زمن القلوب الحقيرة

البارت الثالث والعشرون

زمن القلوب الحقيرة
علي البدر
البارت الثالث والعشرين
....
....ضليت احس بروحي تريد تطير للمكبرة للنجف....
كل يوم احاول اكوم ماكدر ....
سبع شهور مرت واني ماماشية عالكاع ولا واكفه ومتزنه ....
النزيف مستمر والعلاجات مستمرة ....
وفكد صافي والشوك لعيونه مانقص ...زاااااد...
اريد اعرف شلون اوصل لكبره ...
اريد اروح احضنه...اشمه ....اكيد تراب كبره عطره يختلف ...انه اخيي ينبع محنه وحته التراب يحن ...
....
...
مرت الشهور ومرت الايام واماني بدت تزحف وتناغيني واناغيها الزمها ابوس بيها واشمها لحد ماينكطع نفسي ...
...
...
فد يوم جان وكت الضهر ...
والكل نايمين .....

كمت من فراشي ووكفت عله حيلي....

جنت ماكدر اعين نفسي واكوم بس ذاك اليوم اجتني طاقه واجتني قوة.....
....
جنت بذيج اللحظه اقرب للجنون ...قررت اطلع لاي مكان لاي بيت لاي شي المهم اطلع اريد اوصل لصافي....كمت وتركت عقلي عله فراشي....
....
...
احس كلبي يريد اخوي ماظل صبر عندي ....
....
اريد اروح يمه.....ليش ماياخذني يمه ....
اذا هوه ميريدني يمه انه اروحله....
....
عيوني نشفت من الدمع ومرضي زاد....

....
....
صرت جلد وعضم ماتحملت فراكه ابد....
ردت انسه واتناسه وماتذكره بس ماكدرت....
ابن امي يعيش وياي بكل لحظاتي ....
ااخ عليك يبن عقلي ورفيج الروح صافي ياولفي...
كمت وطلعت بره  توجهت للشارع امشي وابجي واحس جسمي مابي توازن لان سبع شهور ماحاطه رجلي بلكاع....
....
جني نسيت المشي ولا ماشية من كبل ...

لامونسيت المشي انه نسيت روحي من مات صافي.........
....
....
امشي وعقلي وكلبي يكلولي روحي يمه ....

..
جان الشارع عباره عن سايدين سيارات رايحه وسيارات جايه....
...
ماحسيت اله وشمرت روحي عله السياره طكتني بظهري ونشمرت ع الرصيف انظرب راسي بالكاع  وحسيت حروره نزلت ع وجهي وعيوني بعدها فقدت ومحسيت بشي....وانغمه عليه....

كعدت عله صوت اصياح ...هذا الصوت اميزه عن الف صوت.....

اي هذا صوت امي....
جانت تتعارك وتصيح واسمعها تدك وتلطم ...
....
ماشوف عدل او ماركز لان الاضويه بعيوني صارت....
....
اسمع كل الحجي بس ما اشوف شي...
...
الرؤيه شبه معدومه.....

اسمع امي تكلهم شلون تخلون الابنيه تضيع سوولها جاره حرام عليكم.....
وهمه يردون عليها ....
....
حجية الله كريم خلي عينج بعين الله مابيها شي .
رفعت راسي .....
انتبهت امي لحركتي....

حضنتني وضلت تبجي....
....
ولج يمه تردين تروحين يمه ...

ولج يمه حلة بعيونكم النجف....شلون يربي ادفن بيهم واحد وره الاخر ...
الصبر ياربي بجاه جبل الصبر....
ليش يمه  تردين تشيلين وتعوفيني....
....
يمه جنت ابجي عله واحد صارو اثنين....
....
يمه حنين حاجيني ....
سبع شهور وانتي تعذبين بروحج وتعاقبيني يمه مالي حيل بعد ولا عدي صبر .
رديت عله امي
...
جنت كوه احجي ....
لان احس راسي مشكوك وضهري ذبحني ....
....
الالم بكل جسمي واحس جسمي  مرضرض وركبي تحركني و ايدي موتتني....
....
  كلت الها يمه اريد اروح يمه مالي عيشه اهنا ...
يمه مشتاكه لخوي ...
ماكدر اعيش بدونه ....انه اريد اروح اطبله لكبره وانام يمه
امي ضلت تدك وتلطم ...
ونغم جانت موجوده وي امي بالطبيب...