زمن القلوب الحقيرة

البارت الخامس عشر

زمن القلوب الخقيرة
علي البدر
البارت الخامس عشر
.....
....
مرت ذيج الليله وكلنه جنه نايمين سويه اني واخواتي وامي وصافي.....
كعدنه الصبح وكلمن توجهت عله شغلها ...
وامي راحت لدوامها وصافي بقه ذاك اليوم ماطلع من البيت بقه ويانه كاعد.....
بليل اجت امي وصدك جايبه مسواكين واحد لبوي وواحد النه....
مسواكنه بيه اشكال والوان فواكه ومخضر ولحوم ....
اكلنه وخلصنه وجانت اختي نغم تلم الكشور مالت الموز بجيس ...
كالت الها زينه انطيني الجيس خل اذبه بالزباله المن محتفظه بيه...
كالت نغم شوفوا شنو راح اسوي ....
كمنه وياها ....وجان تعلك الكشور بالباب وتركص ....وتكول حته جوارينه باجر يعرفون احنه ماكلين موز.....
ضحكنه ذيج الليله وفرشنه فراشنه ٠ونامت امي يمنه وكالعاده شبكت صافي ونامت عله صدره وهو نومها بحضنه واحنه نمنه كلنه يم امي وصافي.....
......
.....
ثاني يوم الصبح كعدنه وكالت امي ....اليوم نروح للسوك ونشتري ملابس من البالات.....
امي من كالت اخذكم للسوك صارت بينه فرحه لا ارادية وكمنه وحده تطك بالثانية ....صدك جذب نروح للسوك ونشتري ...
وجان صافي يتباوعنه ويضحك واول مره يشوف الفرحه صدك بعيونه ...
....
....
طلعتنه امي ثاني يوم واشترتنه من البالات وجنه طايرات من الفرح مو مصدكين احنه بالسوك ونتسوك.....
بعدين اخذت صافي وكالتله ماشتريلك من البالات انت العزيز اشتريلك كله محلات وماركه وصدك اشترتله كله ماركه....
وطلب منهة طيور زاجل واشترتله....
رجعنه للبيت واحنه نحس رواحنه طاكين فول ...اكل وشرب وملابس وطلعات...
وبدت امي تنطينه مصرف يومي وكالت كل وحده تحطلها قوطية تجمع بيها حته من يجي الدوام اجمعلها واشتريلها ملابس....
....
....
واستمرت حالتنه مستقرة وانه ضليت ماهتم لجيات فؤاد الحقير وحته من يجي اشرد منه للسطح

أستمر الحال هدوء ببيتنه .... وامي تلح عله صافي بالزواج ... وفاتحته اكثر من مرة .....

يمه صافي ماناوي تزوج اريد يصيرعندك ولد يشب وياك واصير انت وياه  اخوان
كالها صافي ...
يمهمنو تردين اتزوجها ..
.....
....
ردت عليه امي....

يمه والله وفيه بنت عمك يتيمه وحال الضيم حالها اخذها تكسب بيها اجر ....

يمه بس انتي تدرين بيه ماشتغل .،
منين اصرف عليها المرة اذا اجت...
.....
...
كالتله امي.....
مصرف مرتك ومصرفك عليه ماخليك تشتغل مدام ابوك اخذ منك المحل......

لومتت انه  عود ذيج الساعه اطلع واشتغل وماطول خشمي يشم الهوى انه اصرف عليكم ..
وافق صافيوكاللها .
هذا هو يمه توكلي وشتريدين سووي يمه...
.....
.....
طرنه من الفرح وتونسنه وكلنه راح يصير عدنه عرس وراح نشتري بدلات اويلي....
بعدهم ماخاطبين واحنه انهوس ونركص ....
.....
.....

وانه افر شعر شعر للكاع وصافي يضحك علينه ...
وصدك بأسرع وقت راحوا اهلي لبغداد لأهل وفية حته يخطبونها
راحوا امي وابوي وصافي لبغداد لاهل وفية وخطبوها وحددو الحاضر والغايب والنيشان .....
.....
.....