دكيت الباب سمعت ابو عبود صاح تفظل ابو ساره
يابه اسف دخلت عليكم خاف بعدكم تسولفون
لا خويه خلصنه سوالف
اي بيهه الخير
شوف ابو ساره انتو حقكم اذا طلبتو هلطلب واني لو جنت بمكانك جان هم طلبت طلبك
والله خويه اني مستحي منكم بس تدرون احنه ما عدنه غيرهه
صح ولهل سبب احنه موافقين عل طلبك
لا بلله صدك ابو عبود
ههههههههههه اي والله اني خليت نفسي بمكانك وشفت انته صح
يعني هسه يجون يكعدون ويانه بعد الزواج
اي بس وره عشر ايام العرس
على بركت الله
وهسه ابو ساره نريد نامح حته باجر نرجع للبصره نجهز انفسنه ونجيكم
يا اهلا وسهلا بيكم
طلع ابو ساره ظلينه نسولف شويه اني وابويه لحد ما غفيت من التعب
ابو ساره طلعت الدنيه ما واسعتني
لكيت ساره وامهه بلمطبخ
كتلهه الف مبروك حبيبتي
اشكرك بابا
ها ابو ساره شني الاخبار
ههههههههههه متصدكين قبلو
لابلله الحمد والشكر معقوله قبلو بهل سهوله
لا مو بسهوله بس ابو عبود يكول اني حطيت نفسي بمكانك وحسين بيك واحده عدنه عائله جبيره ومن تطلع بنيه شيصير بينه لعد انته شتكول
والله هاذا ابو عبود طلع خوش رجال
اي والله الله يفرح كلبه مثل ما فرح كلوبنه
امين يارب العالمين
للصبح اخذنه ابو ساره وصلنه للبصره حاولنه طيب ويانه تعذر ورجع
دخلنه للبيت تلكتني الولد والبنات وبعدين سمعت الوالده تصيح
هاذا عبود
ركظت عل الوالده بوستهه ووهيه تبوس بيهه وتشم وتكلي يمه ليش شلعت كلبي عليك يمه ليش بكيت كلهه ابوي
يمعوده شو هوه متونس وحنه مشلوع كلوبنه عليه
هسه كلي يمه شسويت مسويت وين جنت شو كالي جان مامتطمن عليك
ام عبود يلله هسه خلي نرتاح ونتغده ونكعد نسولف ها واريدكم كلكم موجودين
حاظر يابه
صبو الغده وراهه شربته جاي وكعدنه نسولف
كلهم الوالد يدعوني اريد وسولفلكم الي صار بس ممنوع واحد يدري بيهه
الجميع صار يابه
عبود جان مسجون
شلون وليش
ماريد واحد يقاطعني خلي اسولف وكمل وبعدين سولفو
كمل كمل
بدن ابويه يسولف الي صار
واني اباوع الوالده بس تباوع وعيونه تجري وتدك عل رجليهه
الا ان خلص ابويه وبعدين كال وهسه راح افرحكم خطبنه العبود مره
هنا امي تغير شكلهه وصفنت
من كال ابويه راح يعيش وياهم دكت الكاع بديهه وكامت حسيتهه نقهرت ردت اكوم وراهه لزم ايدي ابويه وكلي معليك بيهه اني اعرف شلون احاجيهه
بس يابه امي زعلت
ادري وحقهه بس اني اعرف شلون اراظيهه
واذا مارظت تره ماتزوج
لا ترظه معليك كوم هسه انته روح نام والصبح نحجي
يلله بويه اني رايح انام تصبحون عل خير
الجميع ونته من اهل الخير
رحت نمت اجاني اخويه محمد الجبير ظل يسولف وياي ويتحمدلي بلسلامه بعدين راح نام بس اني ولا نمت ظليت الوب شلون اذا مقتنعة الوالده شلون راح ازوجه ابو ساره سالفه تاخذني وسالفه تردني الفجر كمت صليت ونمت كعدت بلعشره الصبح لكيت البيت فارغ الكول رايح للدوام طبيت للمطبخ لكيت الوالده واكفه علطباخ كلت صباح الخير دارت وجهه عليه وبعدين باوعت للكاع وكالت
