زمن القلوب الحقيرة ١٩
علي البدر
البارت ١٩
.....
.....
رحنه اربعتنه الساعه ٦ الصبح لبيت العقيد...
...
...
دكينه الباب وجان الجو بارد وجنه كلش بردانين .....
طلع العقيد ومرته...
ابوي كاله.....
استاذي والله ابني مايبوك .....
انه غلطت بتصرفي وجنت احجي عليه واتهمه اتهامات جذب وماحسب يجي يوم والله يحاسبني ع كلامي ....
كاله العقيد وهو معصب....
ايييي عيني شنو اتفقتو عله هل حجي.....
....
....
شنو جاي نلعب بابا حرمة بيتي انداست واذا اجيتو مره ثانيه اله اكول اتهجمو عليه ....
امي حاجت مره العقيد و كالت الها ...
....
....
تدرين البزر غالي والله مانمت الليل كله....
جنت اباوع عله امي تبجي وشفايفها يرجفن ماعرف من البرد لو من خوف لو اشتياق لصافي ...
بقينه نتوسل ومافاد ورجعنه خايبين فاقدين الامل بعد مارد العقيد وكال لازم يتحاسب ....
ويتعاقب اشد عقاب..
دخلنه للبيت وامي دخلت قبلنه تركض نزعت دشداشتها وعبايتها ...
....
....
ولج زينه ناوشيني جبتي والربطه...
...
....
كال الها ابوي ...
وين رايحه ام زينه
كالتله صارت بل سبعه هسه يجي السايق فرهاد اريد اروح افتر عالضباط واخذ اجازه اروح اشوف صافي.....
..
.....
.....
بهل اثناء اجه فرهاد وطلعت امي تركض صعدت بالسياره وراحت..... .
...
...
مرت ساعات عله امي وما اجت واحنه ننتظرها وكاعدين عله احر من الجمر ...
....
...
جان ابوي يدخن ويافف ومهضوم ومبين علي الانكسار ومتندم عله معاملته المو زينه لصوفي .....
جان ابوي بوده يصيح انه الدمرت حياة ابني وكل اليصير بيه بسببي ....
مر يوم كامل و مادخلت لكمه بحلكنه وبلاعيمنه مطبكه من البجي ...
شويةطبكت سياره ونزلت منها انسجام اللي وضفت امي بالتفتيش نزلت هيه وفرهاد شايلين امي....
جانت حالة امي مبهذلة وجانت جبتها مشككه وشعرها منفوش وحالتها منتهيه دخلوها بالديوانيه واحنه تسودنه من شفنه امي......
صحنه وصرخنه و كلنه راح تموت ..راح نخسر امي وصافي سوية....
كالت انسجام فرينه الضباط النعرفهم كلهم ومحد قبل يساعدنه....
....
رحنه انه وياها للمركز شفنه صافي كوه قبلو نشوفه ....
....
.....
طلع النه وجهه مدمه وحاطينه بزنزانه صغيره مربعه لاهوالكاعد ولا هوه الواكف وحتى مايكدر يلتفت ومكسرينه تكسير....
ومن شافته هاي حالته تسودنت وضلت تدك عله راسها وهاي رجعتنه من عنده
....
....
كومن حطلها اكل ماماكله وغسلن وجهها وديرن بالجن عليها....
...
... .
وترخصت انسجام وراحت وره ماباست راس امي وطلعت وظل ابوي يدك عله راسه ويملخ بروحه ويملش بشعره.....
كعد بلكاع وبجه بجي مال نسوان وع بجي امي وابوي ضلينه نتنحب ونبجي ...
.....
....
تحطمنه كلنه بسسبب صافي صار بيتنه عباره عن بيت للاحزان بلنهار امي وابوي يركضون للمركز ولبيت العقيد يتوسلون ويبوسون اديه وبليل ابوي يون ونين يهد الصخر....
....
وامي تبجي بجي وتشهك وتطلع روحها وي كل شهكه ....
أنت تقرأ
زمن القلوب الحقيرة
Aventuraرحلة فتاة مع الفقر والالم واليتم .....تعيش حقبتين من الوجع ....تمر بضروف غريبة استثنائية .....قراءة ممتعه
