البارت الثلاثون ~
_
* في بيت انس
الساعه 1 صباحاً
نزلو هلا وشيماء للمطبخ عشان يجيبون شيبسات وحلويات لسهرتهم
شيماء كانت تجمع الحلويات وهي متحمسه
اما هلا ف جلست على الكرسي وهي تفكر بالحركه الي سوتها لاحمد قبل ساعات
هلا "مدري ليش سويت كذا! اصلا مدري وش صايرلي , ليش ابي احمد ؟ من بد كل الناس مالقيت الا احمد ؟
يعني جد لازم اوقف عند حدي ! بعدين الكلام الي قالته جمانه صح .. وش بيصير اذا عرفت شوق! انا مابي اخسرها
هي صديقتي وبنت عمي وبنفس الوقت اختي , وش الي سويته! افف لازم امسح رقم احمد ومعاد احتك فيه ..
وهذا الي بيصير اصلا ! خلاص احمد لشوق .. انا لازم اطلع من الموضوع!"
قاطعتها شيماء بمزح : الي ماخذ عقلك يتهنى فيه !
هلا : ههههههههه مين ياحسره
شيماء : ايه ماعلينا المهم دوري معي ترا ماعرف شيء بمطبخكم !
هلا : افتحي الدرج الي فوق مافيني اقوم
* بنفس الوقت
في المجلس عند احمد وانس
وكالعاده احمد مدمن البلايستيشن اذا مسكه مايحس باي شيء ..
انس : هي احمد عندك رصيد ؟
احمد وهو مو مركز معاه : مدري
انس : عندك ولالا ؟
احمد : اسكت ماعرف !
انس اخذ جوال احمد : بتصل على واحد من الشباب
احمد : طيب طيب
انس مسك جوال احمد وزي كل مره يمسك جواله لازم يفتش فيه
الوضع بالنسبه لاحمد كان عادي جدا ان انس يمسك ويفتش
بس من بعد ما اخذ رقم هلا عشان يكلم شوق , صار مايقدر يمسكه حتى ..
استغل انس الفرصه ومن لقافته فتح على الصور , الفيديو والاخير فتح على الرسايل
وهو يقلب بينهم لفته الاسم ! *هلا*
عقد انس حواجبه "احمد مايعرف وحده اسمها هلا ؟"
أنت تقرأ
حروفك سرقتني من بين الحضور اهيم بك دهرا ولا اكتفي
Chick-Litلكل واحد منا في حياته قصة حب حب طفوله , حب مراهقه , حب حياته وكل واحد فينا صار وعاند قدره وحب شخص مو مكتوب له , نتعذب عشان الي نحبهم وفي الطرف الثاني ممكن مايدرون عننا نخبي في قلبنا حبهم وممكن اننا مانقولهم اننا نحبهم نراقبهم من بعيد لبعيد نتط...
