عبود جوله
فتحت الرساله لكيت مكتوب بيهه
الى من سرق قلبي وهز كياني
احبك اكثر حتى من حياتي
لا تسالني ان اذهب معك
بل أأمرني ان اموت مكانك
عبود اروح وياك لاخر مكان انترظك تتقدم الي ونسافر للبصره
قريت الرساله واني ارجف معقوله غبائي ظيعت عمري واني اتحسر عل شوفتهه
ليش مقريت الرساله وهيه خطيه عبالهه بعتهه شلون هسه شسوي
دموعي ينزلن بدون ما حس
دخل عليهه محمد
عبود شعدك خويه ليش تبجي
ولك حمودي صارلي سنين واني احترك من عذاب الفراك والحل بيدي واني ما ادري لك حمودي تعبت وتعبت خيريه وياي
يمعود يا خيريه
حمودي عوفني عفيه
عبود شلون اعوفك ولك بس سولفلي شبيك
مابيه شي اني رايح
وين
للعماره
تحجي صدك لعد شعدك اجيت
ما ادري حمودي
شو تعال وياي
وين
امشي معليك
طلعنه وداني الشط العرب كعدنه كلي عبود سولفلي
سولفتله علي صار كوله
عبود بلله تحجي
صدك انته متقره الرساله
ما قريتهه حمودي شفت شكد غبي عفتهه وهيه جانت منتظرتني
عبود صح انته غلطت بس الله عوظك بساره احسن بنيه مابيهه عيب واحد
اي صح صح والله صح بس كلبي حمودي كلبي يم خيريه
دكوم هسه روح ارتاح وبعدين نسولف رجعنه البيت محمد فرشلي ونمت واني نايم حلمت اني واكف بنص صحراء وجتي بنيه طتني مي شربت منه بس مارويت وراهه اجت وحده لخ اطتني كلاص مي شربته حسيت الكاع ارتجت وخظرت اشكال الوان فزيت شفت الساعه بلعشره بليل كمت اخذت سويج السياره وطلعت من البيت رحت للعماره وصلت الساعه بلوحده فتحت الباب دخلت السياره وسديت الباب دخلت للصاله ماكو احد يمكن مجايين لان همه من يرحون للنجف يباتون لان الطريق بعيد صعدت للغرفه مالتي مريت بغرفت خيريه وكفت بلباب ردت ادك الباب بعدين بطلت ظليت واكف بلربع ساعه اخير شي مشيت طبيت للغرفه فتحت الظوه وتمددت علجربايه ظليت افكر شلون سويت هيج وهسه شراح اسوي شلون راح اواجهه خيريه وساره شلون بيهه هواي افكار اجت بالي اخر شي قريت الفاتحه لم البنين ونخيتهه تحل مشكلتي نمت كعدت ويه الاذان كمت توظيت وصليت نزلت جوه للمطبخ لكيت خيريه كاعده
وكفت بلباب متردد شفتهه دارت وجهه شافتني
كامت رادت تطب للصاله مرت يمي لزمت ايدهه
وين رايحه
رايد شي
اي اريد احجي وياج
احجي اسمعك
تعاي هنا بلصاله
كعدة علتخم
كابلتهه وكعدت عل كرسي
مدنكه وتفرك بديهه
خيريه
اسمعك عبود
اني اسف
نزلت دموعهه علشنو اسف
اسف لان شكيت بيج
وبعد
اسف لان مقريت الرساله
وبعد
اسف لان عفتج ومسالت بيج
وبعد
شتردين بعد
شيفيد الاسف يرجع صدمتي بيك يرجع الذله الحسيت بيهه من قبلت بيك ونته عفتني ورحت لو يعوظ الليالي الي ظليت ابجي بيهن لو الناس الي تقدمو اليه واني ارفظهم لان ما اتصور اصيرالواحد غيرك لو شك ابويه بيه من كد ما ارفظ ناس عبود اني تدمرت من عفتني والشك كتلني
ليليه اكعد اسولف ويه روحي اكول هوه طلب مني الزواج زين ليش من قبلت عافني يجوز السبب مني اني ذبيت نفسي عليه لا اني ما يوم حجيت ويا باي شي زين ليش
تحجي بحركه احسه حركت كلبي بدموعه
خيريه اني مايوم نسيتج والله
ههههههههههه والدليل تزوجت ومرتاح بحياتك
لزمت يديهه فتحتهن خليت خدي عليهن وكتلهه اوف فخريه متت من غيرج والله ليليه انتي بالي بس اني غبي ما ادري ليش هيج سويت عذرني بعد كلبي
حسيت بدموعهه وكعن عل خدي رفعت راسي
مسحت دموعهه لا خيريه لتبجين والله دموعج حركت كلبي حرك
وهسه شلون عبود
نتزوج
ومرتك
هيه مرتي تريدني اتزوج لان ميصير عدهه جهال
لا عبود ما اكدر اظلم الانسانه الي ساعدتنه
خيريه اني لازم اتزوج صدكيني واني بعد ما لكيتج ما اعوفج لو منو يجي
جريت ايدهه خليتهه عل كلبي وكتلهه اسمعي كلبي يدك بسمج
ظحكت ولزمت خدي وكالت اني كولي الك
جريتهه الحظني وظلينه نسولف وفجأه
جان ينفتح باب المطبخ وسمع الشهكه
هههههاعبود
انتضرونا في البارت الاخير 😘
