زمن القلوب الحقيرة

البارت الثاني عشر

زمن القلوب الحقيرة
علي البدر
البارت الثاني عشر
....
....
ضل فؤاد يتردد علينه واهلي فرحانين بيه وخاصة امي لانهم جوارين من زمان ويحترمونه كلش ....
ومرات جان حجي فؤاد يبات عدنه ويبقى ايام ويجيب اطفاله وياه واني ونورس نتونس نلعب وياهم ختيلان لو ملك جلاد وهاي جانت احله العاب نلعبه بذاك الوكت....
بدينه اني ونورس نكيف اذا اجه فؤاد لان يجيب وياه حلويات وهدايا النه ويوزعنه هواي شغلات وفلوس واول مايجي نكيف نطير للمحل حفاي نشتري من محلات ابوعلي .
....
....مرة كاعدين ع الغده وجان حجي فؤاد عدنه معطلينه اهلي عالغده ...
عاد امي حاجته ....
حجي فؤاد ممكن طلب...
اامريني ام زينة بالخدمة اذا اكدر...
....
....
حجي هالتشوف الوضعيه صعبه كلش ....
ابو زينه كاعد مايشتغل وصفاوي عمت عينه هو الشايل مصرف البيت ومصرف اخياته ....
ماكو شغله مشغله عله ايدك هلتشوف عينك ابو زينه كاعد وصفاء مايلحك
رد عله امي....
ام زينه شنو تكدرين تشتغلين حته اشوفلج شغل ...
كالتله امي .....اشتغل اي شي ....شنو الشغل التحصله انه اشتغله.....
.كاللها الله كريم ام زينه يصير خير ....وسكت
وجان ابوي كاعد وسمع كل شي بس ماحجه ولا كانما الموضوع يخصه او يخص عايلته او اهله....
.....
....
مرت الايام وامي تنتظر جية حجي فؤاد بلكت محصللها شغل تكدر تمشي بيه وضعنه....
والله صدك وره اسبوع اجه فؤاد وجايب وياه مره حلوه ولابسه لبس فكينه حلكنه عليها لابسه كلاده ذهب وتنوره وقميص تصير متونه عاليه جنه نسميه ابوالكتافيات لونه احمر.....
دخلتهم امي للصاله ورحبت بيهم ....
مية هلا حجي فؤاد نورتنه ...
هلا ست حياج الله تفضلو تفضلو للدوانية
دخلتهم امي و قدمت الضيافه الهم
واحنه جنة كاعدات ونباوع بعينه ومانحجي اي كلمه....
.امي معلمتنه من يجي خطار حتى من نتنفس كون صوت النفس مايطلع بس نباوع بعيونه .واذا اي حركه لا اراديه تطلع منه اوشويه وكاحه مباشرة يتم تحويل ملفاتنه للمحكمه العليا لابوي...ويم ابوي ماكو رحمه اب.
فجنه نسكت ونصير عقال.ومنحجي ومنتدخل ابدا
حجه فؤاد وكال لامي
ام زينه ...هاي انسجام جبتها علمود اشغلج هي عدها شغل وحجيتلها عنج

امي طارت من الفرح وكالت الها والله ماعرف شلون اشكرج يا ست انسجام

رد انسجام وكالت لامي.....
ام زينه بالبدايه افتهمي الشغل وبعدين اشكريني
اسمعي ام زينة
اني اشتغل بلسيطره ع حدود السليمانيه وهناك عدنه عدنه غرف للمفتشات يعني شغلج بس تفتيش ومالج دخل بأي شي ثاني تفتيش وبس وبعدين انتي وشطارتج وراتبج خير من الله.....

ردت عليها امي صدك جذب انه اعجبج شاطرة وذكيه والشغل كله الكفه عالسريع...

ردت انسجام عله امي ....

هاي شغلج غير لو تهربين الاكراد من السليمانية وتعبرينهم شغلج يصير مرتب وراح تحصلين كومه افلوس تغركج وتغيير وضعج كله....

ردت امي ومن غير تفكير وكالت .....
ست انسجام انه اي شغل اشتغل عادي ومستعده اشتغل باسرع وقتوبأي وقت
.كالت الها انسجام اوك ام زينه تمام....
ومن عين باجر يجيلج سايق اسمه فرهاد بل5الفجر وترجعين بل6بليل وشغلج صح ساعاته اطوال بس مريح وبيه استراحات وماراح تحسين بالتعب والراتب خير من الله ومثل مافهمتج يعتمد عله ذكائج وشطارتج ام زينه.....
اتشكرت منهم امي ودعت الهم بالخير ..... وراها اترخصوا من امي وراحو.....