البارت الثاني والثلاثون
_
* عند المستشفى
الساعه 8 مساءاً
بعد ما اخذها حسام بسيارته بسرعه على المستشفى
نزل حسام وهو ماسك اخته ويمشي معاها للمستشفى
وهو ماسكها طلع الجوال من جيبه بتوتر
انتبهت له نوره وهي تتألم واول شيء جا على بالها هو ماجد ؟
نوره بصوت واطي : لا تحكي لماجد شيء !
حسام باستغراب : كيف ! ولادتك هلأ ومابدك احكيلو ؟
نوره ماردت عليه مسكت بطنها وهي تتألم اكثر
دخلو بسرعه للمستشفى ونقلوها الممرضات لاقرب غرفة عمليات
* وفي نفس الوقت
ونفس المكان , قسم النساء والولاده تحديداً
كانت عبير تمشي لمكتبها وهي فرحانه ان دوامها خلص
راحت تاخذ اشيائها وتطلع
وهي ماشيه جات عندها ممرضه وهي تناديها
الممرضه : دكتوره عبير !
عبير : ايه ؟
الممرضه : عندنا حالة ولادة ومافي دكتوره فاضيه غيرك ! تعالي بسرعه الحرمه على وشك الولاده
عبير وهي تتأفف : طيب دوامي خلص !
الممرضه : حرام عليك بتولد انتي الوحيده الفاضيه الدكتورات كلهم مشغولين
تنهدت عبير وراحت بسرعه ورا الممرضه لغرفة العمليات
ولمن دخلت على الغرفه تفاجأت ان نورهه هي الي على السرير ..
فرحت عبير لسبب حتى هي ماتعرفه
جات عندها وابتسمت لها : لا تخافين ان شاءالله ولادتك سهله
كانت نوره مغمضه عيونها واول ماسمعت صوت عبير فتحت عيونها وهي عاقده حواجبها
كانت كل الي تفكر فيه هو ان حسام بيتصل على ماجد , وماجد بيجي ! وبنفس الوقت بتشوفهه عبير ؟
مع انها كانت بحالة ولاده والم الا انها فكرت بماجد ..
بس ماقدرت تسوي شيء لان الالم كل ماله يزيد ..
* وبرا غرفة العمليات
أنت تقرأ
حروفك سرقتني من بين الحضور اهيم بك دهرا ولا اكتفي
ChickLitلكل واحد منا في حياته قصة حب حب طفوله , حب مراهقه , حب حياته وكل واحد فينا صار وعاند قدره وحب شخص مو مكتوب له , نتعذب عشان الي نحبهم وفي الطرف الثاني ممكن مايدرون عننا نخبي في قلبنا حبهم وممكن اننا مانقولهم اننا نحبهم نراقبهم من بعيد لبعيد نتط...
