البارت العاشر ~
_
* في الجامعه
كانو شوق وهلا يمشون للقاعه وفي نفس الوقت شوق تحكي هلا كل شيء صار
شوق بحماس : تخيلي ذا الي صار ! افف فشله احسني ماقدر اشوفه مره ثانيه
هلا بحزن : يا قلبي على احمد والله صدق حبيته حنون
شوق : ايه يازينه والله
هلا : افف ليت عندي احد احبه ويسويلي زي كذا
شوق : هههههههههههه وش الي جاك مو كنتي تكرهين العيال وتقولين ان كلهم كذابين ؟
هلا : ايه هو اصلا كلهم كذابين بس مايمنع اني ابي احس بذا الاحساس
شوق وهي تعاند هلا : حضنني حضني حضني ! ماعندك احد يخاف عليك هههههههههه
هلا بعصبيه : انقلعي عن وجهي انتي الثانيه
شوق : بس والله جد حبيته اكثر , تهقين يحبني
هلا : لا مايحبك
شوق بحزن : ليش !
هلا : مدري ما مداه يحبك صدق لسا لكم يومين مع بعض
شوق : ايه صح .. المهم يلا وصلنا هذي هي القاعه
..
* في بيت ليلى
الساعه 1 الظهر
فيصل كان عنده يوم اجازهه لآنه رجع من المؤتمر في بريطانيا امس
كان نايم لين ذا الوقت , ليلى طبعا قامت وراحت طلعت كل ملابس فيصل من الشنطه
عشان تنظفهم , وهي تقلب بين الملابس جات يدها على قميص فيصل الابيض
مسكته وقربته لها وابتسمت , ريحة عطر فيصل الرجالي لسا موجوده
كان هدية من ليلى , مسكت القميص وحطته على جنب بس لفتها اللون الاحمر
الي كان على ياقةة القميص , عقدت ليلى حواجبها باستغراب ومسكت القميص وصارت تتفحصه بتركيز
"روج ؟ لا يكون ؟" بدت دقات قلب ليلى تزداد من خوفها
بس قاطع تفكيرها صوت فيصل الهادئ وهو مبتسم : انتي هنا ؟
ارتبكت ليلى ودخلت القميص بين الملابس لا ارادي ووقفت , وبصوت مرتبك : ايه كنت ابي اغسل الملابس
أنت تقرأ
حروفك سرقتني من بين الحضور اهيم بك دهرا ولا اكتفي
Literatura Femininaلكل واحد منا في حياته قصة حب حب طفوله , حب مراهقه , حب حياته وكل واحد فينا صار وعاند قدره وحب شخص مو مكتوب له , نتعذب عشان الي نحبهم وفي الطرف الثاني ممكن مايدرون عننا نخبي في قلبنا حبهم وممكن اننا مانقولهم اننا نحبهم نراقبهم من بعيد لبعيد نتط...
