غرام وانتقام ( الجزء الاول )

البارت الثالث عشر

   
( في الجامعة )
( وقت الامتحانات )
الكل جالس في القاعه الدراسيه يؤدي الامتحانات وبعد مرور الوقت ينهي سجاد اجوبته
الاستاذ : جاوبت زين
سجاد : الحمدلله ان شاءالله درجه كامله
الاستاذ : ان شاءالله
يخرج من الجامعة متوجها إلى عمله وفي طريق يصادف احمد قد نزل من سيارته ينظر اليه ولا يعيره اي اهتمام ومضى في طريقه الى العمل
ازل تنتهي من الإجابة وتخرج لترى احمد واقفا في انتظارها تتفاجا به قائلا : احمد ؟
احمد : مفاجاه مو !
ازل : ماكتلي راح اجي
أحمد : هي المفاجأة تنحجي يعني
ازل : لا طبعا
احمد : اشلونج بلامتحان جاوبتي زين
ازل : اي الحمدلله ان شاءالله درجه كامله
احمد : اني جيت اخذ من خاطرج على الي صار بفاديه وزوجها والبارحه يالله سمعت لان جنت مسافر وان شاءالله مشوفون شر
ازل : شكرا
احمد : اذا ماعندج شي بعد ممكن اوصلج للبيت
ازل : جيت بوقتك اريد اغير جو شويه اذا عندك فد مكان يساعد على تحسن نفسيتي
احمد : ولو اتفضلي ويايه
ازل : اوك شكرا

( بيت سجاد )
تحضر الام العشاء لسجاد بعد عودته من العمل
سجاد : علشت ايدج ست الحبايب
الام : بالعافيه سجودي
سجاد : شنو اخر الاخبار صار ماصار اليوم
الام : ماكو شي وديت ثياب لبيت ابو ندى وانته لازم تروح اشوفهم وتسئل عليهم فشله
سجاد : يمه هسه اني بالفاتحه قصرت وياهم كفيت ووفيت بعدين عندي امتحانات وشغل ولازم اخلص عشه واروح اقرا
الام : يمه ميخالف ولو بس خمس دقايق ترى هم اهلنه وناسنه
سجاد : ماشي يمه ماشي اخلص عشا واروحلهم

( بيت ازل )
ازل تفكر في كلام فاديه لكنها تخشى التحدث مع ابيها في هذا الامر وتاخذها الحيره هل فعلا كلامها صحيح ام مجرد انفعال لما اصابها
يرن هاتفها ترا المتصل سجاد يتصل ...
ترد ..
سجاد : مساء الخير
ازل : مساء النور هلو سجاد
سجاد : بس الصفحه 24 داخله لو لان ماكنت موجود بوقتها
ازل : لحظه اشوفها الك
تقلب في الكتاب لتراه
ازل : لا مداخله
سجاد : ماشي شكرا واسف على الازعاج
ازل : سجاد عندك شي مافاهمه
سجاد : لا الماده زينه بسيطه مفتهمها
ازل : اوك بلتوفيق اذا
سجاد : لجميع ، سلام

( في الجامعة )
بعد خروجهم من الامتحان تلتقي ازل بسجاد
ازل : ها بشر اشلونك
سجاد : جاوبت اضافه الى الاسئله بسيطه
ازل : لا مو يسيطه بس لان قاري
سجاد : ممكن
ازل : سجاد ممكن  عندي موضوع اريد احجي بي وياك بس اذا عندك شغل اخذ راحتك خليها على غير يوم
سجاد : لا اصلا اليوم استراحتي ماكو شغل اتفضلي
ازل : سجاد اول شي اني اسفه على ردي فعلي من صارحتني يعني لان اني من نوع الي مااحب ادخل علاقات وشي وطبعا هذا الشي من حقك ان تبدي اعجابك بيه
سجاد : اي
ازل : اني سكتت ورحت وراها قاطعتك لان مااريد اجرحك بكلامي او اعلن رفضي الك بصوره مباشره يعني صحيح ارتاحيتلك واحسك قريب مني وهواي نتناكر مرات بس انته شخص عزيز على قلبي كلش
سجاد : شكرا
ازل : فاتمنى ان ترجع علاقتنه مثل السابق بس ابعد المشاعر خلينه اصدقاء وبس لان محتاجتك هاي الفتره اكثر من اي وقت
سجاد : ليش تردين تغشين مني بلامتحانات
ازل ( ضاحكه ) : شوف اشلون يفكر لا تخاف مااغش منك بس مريت بظروف صعبه بلفتره الاخيره
سجاد : مثليش يعني
ازل : فاديه
سجاد : شبيها ؟
وتبدا بسرد القصه له

( في الشركه )
احمد واب ازل يتحدثان
اب ازل : البارحه مريت على ازل لجامعة
احمد : اي عمي وطلعنه سوا غيرنه جو
اب ازل : احمد ازل محتاجه احد يوكف وياها بهاي الايام لان حتى كلام ويايه قليل ومجاي اشوفها بس بليل
احمد : اخليها بعيوني عمي
اب ازل : واذا الله راد وتخرجت ازل وكتبلها نصيب وياك ازوجها الك
احمد : عمي هذا شرف كلش كبير ان اناسبكم
اب ازل : لا لا ماراح الكه واحد مثلك يحميها ويعيشها بنعيم نفس ما عايشه بي حاليا
احمد : عمي اني حاضر قبل متطلب الحاجه تلكاها يمها
اب ازل : بس بشرط !
احمد : كول عمي
اب ازل : تشتري حصه اخوتك بلشركه وتطبكها وي حصه ازل
احمد : بس عمي
اب ازل : لا تبسبس هسه فكر وردلي جواب الى متى اضل تحت جناح ابوك وبعدين كل اعمال الشركه انته قايم بيها واني مااخفي عليك اخاف على مستقبل بنتي اذا بقيت على وضعك
احمد : افكر واردلك الجواب
اب ازل : خير ان شاءالله

( في الجامعة )
سجاد : يعني كل هذا الي صار واني ماادري بي
ازل : اصلا محد يدري ولا اريد اي واحد من الطلاب يدري
سجاد : متستاهل فاديه
ازل : هسه كلي شسوي اني اشلون اعرف الحقيقة صدك الي حجت فاديه اتجاه بابا لو كذب
سجاد : والله مااعرف لان ابوج اني مااعرفه حق المعرفة بس فاديه اعرفها وانتي تكولين اتخبلت او انصدمت المهم حاجي ابوج وشوفي ردت فعله
ازل : مو اخاف يزعل مني
سجاد : ليش يزعل انتي بنته الوحيده واكيد ميكدر يزعل عليج بس احتمال اكو نسبه قليله من كلام فاديه لان هي عاشت وي ابوج وامج وانتي جنتي بعدج ماواعيه على الدنيا يعني اكيد اكو اسرار
ازل : يعني انته هيج تشوف
سجاد : لا بس تخمين وانتي جربي احجي وي ابوج وشوفي شيكول
ازل : ماشي
سجاد : يالله حومي عازمج على غدا
ازل : لا ماصدك
سجاد : الحمدلله الحال اتحسن مو مثل قبل قبل جنت اضرب الربع طلقه قبل ماصرفه ( يضحك )
ازل : وهسه
سجاد : هسه اذا بوجود هذا الجمال اذبلي حمره ( يقصد ٢٥الف) واني مرتاح
ازل : سجاد بدينه
سجاد : اي مابيها شي يعني ميصير الصديق يتغزل بصديقته
ازل : ماشي ماشي يالله كوم

( بيت ازل )
ازل وابيها ويتحدثان
ازل : يعني الكلام الي كالته مو صحيح
اب ازل : لا بنتي مو صحيح هي كالت هيج رادت تخرب علاقتي بيج وبعدين انتي امج شفتيها ومابيها اي شي لمن ماتت
ازل : زين شوكت اطلعها من المستشفى
اب ازل : من تتحسن اوعدج اطلعها اما حاليا فصعب تروح اسويلج شي او سويلي شي لو تحرك البيت واحنه نايمين منكدر انسيطر على افعالها
ازل : زين بابا يصير باجر اروح اشوفها
اب ازل : لا ممنوع منا لمن تتحسن نروح سوا وحتى اذا رحتيلها فماراح تعرفج وانتبهي على دروسج عندج امتحانات
ازل : اوك بابا
اب ازل : البارحه طالعه انتي واحمد شو ماكلتيلي يعني
ازل : يعني الولد اجه واني طلبت منه نطلع كتغير جو ليش سببلك ازعاج
اب ازل : لا بلعكس احمد ولد حباب وثقه واصلا من كلي فرحت ولو الحديث سابق لاونه لو الامر بيدي جان زوجته الج
ازل ( تضحك ) : وهيج تريد تخلص مني
اب ازل : اني اخلص من الدنيا كلها وانتي مااخلص منج واضل وياج لما اموت
ازل : اسم الله عليك بابا ويطول عمرك ( تقوم بتقبيله من خده )

( في الجامعة )
سجاد : يعني كلج جذب
ازل : اي بس مااعرف داحس مامقتتعه بكلامه
سجاد : انتي تعرفين ابوج اكثر مني
ازل : حتى ردت اروح اشوف فاديه بلمستشفى ماقبل عارض
سجاد : ليش
ازل : بحجه ان بعدها مريضه ويخاف عليه وكلي بس اصير زينه نروح اني وياج ونجيبه للبيت
سجاد : وانتي صدكتي يعني
ازل : وليش حتى ماصدك هي كل مافي الموضوع صارت عدها ازمه نفسيه وتتعالج وهواي مروا بهيج مرحله وتعالجوا وطلعوا
سجاد : شوكت صار هيج
ازل : بلندن
سجاد ( يضحك ) : لندن ، ازل انتي بلعراق واني روحي ماضامنها ممكن اني ارجع للبيت وطك عليه مفخخه لو عبوه واموت تريدين يهتمون بوحده عدها صدمه نفسيه ماشفت واحد طب لعيج مستشفى وطلع صاحي وحتى اذا طب صاحي يطلع مخبل
ازل : لعد والحل اريد اشوفها اني ومااكدر اروح وحدي
سجاد : عيب عليج تحجين هيج واني موجود كومي نروح اني وياج
ازل : وتوفيق منتظرني
سجاد : نطلع بدون ميشوفنه وبعدين نرجع لهنا منتاخر
ازل : يعني نعيش جو المغامره
سجاد : بلضبط
ازل : يالله لعد امشي

( في المشفى )
يدخلان الى المشفى ويران المرضى احدهم يركض واخر حامل لعبه عروسه واخر يسئلان عن تواجد غرفه فاديه فياخذوهما لها
فاديه جالسه تمشط شعرها بمشطها الخشبي الذي اعطاه لها عادل هديه وتغني قائله : هاي الرادها وهاي تمناها لابن الشيخ لبنت الشيخ جبناها
ازل لا تستطيع امساك حالها فتبكي واضعه يدها على فمها وسجاد متاثر جدا وعيناه بدات تدمع
تلتفت لهم فاديه قائلا : هلووو ليش تبجون هذا اليوم يوم فرح وعدولي راح يجي ياخذني ( تضحك )
يقترب منها سجاد ويجلس بجوارها وعيناه تدمع يضع يده على خدها قائلا : فاديه اني سجاد عرفتيني
فاديه : اي اي اعرفك سجاد ارجع من وكت لا تتاخر ترى امك اضل بالها عليك ، ازل ليش واكفه تعاي كعدي بصفي وبعدين انتي الي راح اشيلين البدله مالتي من ورا
ازل تجلس بجوارها قائله : فاديه صيري زينه وتعالي مشتاقتلج البيت مظلم من دونج
فاديه : لا لا مااجي راح انتظر عادل يجي ياخذني ونسافر انتي سجاد يمج
ازل : فاديه لا سوين هيج فدوه ( تبكي بحرقه )
سجاد : خلص ازل كومي نرجع تاخرنه
فاديه : وين رايحين اشلون ترحون قبل ميجي العريس منو يزفني لعد
سجاد : نرجع انروح نجيب الكيكه لو متريدين كيكه
فاديه : كيكه
سجاد : اي ومكتوب بيها اسمج واسم عادل
فاديه : ماشي روحوا جيبوها وتعالو بسرعه لاتخلوني وحدي ترى اضوج
سجاد : لا منخليج وحدج
يغادران الغرفه وازل تبكي وتضع راسها على كتف سجاد لاول مره يحس بان اصبح سند لشخص يحبه
سجاد : خلص خل نروح حالتها كلش تعبانه
ازل ( باكيه ) : ماصدك هاي فاديه الي جانت تعادل اربعين رجال هيج صاير حالها
سجاد : هذا امر الله والمكتوب لازم تشوفه العين
يخرجان من المشفى ثم يقوم احد العاملين بلمشفى بلاتصال بااب ازل قائلا : الو اشلونك استاذ جتي ابنيه ولد زارو المريضه خاصتكم
اب ازل : اوك شكرا
يقوم اب ازل بلاتصال بتوفيق
اب ازل : توفيق ازل يمك
توفيق : لا استاذ بلجامعه لسه ماطلعت ليش
اب ازل : انته متاكد بلجامعه
توفيق : هسه اروح اشوفها
اب ازل : غبي
ثم يقوم بالاتصال بااحمد قائلا : مرحبا ابني اشلونك
احمد : اهلا عمي اتفضل
اب ازل : وين انته حاليا
احمد : بلشركه وبعد شويه عدي اجتماع كول عمي محتاج شي
اب ازل : لا عبالي مشغول كلت تجي ندردش سوه بموضوع الشغل
احمد : والله اليوم مشغول باجر ان شاءالله اكون يمك من الصبح
اب ازل : ان شاءالله ، سلام
يرن هاتف اب ازل توفيق يتصل يرد عليه قائلا : ها توفيق
توفيق : استاذ طالعه وي واحد
اب ازل : منو هذا الواحد
توفيق : ولد اسمه سجاد اعرفه
اب ازل : ومنين تعرفه
توفيق : استاذ الي اجه بحفله عيد ميلاد ازل بليل وبات يمنا
اب ازل : وشعده بلجامعه لعد
توفيق : مو هو يداوم وي ازل
اب ازل : اهااا ماشي من تجي جيبها للبيت كبل
توفيق : حاضر استاذ
اب ازل : شي حلو بنتي كامت تطلع وي واحد مهتلف بسيطه

                نهاية البارت الثالث عشر