عبود جوله
درت وجهي لكيت رجال متوسط بلعمر واكف وشايل بيده علاليك من شافني باوعتله كال
احم اسف انتي بنت ابو ابراهيم
اي عمو اني خيريه
ها الله يحفظج
طبت ساره كالت الله يساعدك يابه
هله بنيتي
هاج هاي فواكه خليهن بل سفره
شكرا بابا اخذت ساره العلاليك من ابوهه وراحت شو هذا ضل يباوع عليه مدري شلون اني عفته وطبيت للصاله لشويه اجه وراي سلم على ابويه وخوتي وامي وكعد على سفره كالت ساره بابا عبود ما اجه
عبود يتاخر اليوم لان عدهم روحه للسماوه
ها خوش لعد خلي اعزلهه غداه
تغدينه ورحنه للمطبخ غسلت ماعين ويا ساره بعدين سوينه جاي ظليت اسولف ويه ساره كلش حبابه كالت تدرين هستوني رتاحيت لان اني هوايه احب اللمه بس احنه بس قليلين ودائما البيت هادئ ضلينه نسولف لحد العصر صعدت ساره الغرفتهه ترتاح واني طلعت شويه اتمشه بلحديقه وصلت للمرجوحه كعدت عليه كولش حلو الجو والحديقه روعه حيل معتنين بيهه شويه سمعت باب البيت نفتح ودخلت سياره عرفتهه سيارة عبود
رجعت البيت مخليتة يشوفني صار بوجهي ابو ساره كال خيريه اكو شي
ها لا بس حسيت اجه واحد وطبيت
اكيد عبود هوه هيج وكت يجي
تصبح عل خير
ونتي من اهله
طلعت ركض طبيت للغرفه ما اعرف اني ليش انهزم منه والى متى اضل مهزومه
عبود من فتحت باب البيت حسيت وحده ركضت للبيت معقوله هاي ساره لعد ليش منتظرتني
دخلت للبيت ماكو احد صعدت للغرفه شفت ساره نايمه لعد هاي منيه معقوله خيريه تمددت كعدت ساره ها عبود الله يساعدك
هله حبي شلونج
ليش اليوم متاخر والله شغل
تريد عشه لا عيني ما ريد نامي حبي راح اسبح واجي انام
عبود باجر اروح ويه امي للزياره
اي حبي روحي محتاجه فلوس
لا حبيبي عندي
للصبح كعدة متاخر لكيت ساره نازله بدلت طلعت للمطبخ
خيريه اليوم طلعو الكول للزياره وضليت اني والتوم عبالي عبود هم طالع لبست تراك سمائي كولش حلو
وفاتحه شعري ورحت للمطبخ اسوي ريوك شغلت الراديو طلعت اغنيه الفيروز وظليت اغني وياهه وسوي بيض وطماطه
عبود طلعت من الغرفه وسمع صوت فيروز اليوم شني هاي اليوم من زمان مسامع فيروز من جانت خيريه تشغله الصبح بيتهم ومن جنت امر عل بيتهم اضل اسمع وياهه وهيه تدري بيهه فتعلي الراديو معقوله خيريه
مشيت بسرعه للمطبخ لكيت خيريه واكفه وتغني ويه فيروز ماحجيت ضليت اباوع عليهه شكد حلوه اوف خيريه
درت وجهي لكيت عبود واكف منتجي علباب ويباوع
فزيت كتله خرب يومك عبود
ههههههههههه شبيج فزيتي
اي غير تكح طلع صوت
ليش حته تنهزمين مثل البارحه
احسن
لا مو احسن بس اريد افهم شي انتي مو رفضتيني بعد ليش هل كره اليه
شنو شنو منو رفضك
انتي غير
هاي شبيك انته صاحي
انتي مو دزيتيلي رساله بيد ام ابراهيم
اي دزيتهه بس انته قريتهه
ها صفنت شويه لا مقريتهه
ليش تصورتج رافضه لان لو مو رافضه جان كلتيلي ليش ادزين رساله
هاي انته تحجي صدك
يعني مفتحت الرساله
لا والله
لعد ذبيتهه بدون متقراهه
لا ضميتهه
وهسه عندك
اتصور عندي
لعد روح اقراهه وبعدين ارجع
ليش خيريه شكاتبه بل الرساله
ههههههههههه معقوله انته هل الاهمال رساله متقراهه
مو اهمال بس جنت خايف من محتوياته
دروح لعد اقراهه وتعال عاتبني
عافتني وراحت للغرفه
صفنت وين خليت الرساله تذكرت الكتب مالتي عد اهلي بل مخزن
دكيت عل امي
صباح الخير يمه شلونج
هله عبود خيرك يمه خو ماكو شي
لا يمه ماكو شي بس اريد اسالج الكتب مالتي القديمه وين خليتيهن
شذكرك بيهن هسه
لا هيج محتاج كتاب بيهن
يمه جانن بل مخزن بعد ما ادري
يمه فدوه العمرج شوفيلي ياهن بعدهن لولا
هسه رايحه اشوفهن
يلله شويه ودك عليج
ضليت افكر معقوله خيريه مرافظتني واني بغبائي ظيعت هلعمر كوله
دكيت عل امي
ها يمه بشريني
اي يمه موجودات
خوش يمه اني هسه جايكم
سديت التلفون منهه اخذت سويج السياره ورحت للبصره
خابرت عل العامل مالتي كتله اليوم اني ما اجي
وصلت للبصره سلمت عل امي وخواتي وصعدت للمخزن لكيت الكتب بلكارتونه دورت عل الكتاب الي خليت الرساله بيهه
واخيرا لكيته فتحته ودور بلهفه لكيت الرساله مصفطه طلعتهه وكعدة بلكاع فتحتهه وقريت الرساله
