زمن القلوب الحقيرة

البارت الخامس والعشرون

زمن القلوب الحقيرة
علي البدر
البارت الخامس والعشرون.....
.....
.....
ضليت بغرفتي ضايجه وشايله بكلبي عله امي....
سوينه عشه وتعشو عمي وابنه وراحو...
.....
....
اجت امي كالت لي
....
....
ليش ماتعشيتي حنين خاتون

كلت الها
يمه ماريد عشه ما اشتهي
...
وانه شايله بخاطري عليج
شلون تنطيني لسجاد عله حجايه حجاها شنو تعاجزتو من لكمتي ....لو تضايقتوا مني
...
...
ولج انه اريد ازوجن ....
ماريدجن تضلن...
بعد ماعدجن اخوان
....
وانه وابوج ... مودايمين الكم
ازوجن مادام خشمنه يشم الهوى...
واي اعتراض مرفوض ....
....
...

رديت عليها
...
...
يمه ..... ماريد الزواج
اريد اخلص الدراسه وادخل كلية اعلام ماريد اتزوج ....
....
...

مو بكيفج ترفضين
تتزوجين وحتى خواتج اي واحد يتقدم الهن انطيهن....
اريد اموت وانه مرتاحه ماريد عيني عليجن واموت وانتن محد الجن
خلصت كلامها و طلعت وطبكت الباب حيل .....
....
....

مااهتميت لكلام امي...
....
فرشت افراشي ونمت ....
....
....

ثاني يوم الضهر اندك الباب ....
فتحت اخلاص الباب ودخلت ...
واسمع امي تكول ياهلا ومية مرحبا تفضل يمه ....تفضل
اجت اخلاص وكالت ....
.....
حنين...حنين اجه الحب ....
كلنالها وج ياحب

ضحكت وكالت ....سجاد .
.....
....

شلون بالله وياه هذا....
....
لزك خو مالزك....
.

اجت امي كالت كومن سلمن..
وانتي حنين كدامي كومي سلمي اجه يشوفج ....

يمه.... شلون مارتاح انه عدي دروس اريد اركز بدراستي شنو اخلصها اجه سجاد وراح سجاد
....
... .
اسمعي ولج ....
سجاد محاجي اهله وناوي يخطبج بس يريد يسمع منج انتي راضيه بيه....
..
...
والله حنين اذا سمعت بيج كايلته ماريدك والله حتى مدرستج ابطلج منها
....
....
تزوجن مادام انه عايشه لا تتبهذلن ....
....
...

دمعت عيني وكمت
وانه احس روحي مخنوكه وادردم دخلت كام سجاد والضحكه شاكه حلكه
....
...
هلا بحنين هلا بنت عمي .
مارديت
بس اجت عيني بعين امي لكيتها خازرتني

كتله هلا بيك شنو مو البارحه جنت عدنه خير خومابيك شي .....

...
....
والله مابيه شي بس اجيت اشوفج اريد اتعرف عليج اريد اعرف طبعج واعرف تصرفاتج
....
....
وهاي كدام اهلج انه رايدج ودخلت من الباب واضن مابيها شي بنت عمي وانه اولى بيها من الغريب ....
....

اوووف يربي تورطت ....
هاي خواتي شكبرهن وبكدك....
اجيت عليه اني شجابك حظي المصخم
....
جنت ادردم بكلبي
..
وكل ماريد اكوم امي اجرني ودكعدني ....

وسجاد يسولف ويه امي وعينه عليه...
ضوجني كلش منه وماحترمته ابدا
....
....
.
مرت الايام وسجاد يتردد علينه....