غرام وانتقام ( الجزء الاول )

البارت الثاني عشر

     
فاديه تتصل مره اخرى لكن دون جدوى تنظر الى اب ازل قائله : شو ميجاوب جهازه مغلق
اب ازل : هو زوجج لو زوجي
تذهب نحوه بكل عصبيه صارخه قائله : احجي اسويت لعادل
تصعد ازل الى الغرفة لترى لماذا تاخرت فاديه لتصادفها صوت فاديه العالي
ازل : هاي شكو صاير
فاديه ( باكيه ) : عادل اتصل عليه جهازه مغلق
اب ازل : اهدئي هسه يجي ماكو شي
فاديه ( صارخه ) : انته معليك لاتدخل اذا طلع صاير بي شي انته السبب وموتك على على ايدي اتصير
ازل : شنو هلحجي فاديه ليش تحجين هيج وي بابا
فاديه : هذا ابوج الي معتبرته ملاك واحد قاتل وبسبب امج ماتت جذب ما ماتت بمرضها انقتلت
ازل : بابا صدك هلحجي
اب ازل : لا بنتي فاديه فقدت اعصابها بس
يرن هاتف فاديه ... تجيب
فاديه : الو ، نعم اني ، شنووو؟ لا ماصدك اكيد تشاقه ( تضحك بهستريه )
ازل : شبيج فاديه ؟
فاديه ( تضحك ) : عادل ( تضحك وبعدها تبكي ثم يغمى عليها )
تسرع ازل ليقاضها قائله : فاديه فاديه
اب ازل : اروح اصيح توفيق وناخذها لمستشفى

( في السوق )
سجاد اصبح مسئول عن عمله فقد ترك البيع وجلس في المحل فقد قام ابو زيدون بترقيته واموره المادية اصبحت جيده والحياة بدات تضحك له اخيرا
سجاد ( مخاطب ابو زيدون ) : عمي اني  خلصت شغلي هنا وجمعتلك الحسابات كلهن راح اروح لزبونه اوديلها الاغراض
ابو زيدون : خلي واحد يودلهيا ليش انته
سجاد : مو متعوده عليه وبعدين متقبل احد يجيبلها غيري
ابو زيدون : ماشي عمي على راحتك بس لا تتاخر لان ارد اروح للبيت
سجاد : حاضر عمي

( في المشفى )
تستيقظ فاديه وهي تنطق باسم عادل قائله : عادل عادل
ازل تجلس بجانبها : اهدي فاديه
فاديه : اشلون اهدء عادل مات اريد اشوفه
ازل : بابا ديسئل مكان المستشفى بس يحصل خبر نروح
فاديه : بعد سنين يرجعلي وبيوم عرسنه هم يروح ويختفي وهلمره بلا رجعه اووووف قلبي ( تبكي )
ازل ( تقبلها من راسها وتبكي )
فاديه : ابوج هو السبب وهو ورا موته
ازل : اي بابا شعلي ليش تتهمي
فاديه : ابوج ماقبل وعادل راحله لشركه وهدده
ازل : بابا ميسوي هيج وبعدين هو مات بعبوه ناسفه جوه سيارته يعني ناس ارهابيين وهو مسئول بحزب يعني شغله احزاب هاي
فاديه : ولج والله ابوج هذا ماتعرفي لشوفين تعامله وياج حلو لان انتي بنته اما وي غير ناس شخص ظالم وميرحم
ازل تنهض من مكانها متعصبه قائله : فاديه رجاءا لا تحجين على بابا هيج حجي افتهمتي
فاديه ( باكيه ) : حتى انتي مصدكين بيه
ازل : اشلون اصدك بيج وانتي تحجين على بابا بسوء وبعدين شنو تكولين امج ماتت من ورا وماما مات بمرض خبيث وكلنه ندري بي
فاديه : هي صح مريضه جانت وبدات تتعالج وحالتها بدت اصير زينه بس اكتشفت ابوج نايم وي وحده ومن شافتهم شردت واتصلت بيه قبل متموت وكلتلي والي قتلها مجموعه لصوص بلندن اخذو جنطتها ومن قاومت قتلوها وشردو
ازل ( منصدمه ): بس كافي مااتحمل هيج حجي ولا اريد اصدك
فاديه : اي لان هاي الحقيقة المره الي ضاميه عليج اني وابوج
ازل ( صارخه ): فاديه كافي انتي اكيد صار بعقلج شي
وتخرج خارج الغرفة تاركه فاديه وحدها