البارت الواحد والعشرين ~
_
* في مجلس الرجال
رجع احمد والابتسامه واضحه على ملامحه
وجلس جنب انس بدون مايتكلم بس كان ماسك جواله وهو فرحان , لانه اخيرا
بيقدر يتكلم مع شوق مره ثانيه
استغرب انس من تصرفات احمد ..
انس : احمد
احمد رد عليه وهو مبتسم : ها
انس : وش فيك
احمد حس على نفسه وعقد حواجبه بسرعه : مافيني شيء !
انس سكت باستغراب
احمد : ايه كمل وش كنت بتقول ؟
انس بارتباك : لا خلاص ولا شيء ..
احمد : طيب
انس "احمد يحبها , مابي اخرب بينهم!" التفت عليه : وش رحت تسوي ؟
احمد : لا ابد ولا شيء
انس : كلمت شوق ؟
ابتسم احمد لمن سمع اسمها : لا بس .. شفتها !
انس : يعني كلمتها ؟
احمد : شوي ما مداني
انس : احمد بسألك !
احمد : اسأل
انس : من متى وانتم مع بعض ؟ يعني قصدي هي تحبك بعد ؟
احمد باستغراب : مدري ..
انس : ماتدري ؟
احمد : كنا دايما نسولف مع بعض ! مع ان نصها مهاوشات بس كانت دايم تبتسم لمن تكون معاي .. احب شخصيتها وعاندها ! بس مدري اذا كانت هي بعد تحبني؟
انس "هذي اول مره يتكلم عن بنت زي كذا , مشاعره صادقه؟ بس هو لسا مايعرف اذا كانت تحبه او مجرد تسليه!" : احمد انا ..
احمد بعفويه : ايهه
انس حس انه لازم يقول , وبارتباك : اليوم بالكوفي !! - وقبل مايكمل كلامه قاطعه صوت الرجال وهم يتعازمون على الغداء
احمد : تعال نتغدى وكمل سالفتك هناك
انس : احمد اسمع !!
احمد وقبل مايرد على انس التفت عليه عمه بعفويه : احمد !! كيف الجامعه معاك ؟
احمد ابتسم له : الله يصبرني عليها بس !
أنت تقرأ
حروفك سرقتني من بين الحضور اهيم بك دهرا ولا اكتفي
ChickLitلكل واحد منا في حياته قصة حب حب طفوله , حب مراهقه , حب حياته وكل واحد فينا صار وعاند قدره وحب شخص مو مكتوب له , نتعذب عشان الي نحبهم وفي الطرف الثاني ممكن مايدرون عننا نخبي في قلبنا حبهم وممكن اننا مانقولهم اننا نحبهم نراقبهم من بعيد لبعيد نتط...
