حروفك سرقتني من بين الحضور اهيم بك دهرا ولا اكتفي

جزء 27

البارت السابع والعشرون ~

_

* في نفس اليوم
الساعه 5 مساءاً
في بيت هلا

بعد ما سمعت الخبر من جمانه

كان كل تفكيرها هو باحمد ..

فتحت جوالها ودخلت على محادثة احمد

الي كانت بينها وبينه اخر مره , وصارت تقراها مره ومرتين

كانت تبي تكلمه بس ماتعرف وش تقوله بالضبط !

ف حبت انها تجيه بطريقة مزح .. عشان مايحس بشيء وكلمته!

هلا (احمد!)

احمد (مين؟)

هلا (هلا)

احمد (ايه هلا وش بغيتي)

هلا (مبرووكك اخيرا خطبت!)

احمد استغرب من انها عارفه (مين قالك ؟)

هلا (مو مهم مين قالي , الزبده متى الخطبه؟)

احمد (شوق تدري؟)

سكتت هلا وهي كانت تتأمل بكلامه , او بالاصح انه ماكان يبي شوق تعرف "خايف عليها تزعل يعني؟"

كانت هلا مقهوره بس كملت كلام (لا ..)

احمد (لا تقولين لها !)

هلا (ليش؟)

احمد (من بعد الشوفه انا بدور اي عذر عشان مايصير شيء ف ماله داعي تعرف)

هلا (وش فيها اذا عرفت ؟)

احمد (بتزعل!)

هلا (ليش تزعل يعني ؟ مابينكم شيء..)

احمد كان كل همه ان شوق ماتعرف "مع ان الي قالته هلا ممكن يكون صح ؟ انا لسا ما اعترفت لها ولا هي اعترفت لي !

بس تصرفاتي ماتكفي ؟ وكلامي معاها مايكفي ؟" مع هذا ما اهتم احمد لكلام هلا

بس بنفس الوقت ماعرف وش يرد عليها بالضبط , ف سكت ..

وفي نفس الوقت دق جرس بيت هلا

ارتبكت لانها عارفه ان شوق الي عند الباب

حذفت كل المحادثات بسرعه من جوالها وراحت وفتحت لها الباب

وقعدو بالمجلس يسولفون

فجأه هلا تذكرت كلام احمد , وما اهتمت له لما ماكان يبي شوق تعرف ..