عبود جوله
عبود اني احبك
طبت للبيت تركظ واني ظليت واكف لابيه اروح وراهه ولا بيه اعوفهه وفجا سمعت خطوات وراي وصوت ها عبود شمكعدك هنا
ها ابو ساره الله يساعدك
هله عبود طب لتتمرظ
لا الجو حلو
شعندك منايم لسه
شويه التفكير مسهرني
ها شوف عبود الدنيه علمتني اشكال وعلمتني الي يخلي اتكاله عل الله
الله يوكفله ويساعده ويوكفله ولد الحلال
والنعم بلله ابو ساره انتا صدك مسيحي
اي مسيحي بس عشت ويه المسلمين مده كافيه تخليني احب الاسلام
زين ليش ما اسلمت
شوف وليدي المسيحيه والاسلام نفس الديانه لو رجعت للمسيحيه تلكاهه نفس تعاليم الاسلام ماكو فرق بيهه والي يتبع المسيحيه الحقيقيه هيه الاسلام الحقيقي
صحيح والله
يلله وليدي كوم نام ورتاح حته باجر نحظر انفسنه للسفر تصبح عل خير
تصبح عل خير عمي
طبينه اني وبو ساره رحت الغرفتي قفلت الغرفه ونمت كلت كلشي يصير هاي خبله تجيني للغرفه واحد يشوفنه وشكول لبو ساره
وفعلا بليل واسمع الباب ينفتح فزيت لكيت قفل الباب ينفتح حاولت مره مرتين وبعدين دكت الباب سويت نفسي نايم
هاي شلون طلابه مبينه هاي البنيه ما مربايه نمت والصبح فزيت عل صوت الباب يندك
فتحت الباب لكيت بوجهي ساره ظحكت كالت ليش قافل الباب
عادي مابيهه شي
ظحكة او مشت
ظليت اهز بيدي
رحت تريكت وطلعنه اني او ابو ساره للسوك فترينه بعدين مرينه عل محلات ابو ساره للظهر رجعنه للبيت تغدينه وفتت للغرفه ردت انام
اجتي ساره كالت عبود اريد احجي وياك
تفظلي
لا مو هنا خلي نطلع للحديقه
يلله هسه جاي وراج
طلعت لكيتهه كاعده عل مرجيحه
كعدت بصفهه كالت لا هز المرجوحه وكفت كتلهه اني ما اشتغل عندج
ههههههههههه شبيك زعلت
استغفر الله يبت الناس شتردين مني
مو كتلك احبك
شوكت حبيتيني شو البارحه شفتيني
لا شفتك من زمان من جان بيه الجني
جان يوميه ياخذني اشوفك ونكعد يمك
لا بلله
اي والله
وحبيتيني
لا عشقتك
شوف عبود اني مو عبالك وحده فلتانه ومن ذني الي يبيعن شرف ابوهن عل مود كلمه حلوه شوف هاذا الباب مال القصر عمري كوله مطلعت منه غير من اروح البيت عمي لو اروح للزياره
مجاناً · أكثر من ٢٤ مليون من الأشخاص يستخدمون هذا
زياره ليش انتي مو مسيحيه
بس امي مسلمه او شيعيه
واني هواي احب اروح للحسين شوف بابه جان يشتغل ويه جدو ابو امي وجان هوايه يحب ابويه فابويه حب امي جدو عرف بيه يحبه فقبل ليموت كل الابويه زينب امانه عندك انته الي تصونهه بس اطلب منك طلب لتحاول تغيرهه عن دينهه فابويه بعد متوفه جدو تزوج والدتي وبعد سنه صرت اني وراهه شكد محاولو مصار عدهم اطفال وابويه كل الامي مستحيل اتزوج عليج وخليج تنكسرين ولذالك اني مدلله عد ابويه وشريد يسويلي
ولعلمك اني كولشي اسولفله وحته عليك سولفتله وكتله احبه
لا بربج
اي والله
وشكلج
كلي حاجيه وشوفيه اذا هم يحبج شكو بيهه خلي يتقدم واني ما ارفظه لان هيج شاب بهيجي عمر وهيجي مقدره اكيد يستاهل ساره
ظليت صافن عليهه شكد حجت واني مصدوم من حجيهه ومن خلصت كالت
ها عبود وين رحت
هنا عيني يمج
تسلم عينك انته شتحس وياي
شوفي يبت الناس اجذب عليج اذا كتلج اني ممعجب بيج بس ما اكلج اني احبج الحب لازمله اختبار يعني لازم اشتاقلج او اتمنه اشوفج واني لسه ممجرب هلشي انطيني مجال اختبر مشاعري وردلج خبر واذا حسيت اني حابج صدكيني اسوي المستحيل حته احصل عليج
زين انته سافر ومن ترجع قرر
انشالله
يلله لعد كوم روح ارتاح
لا خلينه نسولف شويه اريد اتعرف عليج اكثر
ظلينه نسولف لحد العصر بعدين طبيت للبيت رحت الغرفتي بعدين تعشينه ورحت نمت والصبح كعدنه صليت وتريكنه وطلعنه للسفر
طلعنه الصبح بسيارة ابو ساره وصلنه للكمارك وشوف عشر سيارات حمل محملات تمور واكفات من نزل ابو ساره طلعو السواق وكفو يمه راح المدير الكمارك من شاف ابو ساره كامله وسلم عليه بكول احترام
ياهل ابو ساره شلونك
نحمد الله شلونك استاذ
والله عايشين شو تاخرت هلمره
اي والله مو جانت ساره مريظه شويه وما كدرت اعوفهه
لا سلامتهه والله ماتستاهل
الله يسلمك استاذ
اليوم طالع مو
اي والله وجايب ابن اختي وياي
عبود
اهلا وسهلا بيك عبود
وبيك اكثر استاذ
يلله كومو وياي خلي نطلع سياراتك من الكمارك
يا الله
عبود انته تعرف تسوق مو
اي عمي اعرف
خوش حته ما اخذ سايق ويانه نتعاون عليهه انا ونته
اي عمي نشالله
طلعنه من الكمارك وتوجهنه للكويت وصلنه للكويت نزلنه حمولت اربع سيارات ورحنه للفندق
ظلينه بلكويت يومين وراهه توجهنه السوريه وصلنه السوريه نزلنه حمولت اربع سيارات لخ ورحنه للفندق ثاني يوم كلي ابو ساره عبود تروح وياي السوك الحميديه نتسوك ساره وصتني عل كم شغله اجيبهه هيه تحب الشغلات السوريه كتله اي والله واني هم اشتري لخواتي شغلات
خوش يلله لعد
رحنه للسوك جان كولش جبير وبيه انواع الشغلات طبينه المحل كال هاذا عنده قيصريه مال اعشاب خلي اعرفك عليه صدك طبينه للمحل سلم ابو ساره جان يكومله الرجال ويحظنه كله هاذا ابن اخوي عنده محل عطاره ومحتاج شغلات
اهلين بيك وبابن اخيك المحل كلو امامك
فعلا اتسوكت منه وكلي اني ادزهن الك للعراق بعدين رحنه للسوك تسوكنه شفت كلبيه كولش عجبتني ظليت اباوعلهه وتخيلهه عل ساره شلون تطلع بيهه
رحت شتريتهه وخليتهه بعلاكه
بعدين رجعنه للفندق
وره يومين سافرنه اللبنان
ظلينه بلبنان خمس ايام بعدين رحنه فلسطين وراهه رحنه المصر ورجعنه للكويت ظلينه اكثر من شهر ونص واني كول يوم اشتاق الساره اكثر حسيت فعلا حبيتهه كول ما اشوف بنيه اتخيلهه ساره او اشوف مرجوحه احسه ساره كاعده وتكلي تعال هزني اخر شي تاكدت انو اني احبهه فعلا
بعدما وصلنه للحدود الكويتيه لكينه واكفين مفرزه وشرطه جان يوكفونه وطلبو هوياتنه وجوازاتنه اني ظليت اباوع لبو ساره كلي لتخاف هسه احلهه
اخذ الظابط عل صفحه وحاجاهه وره شويه اسمع الظابط يصيح ويكله تبي ترشيني ومن هل شي ظليت اباوع وجان يجون ثنين شرطه اخذوني وراحو خلوني بسجن بلحدود وسمع ابو ساره يصيح ويكلهم شلون هيج ميصير هاذا ظيفي والظابط يكله ميطلع اذا مو كفاله كله اني اكفله
الظابط لا لازم شخص كويتي يكفله
كله ابو ساره زين خليني ارجع للكويت وجيب واحد من ربعي يكفلونه كله ميصير انته هم ممنوع تدخل للكويت المدة ست اشهر لان حاولت ترشي ظابط شرطه
ابوساره زين خلي احاجيه وروح
ماشي حاجيه وطلع بسرعه لنحبسك ويا
اجاني ابو ساره وكلي لتخاف بس اوصل العراق راح اتصل عل اصدقائي وطلعك بس لتهتم
لا عمي ميخالف بس الله عليك وصل بظاعتي للمحل وكل للولد راح اجي وراهن وليظل بالهم عليه
ماشي عمي اني اروح هسه
هاك هاي فلوس خاف تحتاج شي هنا
لا ابو ساره عندي والله
ميخالف عمي خاف تحتاج وادري بيك خلصت فلوسك عل بظاعه الي شتريتهه
اخذت الفلوس وابو ساره راح بعد ما انطه السجان مبلغ وصاه عليهه
ظليت بلسجن عشر ايام كول ما اكل للظابط شوكت اطلع يكلي بعدك مو هسه
مرت عليهه ايام تعيسه واني افكر بساره شلون هسه من درت بيهه مسجون اكيد نقهرة
ابو ساره بعد ما رجعت للعراق اتصلت عل ظابط صديقي وكتله عل عبود
ابو ساره شلون تطلع وياك واحد ماعنده جواز
سيدي تدري بيهه اني الكل يعرفني وعمرهم مسالوني عل جواز
ميخالف بصيطه بس يرادلهه فلوس تره
تدلل ابو مجتبى تامر بس خلصهه
روح ابو ساره واني اخابرك
من رحت للبيت تلكتني ساره وم ساره فرحانات هلو باباتي شلونك
حبيبتي الحمد لله شلونك ابو ساره عيون ابو ساره زين اني انتو شلونكم اخباركم احنه كولش زينين
بابا عبود راح لهله
باوعت الساره وكتلهه
لا والله بابا عبود بلسجن
بلسجن صدوك ليش شنو سوه
والله بابا خطيه هاذا وثق بيهه واني مكدرت ارجعه وياي
ليش ابو ساره شسوه مسو شي بس هوه ماعنده جواز ومن رجعنه جانت اكو لجنه تفتيش ولزمو لان ماعنده جواز وهوه هسه هوه مسجون بلحدود الكويتيه واذا ملحكنا راح يرحلونه للسجون الكويتيه وبعد صعب يطلع
ساره اني اسمع بابا ودموعي ينزلن عل خدي بدون ما احس عل روحي
معقوله بعد ماشوف عبود معقوله لا ما اصدك رحت الغرفتي وسمع بابا يصيح وراي بس مكدرت احاجيهه احس النفس نكطع مني مااكدر اتنفس وصلت للغرفه الي بات بيهه عبود دخلت وكعدة علجربايه وكمت اشهك وبجي
ابو ساره
ام ساره الحكي بنتج شوفيهه شلونهه
اي رايحه
ام ساره رحت وره ساره الغرفتهه فتحت الباب ملكيتهه خفت عليهه كمت اصيح ساره ساره وسمع صوت ساره تشهك من غرفة الظيوف دخلت لكيت ساره مخليهه ايدهه عل راسهه وتشهك
ليش يمه سمي بلله حبيبه انشالله ماعليهه شي ابوج كال رحت عل ظابط جبير وهوه راح يحلهه لتخافين
يمه خاف ميطلعونه يمه اموت والله اموت من غيره
لا يمه انشالله يطلع وهسه تشوفين بس كومي خلي نصلي وننخه ام البنين
اي ماما حبابه روحي صلي ودعي انتي مؤمنه والله يحبج
ميخالف يمه رايحه بس انتي كومي وياي خلي اوديج الغرفتج ارتاحي
لا يمه خليني هنا انام عل ريحته
يلله يمه تعاي نامي
نومتهه وغطيتهه وطلعت
لكيت ابو ساره كاعد بلصاله ويده عل راسه
ها شلونهه ساره
والله منهاره كلش
شلون هسه شراح تسوي
والله ما ادري بس باجر راح ارجع للظابط وشوف شسوه كله مني اذا صار بعبود شي اني السبب
الله كريم انشالله يرجع بلسلامه
يلله عيني كوم اسبح ورتاح انته هم تعبان
والله يا ام ساره كلش تعبان وما ارتاح اذا ما طلعت عبود
انشالله عيني يرجع ونفرح بيه
بس اهله شلون
باجر اروح الهم
وتكلهم
لا كلي لتكلهم ليش يتعبون خطيه
خوش اني هم اكول هيج
يلله كوم نام
الصبح رحت للبصره من وصلت رحت للمحل وهناك لكيت ابو عبود كاعد بلمحل اول مشافني تلكاني وسلم عليه وكلي ها ابو ساره جا عبود وين
