عبوده جوله
وره عشر ايام رحنه للعمارة التهيت بتجهيز المحل وطلعت جواز رحت للسعوديه وبعدين القطر جبت اعشاب وعطاره وراهه فتحت المحل وجان خير من الله وجنت كول جمعه اخذ ساره وروح للبصره كلش مرتاح بحياتي مر عل زواجنه اكثر من ثلاث سنوات بس مصار عدنه اطفال جانت ساره دايمن تراجع للطبيب بس بدون فائده وفديوم رجعت من المحلل بليل لكيت ساره كاعده بلغرفه ودموعه تجري
صحت ساره هاي شبيج ليش تبجين
زادت بجيهه
دنيت يمهه كعدت بلكاع وشلت راسه وباوعت لعيونهه كتلهه ليش تبجين حبيبتي ليش هلعيون الحلوه هيج صاير بيهن
عبود
عيون عبود
اريد اطلب منك طلب
كولي
اريدك تتزوج
ههههههههههه شني هاي النكته
عبود لتظحك
اي يا عيني شبيج متكليلي
عبود اني ما اخلف ميصير عندي جهال
تحجين صدك
اي والله صارلي سنه اراجع للطبيبه وماكو امل اليوم كالتلي مستحيل يصير عندج اطفال
يمعوده كولي يالله الله جبير
ونعم بلله بس هاذا علم
حبيبتي خليهه وره الله
عبود جاي اكلك اني عاقر تفتهم الحجي لو لا
وهسه شلون يعني تموتين
لا اريدك تتزوج
اسمعي عيني ارتاحي هسه وباجر نسولف
نيمتهه بحظني وظليت امسد عل راسهه لحد ما نامت
تمددت يمهه وحظنتهه ونمت
الصبح كعدت لكيتهه نايمه كمت صليت ورجعت لكيتهه كاعده ها حبيبي صباح الخير
صباح الخير
شلونج اليوم
مو زينه عبود
اسمعي يكلبي اني قررت انسافر الايران
نروح الدكتور هناك
بس ماكو فائده
لا يمعوده الدكاتره هناك غير شي
هيج تكول
اي يلله خلي نروح اليوم اسويلج جواز حته نطلع
يلله خوش
رحنه سوينه جواز الساره وره يومين طلع وراهه حجزنه وسافرنه
وصلنه المشهد رحنه كبل للرظه زرنه وندعينه وساره لزمت الشباج وبس تدعي كسرت خاطري
بعدين رحنه حجزنه بلفندق
سالنه عل طبيب دلونه عل واحد بقم ثاني يوم طلعنه من الصبح وصلنه القم ورحنه عل عياده مالته دخلنه سجلنه اسمهه وظلينه ننتظر الا ان صاحو باسم ساره دخلنه عل طبيب جان يمه مترجم السلام عليكم
وعليكم السلام تفظلو
حاجاني المترجم
تفظلو اخوان شنو مشكلتكم
حجت ساره وطلعت التقارير العدهه طتهن للمترجم قراهن للطبيب طلب منه تحاليل رحنه سويناهن وراد سونار كال باجر تسووهن بلمستشفى
طانه العنوان وطلعنه كتلهه خلي نفتر شويه بقم حلوه ظلينه نفتر لحد اليل تعشينه ورحنه للفندق للصبح رحنه للمستشفى سوينه السونار ونتظرنه شويه انطونه تقارير ورجعنه تغدينه ورحنه للطبيب
مرينه عل المختبر جبنه التحاليل ودخلنه للطبيب
ساره جانت مرتبكه وخايفه وترجف
لزمت ايدهه حيل طمنتهه
قره الطبيب التقارير
وحجه ويه المترجم
كلنه المترجم اخوان احنه اسفين الاخت عاقر فعلا اصلا ماعدهه بيوظ هاذا عقم ولادي يعني مولوده بدون بيوظ
والحل دكتور
خلي ايمانكم بلله
ونعم بلله
هنا ساره نهارت بعد متكدر تكوم لزمتهه من ايدهه وكتلهه تعاي امشي نطلع كوه مشيتهه
كالت ها عبود مو كتلك
اششش حبيبي لتظوجين هاذا قدر الله
سكتنه شويه كالت عبود
عيونه
اريد ارجع للبيت
باجر انشالله
لا اليوم
حبي باجر من الصبح والله
عبود ما اكدر اريد امي وتهسترة ظميتهه الصدري وكتلهه ماشي ماشي هسه نرجع خلي اخابر الشركه ونشوف بلكت اكو طياره للعراق
فعلا خابرت كالو اكو طياره للبصره بلوحده بليل
حجزت ورحنه للفندق حاسبت واخذت الجنط وطلعنه وهيه ولا حجايه حجت
وصلنه للمطار كعدنه لحد ما صارت الساعه بلوحده صعدنه بلطياره وصلنه للبصره الساعه بتلاثه الفجر لمن خلصت اجراءات المطار وصلنه للبيت الساعه بلسته رحنه نمنه بلغرفه فزيت لكيت الساعه بلوحده الظهر وساره ماكو يمي كمت غسلت وبدلت وطلعت للصاله لكيت ام ساره كاعده وساره حاطه راسهه بحظنهه
السلام عليكم
وعليكم السلام يمه حمدلله عل سلامه
الله يسلمج
يمه ساره كومي حطي ريوك الرجلج
لا عمه ما اشتهي اني راح اطلع للمحل
تطلع بلا ريوك
اكل بلمحل عود
عمه ديري بالج عل ساره
بعيني يمه
طلعت للمحل ومرت الايام عليه بين البيت والمحل وساره الي يوميه تلح عليهه حته اتزوج
فد يوم طلعت الصبح للمحل اشوف الناس تحجي بلموصل
كتلهم شكو
كالو داعش احتل الموصل
داعش منو
ذوله كفار داخلين عل موصل ومحتليهه وهسه الناس جاي تشرد من الموصل وتجي لهنا
زين والجيش
ياجيش يمعود غير همه السلموهه
لا بشرفكم
اي والله
وهسه بس الموصل لو اكو غير محافظات
اي كل المحافظات الغربيه
يعني حته الفلوجه
اي كلهن اكلك
ظليت الوب شلون بيت ام ابراهيم ياريت اعرف شي عنهم
رجعت للبيت دايخ درت التلفزيون عل اخبار وظليت اسمع لحد ما تعبت ونمت وره كم يوم كالو راح نجمع تبرعات نشتري مواد غذائيه نوديهن المجمعات مال النازحين رحت وياهم جمعنه فلوس وشترينه مواد غذائيه وبطانيات ترسنه اربع سيارات كيه حمل وتوجهنه للمخيمات البيهه نازحين وصلنه خطيه نقهرنه عليهم لا مكان زين لا ملابس لا اكل صفطنه السيارات وحاجينه المسؤال عن المخيمات كال راح اصيح للنازحين وانتو وزعو بدت الناس تلتم علينه سوينه اربع سراوات كول سره وكف عل سياره وكفو ثنين واحد فوك السياره واحد ينطي للناس اني وكفت جوه واحد فوك ايناوشني والله وره شويه جان يجون ثنين ولد توم شكران يطلع عمرهم ١٥سنه اني حسيت اعرفهم سالتهم انتو شسمكم كالو اني غيث واني قيس
منين انتو
من الفلوجه
ابوكم شسمه
ابراهيم
ههههههههههه لا صدك انتو ولد ابراهيم
اي عمو انته تعرفنه
اي طبعا اعرفكم
زين بيبيتكم ام ابراهيم وياكم
لا عمو بيبيتي ماتت صارلهه خمس سنوات
كلش ظجت عليه
ردت اسال عل خيريه بعدين كتلهم
زين منو اجه وياكم
كولنه عمو اجينه
كال غيث ابويه وامي وختي
اختك خيريه وياكم
اي ويانه
ظل كلبي يدك معقوله خيريه ممتزوجه معقوله راح اشوفهه بعد هل سنين هاي
تعالو دلوني وين كاعدين مشو كدامي واني صحت الولد ويانه بلحمله كتله اوكف ابمكاني ورحت وياهم
وصلنه الاطراف المخيم وكفو يم خيمه زغيره وصاحو بابا بابا ودخلو شويه طلع ابراهيم ابو خيريه وكال هله خويه رايدني
شدعوه ابو خيريه معرفتني
لا والله ولا زغرن بيك معرفتك
اني عبود الي جنت كاعد ويه الحجيه ام ابراهيم ابيتهه وشتغل وياهه
هنا صفن ابراهيم حط ايده عل راسه وصاح لا يا الله معقوله كل الهله بيك وليدي شلونك اخبارك شلون عرفتنه
ههههههههههه والله شفت الولد وعرفتهم
اهلا وسهلا تفظل بويه تفظل صاح ام فخريه فخريه تعالو شوفو منو اجه
لشويه طلعت مره متوصط عمرهه عرفت بيهه ام فخريه سلمت عليهه واني عيوني يدورن عل فخريه اريد اشوفهه لشويه طلعت بنيه لابسه ثوب وعبايه
