البارت الثاني
يلا يمه اني رايح
وين يمه
للمدرسه
ها شبسرعه غيرت رايك مو علساس اتبطل
يمه غير اوامر الوالد
يمه الله يهديك يوليدي
باب المدرسه كاعد باسم هلا باسم هلا عمار ها ولك شو كاعد باب المهانه ههههه
ولك غير متاني عبود
عمار غير كال بطلت
باسم ولك بلكت الله يهديه ويرجع
بلا مارجع شلون تظل واكف بل باب
ولك مدرسه ما بيهه عبود ما اكعد بيهه.
لا بلا هذا شلون حجي
ولك ما اكدر والله اموت غير
دهاك اجه عبودي لا تموت ولا هم يحزنون ههههههههههه
باسم لا بربك اجه عبودي
عبود صباح الخير شباب
الكول هلا عبود شلونك
ولكم شعدكم واكفين بل باب
غير هذا باسم يكول ما ادخل للمدرسه الا اذا عبود ههههههههههه
لا بربك عمار صدك ولك
اي وعلي ولك هوه اني علمودك اجي للمدرسه ونوبه تريد تبطل
لا ولك مو اتفقة ويه الوالد بس اخذ شهادة الثالث ابطل
عمار لابربك صدك
اي والله
باسم دفوتو هسه للمدرسه وبعدين كملو حجي
يلا اخوان يلا
عمار عبود من نطلع من المدرسه انروح للشط اخيك
خوش يلا بسرعه لا تدخل ست سعاد قبلنه وتشيلنه فلقه
ههههههههههه
بعد المدرسه
يلا شباب للشط
بعد ماوصلنه للشط كعدنه عل جرف عباره عن صخره جبيره جنه جايبينهه من غير مكان شبعنه ظيم يالله سحلناهه وكتبنه عليهه اسامينا
وحنه كاعدين مرن علينه ثنين بنات بس شنو سبحان الخالق تكول فلكة كمر كمز باسم ولك عبود شوف الجمال
شلت راسي صارت عيني بعين وحده منهن سبحان الله شايله جمال البصره بعيونهه حسيت روحي طلعت ماحسيت غير لمن عبرن من يمنه واحس الولد تضحك عليهه ولك عبود شبيك انسطرت
ها ولكم شبيكم
ههههههههههه
ههههههههههه
لا بلا شبينه ولك صارلنه ساعه نسولف ونته ولا يمنه
باسم ولك عمار عوفه فصل من الرئيسي
ههههههههههه لا والله شبيكم بس شويه بردت
ههههههههههه
اي حقك تبرد عمي غير تموت ههههههههههه
هاي عليمن ولكم
غير الدنيا بردت شبيك ههههههههههه
دكو مو يلا ولو عني
لا بربك خلينه نسولف شبيك
اكلكم هاي منين البت
ولك هذني بنات ابو سلمان السماج
الله عليك ابو سلمان الزفر هيج عنده خلفه
اي والله
باسم ونته شمدريك
ولك مو اختي وياهن بلمدرسه
ها خوش ديلا كوموا خلي نروح لا يرجع الوالد ونحصللنه رزاله منه
يلا امشو
بعد مرجعت للبيت سمعت امي تحجي ويه ابويه تكله جا شلون بينه ابو محمد شلون نعوف ديرتنا واهلنا
ابوي يكلهه جا شنسوي هاي خبزتنه بعد
اني بوكتهه مهتميت بلحجي لان بالي جان يم بت سلمان بويه شلون عيون عليهه تكتل
بعد الغده قبل العوائل العراقيه ينجمعون سوالف وضحك ويه استكان جاي وهذا الي يقره وهذا الي يسولف عل احداث يومه جان يحجي ابويه كال بويه اسمعوني اني تره انقلت من الزبير
لا بلا صدك يابه
اي والله
صاح حسين بويه وين انقلت
للفلوجه
لا بلا صدك بويه للفلوجه شيودينه
والله بويه هاي خبزتنه بعد
زين والمدارس والامتحانات
بويه اني اتفقت ويه امكم تبقون هنا لمن تخلصون امتحانات وتلحكوني وهيه المدرسه ما ضل الهه شي كله شهر او نص وهناك نطونه بيت جديد وننقلكم لمدرسه بل فلوجه
سميه اي بويه والله متنه من الرطوبه خلينه نطلع يكولون الفلوجه تخبل
عمت عين الرطوبه ولج وين سامعه انتي بل فلوجه
هاي شبيك محمد شمدريني اني
جا اله تدخلين امداج والله
بويه تعال لمحمد شوفه يغم بيه
الغسل اسكت لا اسحلج وعلي
ولي ولك لا اكل لبوي عليك
👐👐
هاي عليمن ولج وكاملهه محمد
مو عليك والله مو عليك وشردت وره امهه
بيج حظ تعاي مو شردتي
ههههههههههه ولكم بويه شو كعدوا يلا ام حميد اني رايح للسوك رايده شي
اي والله جيبلنهه خضره وياك
ان شاء لله
بعد ماخلصت الامتحانات لمينه ملابسنه وكتبنه وحضرنه غراضنه البسيطه وابويه جاب النه سياره حمل صعدنه غراضنه وسلمنه عل اصدقائنة وطلعنه للفلوجه جانت بيهه شهر الخامس البصره بدة تصعد الرطوبه والحر صارت تخنك مشت السياره واني كاعد عل دوشك السفنج اني وخواني وخواتي ونباوع عل المكان الي كظينه عمرنه بيهه
وره تقريبا تسع ساعات وكفت السياره
