البارت الرابع والثلاثون
_
* بسيارةة انس
الساعه 10 صباحاً
وهم رايحين على الجامعه طبعا كالعادهه لازم يمرون على شيماء
وياخذونها معاهم على طريقهم ..
وهم موقفين عند بيت شيماء تأخرت شوي لآنها لسا تتجهز
تأفف انس : اتصلي عليها ترا تأخرنا !
هلا : كلمتها قالت ما انتبهت للمنبه وتوها الي قامت
انس : يا ليل , كان مداني رحت وخلصت
هلا : اصبر 10 دقايق طيب مابتموت
انس تذكر الموضوع الي كان يفكر فيه من فترهه , وبنفس الوقت حس ان الوقت مناسب انه يسأل اخته !
انس بحماس : اقول هلا ! ليش شيماء رفضت احمد ؟ يعني وش السبب ؟
هلا : ماتفكر بالزواج الحين
انس : جد ؟
هلا : ايه وبعد تقول مسؤوليه وهي ماتبي , تعرف هي دايما تروح وتجي وماتحب احد يحكمها
انس : طيب زوجها بيخليها تروح وتجي وين المشكله
هلا باستغراب : طيب هي ماتبي , وش ناوي عليه انت ؟
انس : وش ناوي بعد مو ناوي شيء !
هلا : قول ترا اعرف افكارك انا
انس ماكان يبي يبين انه يحبها : يعني ! مين بيكون مناسب لها غير ولد عمها , ف كرما مني قاعد افكر اتقدم لها
هلا وهي رافعه حاجبه : اقولك من الحين هي مو موافقه
انس بعصبيه : وليش ان شاءالله !
هلا : ماتعرف يعني ؟
انس : ليش وش ناقصني الحمدلله كامل والكامل الله !
هلا : اقولك هي من الاخر ترا شيماء ماتطيق شوفتك ف لا تفشل نفسك وتتقدم لانها بترفضك
انس باستغراب : وش سويت لها انا !
هلا : اسلوبك مستفز والكل يقول
انس انقهر اكثر لان الكل دايم يقول له ان اسلوبه مستفز
انس : والله انا كذا عاد وش اسوي لها تحمد ربها فكرت اتقدم لها
هلا : لا تفكر طيب محد جبرك
انس كتف يدهه وهو معصب : بتقدم لها وان كان فيها خير ترفض
هلا : ههههههههههه بالقوهه يعني
انس التفت على هلا وهو مبتسم وكأن براسه مصيبه
انس : اقول , انتي تعرفين شيماء زين وتعرفينها اكثر من اي احد صح !
أنت تقرأ
حروفك سرقتني من بين الحضور اهيم بك دهرا ولا اكتفي
ChickLitلكل واحد منا في حياته قصة حب حب طفوله , حب مراهقه , حب حياته وكل واحد فينا صار وعاند قدره وحب شخص مو مكتوب له , نتعذب عشان الي نحبهم وفي الطرف الثاني ممكن مايدرون عننا نخبي في قلبنا حبهم وممكن اننا مانقولهم اننا نحبهم نراقبهم من بعيد لبعيد نتط...
