زمن القلوب الحقيرة

البارت الثالث عشر

زمن القلوب الحقيرة
علي البدر
البارت الثالث عشر
...
...
نمت واني الف فكره براسي وجنت متانية ساعة فضيحتي بأي لحظه مجرد يكبر بطني واطلع حامل من فؤاد راح انكتل........
كعدت ع صوت اختي نورس.....
كالتلي اكعدي خاتون لحد هسه نايمه مو وراج  مدرسه شوكت تبدلين وتروحين....

كوة فتحت  عيوني جانت مغوشه واحس الصخونه تطلع من حلكي.......
كلت الها روحو انه مريضه اليوم ماكدر اداوم.....

ضليت شويه بفراشي وانه الغصه كاتمه ع روحي .....
وافكر شلون احجي والمن ومنو راح يسمع مني ويصدكني ..... منو اكله وراح يبرد كلبي ويموت وسواس كلبي......
اخر شي قررت احاجي امي لان هيه اقرب شي الي وهيه راح تفهمني .......اكيد امي راح تفهمني من احجيلها عن سواية فؤاد النذل...
سحلت روحي سحل من فراشي كمت غسلت والدمعه احسها تنزل من وحدها وكل شوية اتلمس بطني وخايفه اصير حاملل من هذا الكواد......
سمعت صوت ماي بلحوش مديت راسي من باب المطبخ  اشوف منو يغسل......
شفت امي رافعه الدشداشه وترش الحديقه ...قررت اروحلها واحجيلها واليصير خل يصير .....اقلها امي تعرف بالموضوع وتساعدني اذا صار حمل.....
اجيت يمها وكتلها
ها يمه صباح الخير
ىدت عليه
ها ولج ليس مامداومه ومارايحه لمدرستج شبيج مريضه .
لايمه مو مريضه بس مارحت للمدرسة اريدج بشغله اريد احجيها الج لان منو احجيله غيرج....

جان عد امي طبع تنطيك الامان وتطمنك وتخليك تحجي كل شي بكلبك ....
وراء ماتخلص العندك  تشن حرب عليك تعاركك وتعيرك بكلشي
اجيت يمها وكتلها

يمه اريدج بشغله ....بس فدوة اسمعيني
كالت خير ولج حنين شمصخمه بلمدرسه .

كلت الها لا يمه مو المدرسه علواه لو بالمدرسة...تنحل
صاحت بيه امي احجي ولج شكو ...
كتلها يمه البارحه من اجه عمو فؤاد من فتحتله الباب هيج وهيج سوه .وضليت ابجي وليلي مانمته وهو هددني وكال اذا حجيتي لابوج يذبحج...
يمه انه خايفه ومحد الي غيرج
.....
...
ضلت امي صافنه وحسيت بيها راح تنفجر من داخلها وشفت  النارتطلع من عيونها ....

تقربي مني وسئلتني بصوت ناصي وبيه رجفه وخوف وكالت لي
ولج حنين هم نام وياج فؤاد
.....
....٠
كلت الها يمه شنو نام وياي شعرفني انه ووين ادري بيه هو  باسني ومد ايده بملابسي وجان يلهث ونفسه حار.....
كالت ماسوه غير شي ولج
كلت الها لا .يمه ماسوه.....
جنت احجي وي امي وارجف وابجي وجانت امي اشوفها عبارة عن جسم ناري ومدخنه وراها تغيرت امي عليه وكالت...
ولج حنين اسمعيني....
لا تضلين تجذبين وتتحايلين عالرجال....
رجال بكد ابوج جايه تحجين علي .....
ولج انتي حته ازغر من جهاله  يجوز باسج بوسه عاديه بس انتي يتراوالج هذل الشي
.....
....

بجيت وضليت اصيح واكلها يمه شنو اجذب..... انه جايه احجيلج وانتي دكولين تجذبين المن اولي واحجي ويصدكني....