البارت السادس والعشرون ~
_
* في الجامعه
عند اسيل تحديداً
دخلت اسيل للقاعه وهي متأخره كعادتها
بس الكل كان يطالع فيها الي يتكلم والي يضحك
والبعض يعطيها نظرات استحقار ..
تنهدت اسيل لانها كانت عارفه ان هذا الي بيصير ,
رفعت راسها وكملت مشي بدون ماتعطي احد وجه !
وهي تمشي كانت تسمع كلام البنات ..
.. : شوفيها هذي الي الدكتور فهد يحبها !
.. : اما هذي ! لا مو من جدهه الدكتور
.. : هه شوفي كيف شكلها اصلا باين عليها انها هبله
.. : تلاقينه يلعب عليها بس !
.. : صح يمكن ليش لا ! ويمكن هي سهله عشان كذا فكر فيها
.. : لالالا على قد ما دكتورنا حلو ومرتب ماعرف يختار زين !
.. : هههههههههههههههههه لو انها اخر بنت بالدنيا مافكرت احبها ! هذا لو كنت مكانه يعني
جلست اسيل مكانها وكانو جنبها مجموعة بنات
يطالعون فيها ويتهامسون , كانت عارفه ان كل كلامهم عليها ! بس مطنشه
وفي نص المحاضره رن جوال اسيل ..
استغربت لانه من فهد , "وش عنده متصل !"
بس اول ما التفتت على البنات سمعتهم وهم يتكلمون لسا
.. : اكيد حبيبها خايف عليها !
.. : افف ياحظها
.. : وش فيكم يمكن مو دكتور فهد !
ابتسمت اسيل بسخريه من كلامهم ومن تفكيرهم , بس ما اهتمت وردت ورفعت صوتها شوي عشان يسمعون !
اسيل بدلع : ايه دكتور فهد
فهد باستغراب : اسيل ؟
اسيل : ايه امر بغيت شيء ؟
فهد سكت شوي وهو مستغرب من اسلوبها : فيك شيء اسيل ؟
اسيل : لا سلامتك الحمدلله بخير ..
فهد : اذا كنتي ملخبطه .. انا فهد !
اسيل : ايه ادري
فهد : طيب ! بس اتصلت عشان كنت ابي اسألك .. اقدر اشوفك اليوم ؟
أنت تقرأ
حروفك سرقتني من بين الحضور اهيم بك دهرا ولا اكتفي
ChickLitلكل واحد منا في حياته قصة حب حب طفوله , حب مراهقه , حب حياته وكل واحد فينا صار وعاند قدره وحب شخص مو مكتوب له , نتعذب عشان الي نحبهم وفي الطرف الثاني ممكن مايدرون عننا نخبي في قلبنا حبهم وممكن اننا مانقولهم اننا نحبهم نراقبهم من بعيد لبعيد نتط...
