زمن القلوب الحقيرة

البارت الثلاثون والاخير

زمن القلوب الحقيرة
علي البدر
البارت الثلاثون والاخير
...
...
بقيت عله نحيبي ونوحي طول اليوم ادك والطم واخواتي يلطمن وياي....
ولج يمه اهنا يا صويحبتي ولج يمه راح الوفه بشيلة جنازتج يايمه
ولج يمه ماضل شي واتخرج
   
ردت اخذج للرضا ....مو وعدتج يايمه نروح نزوره
يمه حلتلج نومة الكبور ....

انترس بيت خالي ناس اهواي وملايات يقرن ودك ولطم ....
وجانت خالتي كاعده وتدك سوالف ....
ولاكأنما عمة ولدها ميتة 
وعدها الموضوع عادي ..... وتضحك وتسولف. واذا قرت الملاية تكلف نفسها تبجيلها شوية....

جنه شادين عصاباتنه عله روسنه واخذنه الميدان بس النه
....
...
واماني بنصنه تلطم ع وجهه وكل ساعه ينغمي عليها.....جانت مجنونه لان فقدت البيبي....

اندك ونلطم ومانقبل احد يلطم ويانه وحده تواسي الثانيه تلث ايام الفاتحه ماحطينه لكمه بحلكنه...ولا شافت النوم عيونه ولاحته تهنينه بلحظه .....
عمر خلص آهات وضيم ومصايب ....
شأتحمل فكد الاخو لو الابو لو الام ...

لو اتحمل مصيبتي وي اخواتي ....
كلساع وحده من الدك واللطم منغمي عليها ....
....
....
رحت لأماني اشوفها مثل المجنونه وتشهك وتبجي وتكلي حنين راحت البيبي بعد ماترجع ....
عمرها ٦ سنوات وملخت وجها ودممت راسها وشككت ثيابهت...
رحت يم  نورس جانت بالطبيب
كالولي  تدهورت حالتها ونقلوها للمستشفي صاير عدها انيهار عصبي........
نورس مصدومه وخايفه واماني تدك وتنحب واخلاص بس تبجي ....
زينة ونغم مملخات ارواحهن...
...
خلصت الفاتحه والوادم طشت شالوا الجادر وبدوا خوالي يحسبون بفلوس الفاتحه يشوفوها خسرت ربحت...
....
انه جنت مستحقرتهم ...ولكم فلوس تحسبون ربح وخسارة ....
انتم لو عدكم ضمير جان تحرك ضميركم .....
هو اكو خسارة اكثر من خسارة اختكم ....
اااخ يايمه
والله حته الخوان مالهم امان ومابيهم محنه....

شويه و سمعنه اصياح اخوالي بالديوانيه علمود الفلوس....لان صار شوية خسارة بالفاتحه ولاجن توها امي ميته....
كلتلها ولج نورس ..
بفاتحة ابوي وكفوني بالباب عمامي....
وهسه تسمعين صياحهم عالخسارة  ....
ولج نورس احنه النه الله .....
لاخوالنه بيهم حظ ولاعمامنه ينشد بيهم الظهر

استمر الصياح والعياط ....بالدوانية
ورة شوية
زعلو خوالي وطلعو من البيت خواتي....

...
اخواتي نغم وزينة بيوم الثالث اجت عمتهن  واخذتهن .....

كالتلهن ...
فاتحة وخلصت وامجن راحت لدار حقها شنو ضلتجن بعد يالله كومن وياي ....

بجن اخواتي وودعنه وسلمن علينه وراحن وضلينه انه ونورس واخلاص واماني لا حول النه ولا قوه .....مانعرف شنو ضامنه الزمن بعد
اربع يتامه من بيت لبيت ومن دار لدار ....
لا حضن ام دافي يلمنه ....
ولاحنية ابو تجمعنه ....
ولا غيرة اخو تغطينه
...
...
شوية  ودخل خالي  علينه وكال...
راح ااجر بيتكم ذاك
...
...
واشوف الكم بيت بلمنطقه هنا يمنه
ماجان عدنه اي اعتراض...