غرام وانتقام ( الجزء الاول )

البارت الخامس عشر

     
( في السوق )
تاتي ازل الى محل سجاد برفقه توفيق يستقبلهما سجاد
ازل : بيها الخير استاذ سجاد وان شاءالله مرزوق
توفيق : بيه الخير سجاد شايف كل الخير
سجاد : شكرا خير الي يصيبكم
ازل : هاي خالتي هنا اشلونج خاله ( تذهب لتقبيلها )
ام سجاد : هله بيج بنتي اتفضلي استريحي
ازل : لا والله راحين جيت اشوف المحل وارجع للبيت
سجاد : وين رايحه ضلي شويه وروحي
ازل : اوك ، تعال توفيق اكعد
توفيق : لا اروح اجيب مخضر لعد
ازل : اوك على راحتك
الثلاثه يجلسون الام والابن والحبيبه يتبادلون الحديث والضحك وتلك النظرات المتبادلة المفعمه بالحب
سجاد يهمس باذن ازل قائلا : مشتاقلج ترا
ازل تبادله الهمس قائله : اني اكثر ترا
سجاد يهمس قائلا : اكو مخزن صغير صاير وراي جايب بي عطور خاصه تكومين اشوفيهن
الام : اذا عندكم موضوع مهم اكوم اني واخذو راحتكم
ازل : لا خاله هيج ماكو شي اسفه
سجاد  قائلا : دائما نبع الحنان ادمر اللحظات السعيده
الام : والله ياابني اتمنى اشوفكم مجمعين اليوم قبل باجر وهم منها اصيرعندي بنت مااعتبرها جنه
ازل : الله كريم خاله مابقه شي ان شاءالله كلها شهرين وتبدي الامتحانات النهائيه ونتخرج
الام : بس اني عندي شطر اذا زوجتي سجاد
سجاد : يمه مو وكت شروط هسه
ازل : لا خاله كولي اسمعج
الام : ماريدلج تكولين خاله كولي يمه ماما
ازل : حاضر يااهل ام بدنيا ( وتقوم بتقبيلها من راسها )
لحظات جميله ومشاعر قويه عاشوها هذا اليوم والنغم والفهم المتبادل بينهم

( الناس البسطاء يعطوك الاهتمام والحب والحنان وحتى في بعض الأحيان اراوحهم لانهم أصحاب تضحيه بمجرد ان تتقرب منهم يحتووك لو كنت وحيدا يشعروك بالجو العائلي يعتبروك فردا منهم وكل هذا سببه الحب )

( في الجامعة )
( احتفاليه  التخرج )
اصوات صخب واغاني ورقص والكل فرح وهناك ازياء تنكريه فاسجاد متنكر بزي باباي وازل بزي زيتونه والتقاط صور تذكاريه في هذا اللحظة السعيده والجميله
سجاد يتحدث مع ازل قائلا : ها يزيتونه قلبي اني بعد مااتحمل اشوف كل هلجمال بدون ماسوي شي
ازل : باباي اكعد راحه منا الناس لا ننفضح
سجاد : غير يجي اليوم العظيم يوم فتح الاندلس ( يقصد قله الادب)
ازل : يا كافي
سجاد يترك ازل ويصعد على المنصة وياخذ الميكرفون
سجاد : شباب بنات بس اشويه هدوء ارد القي مجموعه كلمات على مسامعكم الكريمه
تبدا موجه من الصفير والتصفيق الحار
سجاد : كضينه اربع سنوات بحلوتها وبمرتها ضحكنه سوا وبجينه سوا وجتي ناس وراحت ناس وهاي سنه الحياة ولازم نتماشى وياها الي اريد اكوله كل شخص اخذ مكسب من دخوله الى الجامعة اني اخذت العلم ومجموعة من الاصدقاء والاهم كله انو لكيت نصف روحي الي يشاركني فرحتي وهمومي والي احبها هواي هواي هواي واعتبرها سلطانه على عرش قلبي بوجودها عرفت معنى الحب وشنو معنى ان تهتم بشخص وتخاف عليه مثل خوفك على ابنك فيااا ازل ( يشير بيده لها ) كدام هاي الناس كلها اني احبج
تصفيق حار وصفير ازل تضع يدها على وجها من الخجل
وطلاب يرددون بجمله ( حبها ولك حبها ولا تخاف من امها )
ينزل سجاد من المنصه ويذهب الى ازل ليبعد يدها عن وجهها ليرى تلك الدموع وتقوم باحتضانه ويقبلها من راسها وسط صيحات الطلاب

( الحب يحتاج الى الجنون لا يحتاج الى شخص عاقل فاحب الشخص العاقل يكون في اغلب الأحيان بارد اما المجنون فيصنع اشياء جنونيه تثير الحبيب وتجعله يتمسك به ، احبوا بجنون واتركوا العقل خارج الامر )

( بعد انقضاء فترة الامتحانات النهائية )
( يوم النتائج )
سجاد وازل ينتظران بفارغ الصبر النتيجه لان مستقبلهما وحياتهما تعتمد عليها
ازل : خايفه
سجاد : اني خايف لا تخوفين اكثر وشكو دترجفين
ازل : وانته شبيك متوتر لعد
سجاد : منتظر ابو الفرن شوكت يطلع الصمون غير منتظر النتيجه مثلج
ياتي احد الموظفين قائلا : شباب بنات اول شي اتمنالكم الموفقيه وثانيا من دخلون على كيفكم بسره
سجاد : يالله واخيرا تعاي اوكفي كدامي حتى نطب سوا
تقف ازل امامه حتى دخلا معا الى الاداره القسم وكل منهما مرتبك وخائف
الاستاذ : سجاد وازل للاسف ( ويهز براسه )
سجاد : لا استاذ لاتكوله بس لا مكملين
الاستاذ : للاسف ناجحين مبروك
ازل : اوووهف خرعتني بس ليش للاسف استاذ
الاستاذ : انتوا جنتوا طلاب مجتهدين وازل انتي اولى على الدفعه وسجاد الثاني يعني بامكانكم تكملون دراسات حكومي اذا تحبون تعالوا اسبوع القادم قدموا
سجاد : زين تعين اكو ؟
الاستاذ : لا بس الاول تعين
ازل : ايصير اتنازل عن تعيني لسجاد
الاستاذ : بهاي مااعرف لازم اتراجعون الوزارة
سجاد : ماشي استاذ شكرا
بعد خروجهما يجلسان في احد اماكن الكليه
سجاد : واخيرا اتخرجنه وخلصنه واجه الوقت الي نجتمع بي والى الابد
ازل : اي واني باجر اروح للوازه استفسر عن التعين حتى اتنازل الك
سجاد : لا ميحتاج
ازل : ليش يفيدك
سجاد : اني عندي محل وشغله ماشي يعني الشهر اطلعلي ٧٠٠ الف الى ٨٠٠ الف الوظيفة التزام ومحلي يبقى فارغ قابل
ازل : اي مثل متريد ، واني ارد افاتحك بموضوع هم
سجاد : شنو ؟
ازل : اليوم راح افاتح ابويه بموضوعي اني وياك يعني تجي تخطبني
سجاد ( فرحا ) : صدك تحجين
ازل : اي صدك اريد ننجمع كافي بعيد عليه
سجاد : ننجمع ننجمع ان شاءالله

( بيت ازل )
ازل بعد ان تكلمت مع ابيها حول سجاد
اب ازل : هو هذا مو نفسه الولد الي قبل ثلاث سنوات كلتي عنه مجرد صديق
ازل : اي بس بعدين يعني علاقتنه اطورت وهو ولد حباب وشاطر بشغله وكدر يفتح محل مواد تجميل وعطور
اب ازل : اهااا يكدر يعيشج نفس هاي العيشه لو لا
ازل : بابا انته مو تريدني سعيده ومرتاحه بحياتي
اب ازل : اي غب يتمنه لابنته هيج
ازل : لذلك اني مرتاحه وي سجاد وراح يعاملني احسن معامله لان احبه ويحبني بشكل متصوره
اب ازل : يعني اكثر مني
ازل : لا طبعا اناه حبك اليه فوق الجميع ، هسه شكلت بابا ؟
اب ازل : خلص اذا انتي مقتنعه بي وراح تكونين سعيده ويا فااني موافق بس بشرط
ازل : وهو ؟
اب ازل : تكعدون يمي اهنا بلبيت
ازل : سجاد مراح يقبل مو من النوع الي يوافق على هيج طلب لان هو انسان عصامي وعده عزه نفس يعني عزه نفسها فوق كلشي لذلك بابا رجاءا لا تخلي عائق بحياتنه وبعدين اني راح اشتغل وياك بشركه يعني يمك ماراح اروح بعيد
اب ازل : ماشي بنتي مثل متريدين
ازل : وشوكت يجي يعني يتقدملي
اب ازل : خلي يجي عكب باجر
ازل تنهض وتقبل ابيها من راسه وتحضنه قائله : الله يخليك اليه يااحلى اب بدنيا كلها

( في السوق )
ازل تتصل بسجاد تخبره بقبول والدها
سجاد : صدك تحجين ازل يعني وافق
ازل : اي وافق وعكب باجر كال خلي يجي للبيت
سجاد : الف حمد وشكر الك يارب ، اروح اشتري صينيه بقلاوه ووازعها على الناس
فرح سجاد كثيرا والارض لا تتحمله من كثره الفرحه فا هاهو يحمل صينيه البقلاوه وويوزعها على الماره بل حتى قام ببيع بضاعته بنص سعرها واخير سيجتمع مع محبوبته بعد طول عناء وتعب وتفكير واخيرا سيحقق احلامه وطموحاته فوجودها بجانبه ستقويه وتجعله رجلا عظيما

( بيت سجاد )
يعود الى بيته ويخبر والدته فتقوم بلاهلاهل
الام : ربي يتمم على خير وليدي
( يدق الباب )
يخرج لفتح الباب فاذا بها ندى تاتي وحامله طفلها بيدها
سجاد : ندى ؟
ندى : اشلونك خويه سجاد شخبارك
سجاد : ااا الحمدلله بخير
ندى : خالتي موجوده ؟
سجاد : اي موجوده اتفضلي
تدخل ندى الى البيت
الام : هاي منو جتي نداوي بنتي تعاي يعمري ( تقوم باحتضانها وتقبيلها )
ندى : خاله شنو هل هلاهل سجاد اتخرج
الام : اي يمه تخرج وعكب باجر راح يخطب
ندى : اهااا الف مبروك خويه سجاد تستاهل كل الخير
الام : هذا ابنج شسميتي
ندى : سجاد
سجاد : نعم ندى
ندى : لا اسم ابني سجاد
الام تنظر الى سجاد وسجاد ينظر الى امه
سجاد : عاشت الاسامي

( الي ما يحصل على النصيب يسمي ابنه على اسم الحبيب )

( بعد مرور يومين )
( موعد الخطبه )
سجاد جالس في البيت وغالق محله وهاتفه المحمول
الام : متكوم اتغير ملابسك حتى نروح للناس حتى منتاخر عليهم فشله
سجاد : يمه ماكو خطبه
الام : ليش ابني صار
سجاد : ماصار شي بس اني ماريدها بعد بطلت عليها
الام : سجاد صاير كلي الناس انطيناهم كلمه
سجاد ( صارخا بوجه والدته ) قائلا : كتلج ماكو شي ولا تلحين زايد اني طالع وماارجع لليل
سجاد لاول مره يرفع صوته على والدته امه تجلس على الاريكه باكيه لانه المره الاولى التي يرفع صوتها عليها
يخرج سجاد خارج البيت موصد الباب بقوه وامه تتسائل مالذي حصل مع ابنها 
في المساء يعود سجاد الى البيت ليرى ازل جالسه مع والدته
سجاد : ازل شجابج هنا بهليل
ازل : هو هذا الي هامك شجابني بهليل ليش ماجيت ليش فشلتني وي بابا ليش غالق جهازك جاوبني
سجاد : اني ماريدج
ازل : شنو ماسمعت
سجاد : اني بطلت ما اريدج
ازل ( تضحك ) : متريدني وليش متريدني
سجاد : فكرت هواي واكتشفت ان انتي متناسبيني
ازل ( متعصبه) : والي عشنا سوا اني وياك وقصه حبنا وكلامك اتجاهي كدام كل الطلاب الي بلكليه واني احبج ازل هسه صرت ماناسبك
سجاد : اي متناسبيني جنت متسرع بعلاقتي وياج
ازل تقترب منه قائله : سجاد هذا حجيك ماصدكه باوع بعيني وكلي ليش ماجيت
سجاد ينظر الى عينيها المغرقه بلدموع : كتلج متناسبيني واني كل هاي الفتره جنت العب عليج
ازل ( تضحك بهستريا ) : تلعب عليه اني اليوم مااطلع منا لمن تكلي السبب الحقيقي انته تحبني ومتاكده من هذا الشي وانته مو من النوع الي يلعب على بنات الناس ترى فاهمتك اني مو صحيح خاله
ام سجاد : صحيح بنتي
ازل ( تضرب سجاد على صدره ) قائله : احجي الصدك ليش ماجيت
سجاد ( متعصبا) : للمره المليون اكول انتي متناسبيني وبعدين شنو لزكه انتي واحد ميريدج ولزكه بي شكو يعني ماكو بنات انضحك عليهن باسم الحب وانتي انضحك عليج باسم الحب يعني شغله عاديه اخذيها براحه صدر وبعدين ما ازوج وحده عشت وياها قصه حب وغزل وبوس واحضان باجر اسويها وي غيري
ازل تقوم بضرب سجاد ( كف ) صارخه : انجب ولا تتجاوز على شرفي وانته تعرفني كلش زين اني شنو
سجاد : اي اعرف جنه نتباوس بنهايه الدوام
ام سجاد : كافي ولك شنو هالحجي اني هيج ربيتك
سجاد : هاي الحقيقة يمه لذلك انتي متناسبيني
ازل : اوك مراح ادعي عليك ولا راح ازعل منك تدري ليش لان انته انسان ضعيف ورخيص طلعت للاسف جنت مخدوعه بيك ومااريد بيوم القيامة نتواجه لان ماريد اشوف شكلك اصلا
ثم تقوم بالبصق على وجه سجاد وتغادر البيت

( بيت ازل )
تعود ازل الى البيت باكيه ثم ترمي بنفسها في حضن والدها قائله : طلع يجذب عليه ميحبني بابا ماسويتله شي ليش هيج اذاني
اب ازل : اني اخذ حقج منه
ازل : لا لا بابا كلشي لاسويله حباب خلي خلص اني مسامحته تجربه عشت وخلصت اوعدني بابا متتقرب يمه
اب ازل : حاضر بنتي بس اسكتي ولا تكطعين قلبي عليج

( بيت ازل )
ام سجاد : سجاد
سجاد : ها يمه
الام : كوم اطلع برا بيتي
سجاد : وين اروح بهليل
الام : مااعرف المهم ماطب لهذا البيت بعد اطلع برا مااريد اشوف وجهك لا انتي ابني ولا اني امك ومن هليله اني ماعندي ابن لو مخلفتلي جلب هم احسن منك
سجاد : يمه ليش تحجين هيج
ام سجاد : كتلك اطلع برا بيتي برا
سجاد ( صارخا ) : اااااه ( ويضرب الباب ويخرج )

( بيت ازل )
ازل تنظر الى الصور التي التقطها مع سجاد وتبكي كيف لهكذا حب حقيقي اصبح وهمي ومبني على الكذب والخداع كيف جعلها تبكي وكيف سمح ان يكسر قلبها ويجرح مشاعرها بكلماته المسيئه والمذله
ازل بقيت تبكي طوال الليل والى الان لم تصدق ماقاله سجاد فقد ساعدته كثيرا واحبته كثيرا واهتمت به وعاشت اجمل قصه حب

ضحى بيه لاصدك هاي قويه
جبت عمري اضحيله خان بيه
عافني وجازه دلالي بالاذيه
اول ما اجت فرصه عله وطار
طار لفوك عاف الشوك
راح وي الهوا العالي لان مني طلع مخنوك
صرت مالوك صرت مالوك

( في السوق )
( قبل يوم واحد عن الخطبة )
سجاد يتكلم مع ازل في الهاتف قائلا : شوكت يجي باجر بعد مااتحمل
ازل : يجي يجي صبرت هواي بقه على هاليوم عود باجر تعال من وكت مو تتاخر مثل دوامك بالجامعة
سجاد : شاتاخر من الصبح يمكم اني شتحتجين حتى محلي راح اعزله باجر استعد لليوم الكبير
يدخل زبون الى المحل
سجاد : اجه واحد بعدين اخابرج
الزبون : السلام عليكم اريد عطر دنهل موجود
سجاد : اي موجود ، اتفضل هذا
بعد خروج الزبون يدخل اب ازل الى المحل يتفاجأ سجاد برؤيته
اب ازل : السلام عليكم اشلونك سجاد
سجاد ( يرتبك): وعليكم السلام اهلا عمي اتفضل اتفضل استريح شتشرب عمي
اب ازل : لا مااشرب شي شكرا جاي احجي وياك واروح
سجاد : لحظه خلي اسد باب المحل حتى نحجي براحتنه
يقوم باغلاق باب المحل ويجلس مقابل اب ازل
اب ازل : اسمع سجاد اني بنتي هلوحده واني احبها وطبعا اريد سعادتها بس مو وياك !
سجاد : شلون مو وياي يعني
اب ازل : انته باجر مراح تجي للخطبه
سجاد : مو ازل كلتلي موافق يعني
اب ازل : صحيح وافقت بس حتى ارضي بنتي اما اني بالأساس ماموافق وها اني ادري بعلاقتكم مسبقا بس ساكت لان منتظر هذا اليوم فيا سجاد انته امام خيارين اذا ضليت مصر تزوج ازل فاامك راح تموت
سجاد : اشلووون امي ليش
اب ازل : خلي اكمل ، واذا مااجيت باجر فاانته بسلام انته وامك
سجاد : يعني شتريد اسوي مثلا اكدر هسه اتصل باازل واكللها ابوج هيج حجه وياي
اب ازل : لا تعبني انته مو كدي خطيب فاديه جان مسؤول بحزب وانقتل بمجرد هددني اليه مع العلم هو يكدر يسويلي كلشي باعتبار هو مسؤول كبير بالحزب بس اصار اني قتلته ومابقيت اله حتى جثه صاحيه مع العلم بس هددني فما بالك اذا واحد راد ياخذ بنتي غصب عني فااذا ضليت مصر للاسف اقتل امك
سجاد : بس ليش ؟ يعني متخاف على مشاعر بنتك
اب ازل : طبعا اخاف بس مستقبلها اهم يعني تكدر تنساك سنه سنتين تنساك  وفكر زين الكره بملعبك ماشي ، وها ممنوع ازل تدري انو جيت الك وكتلك هيج حجي افتهمت ، سلام

اذا هذا الذي حصل وجعل سجاد يغير موقفه اتجاه ازل لذلك اختار امه وتنازل عن ازل تنازل عن حبه ومشاعره وذكرياته مع ازل

( في السوق )
سجاد في محله ليلا يبكي بعد ان خسر ازل وحب والدته بعد ان طرد من البيت
في الصباح يستيقظ سجاد من نومه متاخرا ينهض ويقوم بفتح المحل يرى والدته واقفه امام المحل
سجاد : يمه شجابج
الام : البارحه عيني مااخذت نوم واعرفك انته متسوي هيج شغلات هاي اخر مره اشوف وجهي اذا ماكتلي السبب
سجاد : يمه مااكدر اكول
الام : خلص لعد رايحه اني
سجاد : لحظه تعاي تعاي راح اكلج بس وعديني متكولين لاي احد حتى للازل
الام : ماشي مااكول
سجاد : بس اروح للمغاسل واجيب ريوك حتى نتريك واسولفلج طبي جوا
يذهب وعند عودته حاملا بيده الفطار يحدث انفجار ضخم من خلاله يطير سجاد ويرمى على الارض
وما هي الا لحظات حتى يستيقظ عيناها مشوشه واذنه تطن انفه واذنه تنزف دما ووجه مترب يرى في طريقه سيارات محترقه وواشخاص أعضاء جسمهم مقطعه بعدها يقول : امي ، امي
يمشى متئارجحا ليرى محله قد احترق بالكامل لان يحتوي على مواد كيميائية بدا يصرخ : يمه يمه
يحاول الدخول الى النار لكن يقوم بابعاده شخصان ويمسكان به قائلا : ولكم امي جوا امي جوا بلمحل ولج يمه يمه حباب بس اطب اطلعها واروح امي جاي راح تحترك
احد الأشخاص : هو المحل كله احترك وين تلكا امك امشي
سجاد : دخيلك بس خلي اطلع امي ماعدي غيرها بدنيا ممعقوله اعوفها زعلانه مني ويصرخ ( يمه يمه )
هنا سجاد خسر الاثنين والدته وحبيبته

           نهاية البارت الخامس عشر