البارت الحادي عشر ~
_
* في السياره
عند الاشاره
مرو مجموعة شباب على الدبابات حقتهم وكانت اشكالهم ملفته لانهم كثيرين
شوق بعفويه قربت قدام وصارت بين هلا واحمد عشان تبي تشوف اشكالهم , بحماس : الللههه يجننون
التفتو هلا واحمد على شوق باستغراب , هلا "وش فيها ذي مجنونه تقول ذا الكلام قدام احمد؟"
احمد رفع حاجبه : تعدلي بجلستك بس لا يشوفونك
شوق ابدا مو معطيه احمد وجه ولسا تطالع فيهم من جهة هلا : هلا شوفي الي لابس الخوذه باين عليه كشخه
احمد انقهر لانها طنشته وبعصبيه : قلتلك تعدلي بجلستك يا شوق !
التفتت عليه شوق بلا مبالاه , كانو قريبين من بعض اكثر من اي وقت ثاني
توسعت عيون احمد من قربه الكبير لشوق لكنه ماقال اي شيء ولا شال عينه عنها ولسا معصب
شوق "يمهه ! قريبه منه مره ثانيه ! افف وش فيني" بس مابينت انها مستحيه ورفعت حاجبها ورجعت مكانها وهي تتأفف
هلا طالعت فيهم باستغراب "شوق لالا مو صاحيه"
مسك احمد الدركسون ومشى بسرعه ومبين على ملامحه انه معصب من تصرفات شوق
هلا مسكت جوالها وصارت تكلم شوق ب البلاك بيري (ههههههههههههههههه ياحيوانه لو تشوفين كيف وجهه صار)
شوق (تراه رافع لي ضغطي وش يبي)
هلا (حرام عليك والله هههههههههههههههه)
شوق (وش الي حرام علي وش سويت له انا)
هلا (مدري عنه بس مره معصب ترا وفوق ذا مسرع ! ترا انا خايفه نصدم والسبب انتي هههههههههههههه)
شوق (ههههههههههههههه , بتصرف معاه بعدين)
..
* فيصل كان يسوق سيارته
بس وين ؟ حتى هو مايعرف
كان حاس بتأنيب ضمير وكل شوي يتكرر صوت ليلى بباله
"مابي اسمع منك ولا شيء كل شيء واضح وش تبي تبرر اكثر ؟ تبي تكمل كذباتك ؟"
فيصل وهو يضرب الدركسون بعصبيه "انا ليش سويت كذا ! هي ماتستاهل الي سويته!"
أنت تقرأ
حروفك سرقتني من بين الحضور اهيم بك دهرا ولا اكتفي
ChickLitلكل واحد منا في حياته قصة حب حب طفوله , حب مراهقه , حب حياته وكل واحد فينا صار وعاند قدره وحب شخص مو مكتوب له , نتعذب عشان الي نحبهم وفي الطرف الثاني ممكن مايدرون عننا نخبي في قلبنا حبهم وممكن اننا مانقولهم اننا نحبهم نراقبهم من بعيد لبعيد نتط...
