زمن القلوب الحقيرة

البارت التاسع

زمن القلوب الحقيرة
علي البدر
البارت التاسع
....
....
بقت احوال البيت متوترة والاوضاع كلش مو تمام....
امي جانت تبجي ليل ونهار عله ابوية .....
احنه رغم حقدنه عليه بس هم  جنه نتمنه يرجع لان مهما يكون هوه ابونه يبقى....

الا نغم جانت تشيل حقد عليه عجيب وجان كل يوم يمر وماكو اخبار عن ابوي تزيد فرحة نغم اكثر واكثر ....
حجيت وياها وكتلها نغم مهما يكون هذا ابونه ميصير نخلي الغريب يشمت بينه يانغم ياحبي....
كالت لي ....
تدرين حنونه لو يجيبونه ميت هسه الا اهلهل واركص....مو بيدي كلبي حاقد عليه ....
....
...
نغم ارجوج اني فاهمتج ومثلج هم ماطايقته بس مانريد الناس تتشمت بينه عفية حبابه .....
هسه يجي ابوي وينحل كلشي.....
ضحكت نغم بصوت عالي .....يرجع هههههههه شيرجعه شوفي هسه بيامزبله فاطس  حاله حال ال ....
اششش لاتحجينها كافي نغم يالله صمي حلكج....

مرت اربع ليالي عله اختفاء ابوي وماكو اي خبر  منه
جنه كاعدين نتعشه شي خفيف يعني نواشف وخالي جان يتعشه ويانه وبنص العشاء جان يندك الباب
كمت افتحه....
بس صافي كال اكعدي
وكام هوه فتح الباب .

......
......
السلام عليكم
وعليكم السلام هلا بيك حجي مكي  شلونك شخبارك  تفضل تفضل حجي
....
....
عمي صافي انه اسف وكت عشه اجيتكم بس الموضوع مايتحمل تاخير ويخص ابوك...

تفضل حجي للديوانيه وخل نحجي جوه........
.....
....
جنه كاعدين ومن طلع صفاء يفتح الباب طلعنه كلنه وراه وسمعنه الحجي وعرفنه عده خبؤ من ابوي.....
ركضت امي  لبست حجابها وراحت وي خالي كنعان للدوانية
.....
....
سلم خالي على حجي مكي وكعد يمه .... وجنه نتوقع ان ابوي ببيت حجي مكي وكلنه جاي يراضي النفوس.....
سوت اختي زينه الجاي للخطار وشرب جايه وكال لخالي كنعان .....
اسمع خوية عندي حجايتين احجيهن واروح..... .
كاله خالي  انت تأمر حجي وكل التكوله يتنفذ وجان حته خالي يتوقع ابوي ببيت حجي مكي...
جنت اني واختي اخلاص كاعدين يم الصوبه لان الجو بارد حيل وشوية تطمن وكلت همزين ابوي عد حجي مكي اقبها مايبرد ولايجوع .....
جنت احجي هيج وماعرف شنو السبب حب فطرة حقد مادري.....
وراها سمعت حجي مكي يحجي لخالي كنعان ويكوله
...
.....
اسمع خويه اليوم اجوني ناس لاهلي  همخ ساكنين بالمنطقه اللي تصير عالشارع يم الهياكل....
وكالو سمعنه امس بليل صراخ بالهيكل وخفنه بس يعدين رحنه للمنكان ولكينه ابوزينه نايم بلهيكل اليم الزباله...
وجان يصرخ لان  كارصه عكرب وانتم تدرون الهياكل مايعيش بيها الحيوان ....
.....
.....
انصدمنه من اللي سمعناه وامي كتلت روحها وظلت تلطم عله وجهها....
شنو الموازيه يروح ينام بيهيج مكان كل هذا حته يسقط سمعتنه كدام الناس...
وظل يحجي حجي مكي وي خالي ويذب الصوج كله بصفاء لان ابوي مسقط سمعة صفاء وكايل للكل ان ابنه ذباه وطرده من البيت...
اخوية كنعان اتمنه تروحون وتجيبون ابو زينه لبيته وعياله وتره ميصير تعوفو لان يمكن  السم يصعد عنده ويكتله
....
....
رجال قدير مثل ابوزينه يتبهذل هل بهذله ليش وبشنو مقصر وياكم يكفي وجوده خيمه الكم....
امي رادت تحجي  وتفهم حجي مكي كل الموضوع  بس خالي رفض و سكتها
....
وكال الها ....
كدام حجي مكي والناس لاتبررين  شي موقفكم واضح و الله يعلم بحالكم ويعرف مالكم ذنب بس هسه المهم نروح نقنع ابو زينه يرجع.....
سال خالي الحجي وكاله....
زين وره مانكرص لاي بيت راح حته نجيبه...
رد عليه الحجي تلكونه بالهيكل ماقبل يروح لاحد .....او يروح وي شخص لبيته....
ترخص حجي مكي ومشه .....

وكال خالي لصفاء ...
اسمعني اليوم ابوك يجي واذا مارضه يرجع لبيته نجتفه ونجيبه غصبا عليه ...بشنو يفكر هالكواد مادري.....
... .
...
بسرعه طلعنه انه وخالي  ولبسنه قماصلنه لان الجو جان كلش بارد وجنت ارجف من البرد...
جنت افكر شنو اليخلي ابوي يسوي كل هذا علمود شنو ...وين يريد يوصل.....
وصلنه للهياكل جانت كلش تخوف سمعنه صوت شخص يكح وعرفته صوت ابوي.....
راحله خالي وكبل كاله ....
شنو هاي ابو زينه ...هسه تكوم وياي حته لو اعرف اخذك للبصرة لبيتي ولا اخليك هنا......
كبل كال ابوي ارجع للبيت بس الكل ينفذ الاريده وعندي شروطي....
كاله خالي تدلل كل شروطك اعتبرها متنفذة ومن هالشارب .....
.....
....
جانت امي كاعده عله نار وكلش حالتهة مخربطه خفت عليها توكع لان هي اساسا كلبها ضعيف ....
شوية ودخلوا علينه خالي وصفاوي ووياهم ابوية..  
جنه نباوع عله ابوي اللي حاول ميبين انه تعبان او متهالك بالعكس جان يمشي بغرور وحقد ويمشي ويسب ويشتم ......
....
...
بدون سلام او مقدمات التفت ابوي عله خالي كنعان وكاله.....
اسمع كنعان انه مارجعت الا بشروط وهاي الشروط تتنفذ بالكامل ومادام انت موجود واختك واولاد اختك لازم تسمعوني...
...اول شرط صفاء هوه يكون مسؤول عن عيشة امه واخواته يشتغل ويعيشهم لان اني رفعت ايدي من مصرف البيت وما اشتغل بعد لان تعبت ومابيه حيل اشتغل...
رد عليه خالي هاي سهلة وتدلل واعتبرها مكضيه ....

وقبلنه بشرط ابوي كلنه 
رجع ابوي وكال اما الشرط الثاني  ابيع محل التصليح وفلوسه الي ومحد يسالني عن اي فلس احمر او يطلب مني درهم ....
وجان هذا المحل امي اشترته اله من ذهبها
....
...
وكالتله فدوة الك المحل والفلوس يابو زينه.

قبلنه بكل شروط ابوي ورجع للبيت وجان يتعامل ويانه باعصاب ويعاملنه معاملة قاسية وحاربنه نفسيا....

.
وبالفعل ابوي باع المحل ونقل فراشه وغراضه للديوانيه وصارت هي مجان اقامته ومنع علينه منعا باتا ندخل الها وجان يحذرنه انو ندخل الها او نوصل يمه
بده صافي يبني بمحل بالحديقه مالتنه جان خالي ساعده بفلوس وكاله ابنيلك محل واكسب رزقك منه  وامي جانت ضامه جم فلس الها هم انطتهن اله وساعدته بيهن
وطلبت من ابوي مبلغ علمود علمود هم تنطيه لصافي وانطاها بس كال الها دين . هذني الفلوس من يصيرن عدكم ترجعونهن الي ....

وفتح صافي المحل و اشتره  فيشه وبليارد   وبطل من المدرسه لان ماراح يلحك عالمدرسة وعله مصروف البيت
....
....
وزادت المصاريف وصار الثقل بس عله صفاوي  فقررت زينة ان تترك المدرسة لان صارت وضعية المصرف والمعيشه ماتسمح وبالفعل تركت الدراسة ....
وبقينه بس اني  ونورس ونغم نداوم وملابسنه كلهن قديمات....
جنه نعيش اسوأ ايام بالمدرسة وخصوصا من جانب الملابس لان جان شنو يصغر ع خواتي اني اخذه والبسه وره ما اختي زينه تزغره وتخصره بيدها وتلبسه ....
والاحذيه هماتين هيج مداور بيناتنه....
اما اجلادات الكتب جانت من الجرايد او العلاليك السود مال المسواك وجانت هاي الايام صعبه وعصيبة علينه......
احبتي فضلا وليس امرا ارجو منكم متابعة الحساب
sara1999991