زمن القلوي الحقيرة
علي البدر
البارت السادس عشر
....
.....
خلصت ليلة العرس وجان هذا من اجمل الاحداث الصارت بحياتي.....
عرس صافي جان شي مهم بحياتي وابقه طول عمري ما انسه هذا اليوم....
.....
....
وره مافزيت الصبح وركصت عله صوت الهلاهل ....وكالتلي امي روحي غسلي فشلتينه....
رحت غسلت ولفيت كفشتي بقراصاتيومريت من يم غرفة صافي.....
وشفت باب الغرفه مفتوح ووفية زوجة صافي كاعده عالجرباية وجانت لابسة كلبيه لونها اصفر بيها تطريز ذهبي لنهايه البطن .....
وكتافيات مسويه جتافها عريضه....
دخلت عليها.....
صباح الخير عروسة شلونج ....
هلا هلا صباح النور هلا بحنين .....
كعدت يمها وشوية دخل صافي جان لابس دشداشه بيضه بيها كركوشه من يم الركبه......
ضحكت وكتله......
ها صفاوي اليوم دشداشه .....
كالي وج حنون غير عريس .شتريديني البس ياعمري.....
وكعد يمي وشبكته لان مشتاقتله ماجان نايم يمنه ليلة البارحه واحنه تعودنه عليه ....
وراه دخلن نسوان يشمرن جكليت وحلويات ويهلهلهن ويصفكن وجانن من كرايب وفية
. وخواتي هم دخلن وصارت غرفه العروس هوسه ......
صار الغده والعشه وبعده بيتنه يغط ويبلع ناس طابه طالعه والزباله كثرت يارايحه ياراجعه اذب بهل زباله وارد ليوره خلصنه عشه وكعدنه كلنا البنات بغرفه صافي ووفيه مستحيه منا كوه تحجي.......
امي جانت جايبه كرزات حطيناهن وكعدنه نسلس ونسولف ونحش وناخذ غيبة بالنسوان الاجن للعرس....
عددنه انه واخواتي شريط العرس ببالنه وكعدنه بس انعيب ع هاي وذيج.....
واني ماخذني الواهس وياهم وجبتلك العالم كلها حش ....
اكول صدك افلانه مدري شلون حمرتها واضحك وافلانه لابسه كوستم وكتافيتها شكبرهن جنهن افلام كارتون مازنجر ......
....
.....
لهناك انتبه صافي كال ولج حنين اتعيبين ع افلانه وعلانه ماشفتي روحج شلابسه .....
تفشلت من وفيه جنت ماماخذه عليها وضلوا يضحكون عليه وعله لبسي .....
ضجت من شفتهم ضحكو نفضت حضني من الكشور مال الحب والكرزات..... وكمت...
صاح صافي ولج تعاي اشاقه وياج حنونه....
ما اهتميت حسيت دموعي نار توكع من خدي وصعدت فوك السطح ....وضجت حيل
....
....
جان صافي مستحيل يخليني ازعل لو السمه تنطبك .....
والله وره شوية....
صعد صافي وراي كال شبيج والله جاي اشاقه وياج .......لاتبجين الله عليج حنونتي الورده......
بالعكس ملابسج والله صدك حلوات واحلى شي ضحكني .....
من كال المطرب تحيه خاصه لحنين لعبتي لعب وكله شعر شعر شعر....
أنت تقرأ
زمن القلوب الحقيرة
Aventuraرحلة فتاة مع الفقر والالم واليتم .....تعيش حقبتين من الوجع ....تمر بضروف غريبة استثنائية .....قراءة ممتعه
