البارت الخامس ~
_
يوم جديد
* في بيت ام احمد
في المجلس تحديدا ماكان فيه احد الا شوق
وهي تكلم هلا بالجوال وتحكيها وش صار : بس ذا الي صار -وهي تتعدل بجلستها بحماس : بس والله انه حيوان كنت خايفه منه
هلا : ههههههههه وش فيه ذا لو انا مكانك ضربته
شوق : لا وش قوة العين ذي ببيتهم واضربه ههههههههه
هلا : المهم انتي بس انتبهي لا تحس بشيء عمتي هدى
شوق : لالا ما تدري , بس قسم بالله انه يجنن من قريب يا قلبيهه
هلا : هههههه خلاص لا تحركين مشاعري بس الله كريم
شوق : خير حقي ذا
هلا : لا سلامتك انا حبيته
شوق : الله اكبر ! هلا تحب احمد ؟ من متى ؟
هلا بدلع تبي تقهر شوق : من اليوم
شوق : اقول اذلفي بس الشرهه علي متصله عليك مع السلامه
هلا : هههههههه اخيرا الحمدلله كلامك كثير يختي
شوق : بعد! طيب ذا وجهي ان اتصلت مره ثانيه باي
هلا : باي
..
* في بيت ماجد
كانت عبير مشغوله بالمطبخ
جا ماجد وهو مستعجل ويعدل الكبك حقه بدون مايرفع عينه : عبير
التفتت وهي تتأمله من فوق لتحت كان شكله رزه بالثوب حقه وطوله الي مخلي له هيبه
عبير بصوت هادي : هلا حبيبي
رفع ماجد راسه واستغرب من كلمتها حس بشيء غريب بداخله سكت شوي : شفتي الشماغ حقي ؟
عبير : ايه - راحت عبير تجيب له الشماغ من الغرفه : تفضل
اخذه ماجد والتفت لاقرب مرايه وصار يعدل شماغه : انا طالع تبين شيء ؟
ماردت عليه عبير كانت تتأمله بأبتسامه خفيفه
التفت عليها : عبير
قربت منه عبير وهي تعدل ياقته : لا سلامتك مابي شيء
نزل عينه لها وهو يتأملها كانت قصيره بالنسبه لطوله
قربت منه اكثر وحضنته بهدوء
أنت تقرأ
حروفك سرقتني من بين الحضور اهيم بك دهرا ولا اكتفي
ChickLitلكل واحد منا في حياته قصة حب حب طفوله , حب مراهقه , حب حياته وكل واحد فينا صار وعاند قدره وحب شخص مو مكتوب له , نتعذب عشان الي نحبهم وفي الطرف الثاني ممكن مايدرون عننا نخبي في قلبنا حبهم وممكن اننا مانقولهم اننا نحبهم نراقبهم من بعيد لبعيد نتط...
