حروفك سرقتني من بين الحضور اهيم بك دهرا ولا اكتفي

جزء 16

البارت السادس عشر ~

_

* في بيت ام شوق
الساعه 9 مساءاً

طلعت اسيل لغرفتها عشان تطلع ملابسها من الشنطه

بس استغربت من شنطتها كانت خفيفه جدا

فتحت اسيل الشنطه بس استغربت اكثر من الاشياء الي جوتها

كان فيها اللبس حق الدكاتره واللاب كوت ومجموعة ملفات واوراق

والباقي كله عباره عن ملابس رجاليه باين عليها ماركه

خافت اسيل لان معاها شنطه مو شنطتها

بس على طول اتذكرت الرجال الي مسك شنطتها "لا يكون هو نفسه الي اخذ شنطتي! اغراضه كلها عندي اكيد يحتاجها"

فتحت اسيل الملفات والاوراق وشافت اسمه "فهد عبدالله الـ.. , دكتور اسنان"

حاولت اسيل تطلع اي شيء تقدر تتواصل فيه مع فهد بس ما لقت

تركت اسيل كل شيء بس تذكرت على طول الدفتر الاسود حقها -شهقت "يووهه اكيد بيقرا كل شيء عني! في كل فضايحي"

راحت اسيل بسرعه عشان تحكي شوق

..

* في نفس الوقت
في بيت فهد

جلس فهد على الكنبه وفتح التلفزيون البلازما الي بغرفته

وحط كوب الكافي على الطاوله قدامه وهو ماسك الدفتر الاسود حق اسيل

ويتفرج بالصور الموجوده "هذي قد شفتها قبل كذا! لا يكون هي نفسها الي كانت تبكي بالمطار ذاك اليوم؟"

وهو يقلب بالصفحات لفتته كلمه بالخط العريض (كلهم كذابين)

عقد فهد حواجبه وكمل قراءه ( الى الان مالقيت اي رجل صادق في حبه لبنت ,

هم كذا , بتصرفاتهم وبعاداتهم الطفوليه .. مافي ولا واحد فيهم صادق.

اي وحده من صديقاتي تحكيني عن شخص تحبه اقول في قلبي ان نهاية هذا الحب هو قلب محطم لا غير !

ليش احب من البدايه؟ وش بستفيد منه بعد مايعطيني ظهره ويروح؟ وش بيكون عذره؟

انا اسف ما اقدر اكمل معاك ؟ ولا انتي ما تناسبيني .. يحبونك في البدايه مو لانهم يبون يكملون معاك للنهايه