زمن القلوب الحقيرة

البارت الرابع والعشرون

زمن القلوب الحقيرة
علي البدر
البارت الرابع والعشرون
...
...
بدت حياتنه تستقر وبدينه ننسه احزانه شوية شوية....
بس جانوا صحبان صافي يجون يم ابوي ومن يشوفهم ينعصر كلبه ويبجي و......
واحنه من نسمعهم يجون ينكلب البيت مناحه والكل تدك وتلطم
....
....
تكررت هالمشاهد ....
جماعة صافي يجون ....وابوي يدك ويلطم واحنه تنكلب مناحه....
قرر ابوي نترك كركوك ونشيل للبصرة ...
وجان هذا اصعب قرار بحياة ابوي بس جان يريد ينسينه الحزن بكل ثمن ممكن يدفعه.....
....
...
وبالفعل ايام وشفت نفسي الم غراضي وحاجاتي واصعد بيهن للسيارة ....
شلت كلشي من البيت بس الذكريات ماكدرت اشيلها ....العطر اللي بلبيت ماكدر اشمه كله....
صعدنه بالسيارة وبدت تتحرك واحس بروحي ودعت صافي من جديد .....
ابجي واكول لامي...
....
...
شلنه يايمه وخلينه ورانه ريحة صافي.....
بعد وين نتذكرة بيمن راح تشوفين...
جانت سوالفيي تجرح امي وتاذيها بس تصبر كوه
....
....

وصلنه للبصره...
شفت كدامي بيت جبير وبابه عالي....
اليكول قلعه تلث طلاكات ...

بيت موحديث قديم ....
دخلنه وبدينه انزل الاغراض .... .اني واخواتي ووفيه كاعده لان امي كالتلها اكعدي يم بنتج....
....
...

طول الطريق جان وجه وفيه ينطي الوان...
وجانت متحمسه عله جيتنه للبصره....
.....
كمنه نزلنه الغراض....
وامي كعدت بلهول حاطه بحضنها صوره صافي وبدت.... تنعى وتبجي
....
احنه نشتغل بالبيت ونبجي . عله نواعي امي...
....
...

كملنه تنزيل الغراض وصارت ليل الدنية....
....
كال ابوي النه....
...
بنياتي افرشن شلون ماجان ونامن ....
....
...
باجر نرتب الغراض عله كيفنه....هسه ارتاحن يابعد بيتي.....
...
صدك فرشنه فراشنه ونمنه وجانت هاي المرة نومتنه تختلف...
....
اجه ابوي وفرش فراشه يمنه وصار بنصنه وكل شوية يصيح وحده من عدنه تنام يمه ويشبكها ويحضنها وجان كل شوية يصيح نغم يبوسها ويحضنها ويبجي ....
....
....
بعدين كعد يسولفنه عله ايام الجيش ....
.....
يسولف واحنه نضحك....
يكول مرة الامر مال الوحده ....
لكاني نايم عله وجهي ....
كالي هايالشفيه نايم هسه اعلمك.....
.....
.....
يكول جانت الساعه ب٤ الفجر كالي كوم لم الحصو الموجود بالمعسكر كله ....
يكول رحت لميت جونيه حصو واجيته ....
سيدي هذا الحصو وين اوديه ....
يكول ضحك وكال ارجع طشره بمكانه....

....
....
ضحكنه عله سوالف ابوي بالجيش وعرفنه من سوالفه ...الجيش ضيم ماينحمل ....
....
....
بعدين كال انه نعست راح انام ....
....
انتن هم نامن  علمود باجر نطلع كلنه عماله .....
....
...
اما امي....
كالعاده اخذت صوره صافي وكعدت بلديوانيه فرشت ابساط وضلت تنعى وتبجي وتقرأ قران ....
.....
....
ماجانت تنام بليل ابد.....جانت تدعي رب العالمين بس كون ينومها ويريحها ...
رغم مرت عله وفاة صافي سنه واشهر بس ماملت ولانست صافي....
واحنه تعلمنه على نعاويها تالي الليل ....نكعد ننحب وياها....
وجان ابوي كل يوم يكلها
يامرة ...يامرة
ارحمي بحالج انتي ماتملين تبجين الليل كله يمعوده كافي عيونج راحت عوفي هالصوره حته من تسبحين حاطتها كبالج ...
....
تره الجاي تسوينه حرام ...والله حرام يا ام زينه
....
...