زمن القلوب الحقير
علي البدر
البارت الحادي عشر....
....
....
فقدت ماحسيت بشي وجنت متاذية كلش من رجلي وراها رحت بعالم ثاني ماسمع ولا اشوف شي.....
بعدها كعدت لكيت روحي بالبيت ماعرف شوكت وصلت وشلون رجعت......
بسيارة لو هم حاضني صافي ....ماجنت اعرف.....
رفعت راسي وجانت الدنية نص الليل لكيت خواتي نايمات......
والجو هدوء كلش...
وخرت البطانية علمود اشوف رجلي موجوده لو كطعوها
جنت من شدة الالم اللي شفته اتصور راح يكصوها الي بس بعدين اطمنت ولكيتها مضمدة بس الوجع جان قوي كلش وجنت بودي
اصررررخ الوجع ماجان مافاكني ابجي بسكته علمود مازعج احد من النايمين.....
بقيت اتلوع وابجي سكته وجنت
نعسانه بس الالم مامخليني انام ....
لهناك غفيت ومادريت بحالي ...
فزيت عله فتحت الباب رفعت راسي اشوفه منو .....
لكيته صافي فاتح الباب عله كيف .....شافني كعدت....
كال ها حنون شلونج ياوردة شخبارج حبي واجه يمي كالي....
ها يحلوتي ليش كاعده البارحه تعبتي ليش مابقيتي نايمه حبيبتي......
كتله اي والله صافي البارحه رجلي حيل موتتني ومانمت ليلي كله بس اون وابجي......
ليش ماكعدتي وحده من البنات ....ليش ماكعدتيني عمت عيني انه نايم وانتي تبجين الليل كله حونونتي....
وراها كالي حبيبتي مو تنامين شوية واجيج
صافي وماطول شويه ورجع وجان شايل بيده صينية ومسويلي ريوك بيده بيها صحن بيض وحليب وخبزه حطها كدامي.....
كتله صفاوي بيدك تجيبلي الريوك يبعد اختك....
فديتها اختي انه اجيبلها لبن العصفور اذا تريد مو بس ريوك .....جم حنونه عندي ....
دمعت عيوني من كلامه الحنين و كتله والله ماريد صفاوي بس اريد اي شي يوخر الوجع...لان رجلي موتتني صفاوي...
كال ريته بيه ولابيج الوجع ياحنونه لخاطري اكلي تره والله ماتعشيت البارحه علمودج لان ماكدر اكل اللكمه وانه اشوفج تبجين ....
والله عسه روحي الموت اذا اتهنه بلكمه وانتي تتاذين ....
.....
....
لخاطر تواسيل صفاوي وحنيته وخوفه عليه ....
قررت اتريك وما اكسر بخاطره ابدا....
من شافني وافقت اتريك ضحك وكعدني هو بيده .....
وخله ورايه مخاد وسندني عالحايط ورفع رجلي وخله جواها مخدة وبده هو بيده يوكلني وظل يسويلي لكمات صغار ويحط بحلكي......
ضحكت وكتله صفاوي حبيبي تره رجلي المتعورة مو ايدي يعني اكدر اكل بديه ليش تتعب روحك ياعمري...
ضحك وكال اكو واحد يتعب وي اميرة زغيرونه مثلج انتي حنونة ملكة هذا البيت وتدللين عالكل ومحد اله الحق يخالفج.....
أنت تقرأ
زمن القلوب الحقيرة
Aventuraرحلة فتاة مع الفقر والالم واليتم .....تعيش حقبتين من الوجع ....تمر بضروف غريبة استثنائية .....قراءة ممتعه
