غرام وانتقام ( الجزء الاول )

البارت الحادي عشر

        
ازل ( منصدمه ) : شنو ؟
سجاد : احبج
تنظر اليه وقد غرغر الدمع في عينيه كعيون عاشق فقد حبيبته ثم راها بعد عده سنين
تغادر ازل القاعه الدراسية دون كلام ويبقى سجاد واقفا خائفا من ردت فعلها هذا
هل خسرها باعترافه لحبها ام خجلت وذهبت ولا تعرف ماذا تقول

( بيت ازل )
فاديه تتحدث في الهاتف مع عادل قائله : اليوم راح افتح الموضوع وي ابو ازل
عادل : خاف ميوافق
فاديه : ليش حتى ميوافق مو وصي عليه حتى يوافق او لا الراي الاول والاخير يرجع اليه بس الي واجع ايدي هي ازل
عادل : الله كريم حبيبتي يالله هسه اني اروح عندي شغل بليل نتخابر
فاديه : ماشي حبيبي الله وياك

( في السوق )
يذهب سجاد الى العمل لكنه شارد البال فبعد المحادثه التي جرت بينه وبين ازل بقي قلقا لرده الفعل التي اتخذتها ازل دون ان تنطق بكلمه واحده
يدق الباب على احد البيوت تخرج له امراه في الثلاثينات من العمر ترتدي تشيرت وبجامه
سجاد : السلام عليكم
المراه : وعليكم السلام اتفضل
سجاد : اني مندوب مبيعات مواد تجميل وعطور تحتاجون لو لا
المراه : شنو عندك من مكياج
يقوم بانزال حقيبته على الارض ويخرج بضاعته ويبدا بعرضها
المراه : اجمعهن وتعال تفضل جوا حتى نتفاهم على الأسعار لان اريد اخذ منك كميه
يدخل سجاد الى البيت ويقف عند احد ابواب البيت يسمع صوت سعال رجل كبير في السن والمراه تتحدث مع الرجل قائله : هاك يابا اشرب دواك
تقوم المراه بفتح باب الاستقبال قائله : اتفضل
يدخل سجاد ويجلس على الأريكة
المراه : قبل منتعامل على السعر اني صاحبة صالون حلاقة نسائيه قبل جنت اشتري من شخص وهذا الشخص سافر وضليت اشتري منا ومنا بس اخذهن بسعر غالي وميصرفلي لذلك على كل قطعه اخذها منك تنزلي من حقها
سجاد : يعني شكد تريدين انزلج
المراه : يعني ام خمسه الاف تبيعليها ب اربعه الاف
سجاد : يعني الف انزل من كل قطعه
المراه : بالضبط وادري انته همات الك نسبه من صاحب المحل من تبيع القطع لان هو هذا شغلكم
سجاد ( بابتسامه ) قائلا : ماشي اتفقنه
المراه : ماتعرفنه باسمك
سجاد : سجاد
المراه : عاشت الاسامي واني اسمي سعاد
سجاد : تشرفنا
تبدا سعاد باخذ البضاعة التي تحتاجها وتقدم ثمنها الى سجاد وقد باع نصف البضاعة الموجوده لديه هنا قد عرف اين يقوم بتصريف بضاعته فاخذ يسئل الماره عن مكان محال الصالونات النسائية  فوجد امراه اخرى تسكن في احد العمارات الموجودة ضمن مكانه الجغرافي وايضا لديها صالون نسائي واتفق معها على ان يقوم بجلب البضاعة لها حينما تحتاج
عاد سجاد الى المحل في وقت مبكر من الليل عكس الايام السابقة التي يعود بها متاخرا تفاجى بوجوده ابو زيدون قائلا : اليوم من وكت سجاد
سجاد ( فرحا ) يقوم بفتح الحقيبة قائلا : بعت كل المواد
ويقوم باخراج ثمنها ويعطيها الى ابو زيدون
ابو زيدون : وين صرفتها البضاعة
سجاد ( بكل ثقه ) : هاي سر المهنه اذا كلت احتمال يجي غيري ياخذها مني
ابو زيدون ( يبتسم) قائلا : عفيه عليك شاطر
ثم يخرج له مبلغ من المال ويعطيه الى سجاد
سجاد : هاي شنو
ابو زيدون : هاي اكراميه من غير حسابك يعني مالها علاقه بحسابك
سجاد : شكرا عمي ، تحتاج بعد مني شي
ابو زيدون : لا سلامتك
سجاد : يالله في امان الله

( بيت ازل )
فاديه تتكلم مع اب ازل حول موضوع خطوبتها من عادل وبعد ان اكملت كلامها كان هناك رد فعل قوي من قبل اب ازل
اب ازل : اني ماموافق ومستحيل تزوجي
فاديه : ليش
اب ازل : ازل تضل وحدها منو يمها وانتي نفسج كلتي مااراح اتركها لو شيصير
فاديه : اني كتلها وقبلت وبعدين اجه الوقت الي ازل بي تنضج وتعتمد على نفسها
اب ازل : كلت لا يعني لا
فاديه : اسمع اني اكدر ازوج بدون مااخذ رائيك لان اول والاخير هو راي لكن كلت خلي انطي علم خاف يزعل وقدرتك
اب ازل : غصبا عليج ولي نعمتج اني لو نسيتي واكدر ارجعج خدامه من جديد
فاديه : ذاك الزمن راح وولى اجه زمن جديد شعر وحده من راسي متكدر تحركها اني راح اخابره لعادل ونحدد زواجنه اسبوع الجاي اذا تريد تحضر تعال واذا ماردت فمعذور
اب ازل : فاديه لا تتحديني
فاديه : اني ماتحداك لان هذا حقي ، تصبح على خير

( بيت سجاد )
سجاد ماسك هاتفه وبين فتره واخرى يتفقده املا لاتصال ازل او تبعث له برسالة
الام : ها يمه شو كلساع فاتح تليفونك لازم منتظر اتصال مهم
سجاد : هااا لا هيج ماكو شي مهم
الام : اشوفك عشكت يا ابن بطني
سجاد : يمه لا عشكت ولا شي اروح انام تعبان باجر وراي دوام وشغل

( بيت ازل )
فاديه تدخل الى غرفه ازل قائله : همزين بعدج كاعده
ازل : اي انتظرتج بشري شكال بابا
فاديه : ماقبل كال ازل اضل وحدها ومنو الها
ازل : ليش وحدي هاي كومه بشر بلبيت وبعدين اني كبرت مو صغيره
فاديه : هذا كلام كولي لبوج مو اليه
ازل : وهسه شراح اسوين
فاديه : اني عندي قراري واسبوع الجاي ازوج ان شاءالله
ازل : اوووو مستعجله يعني
فاديه : هو العمر شضال بي حتى مااستعجل هسه من تحبين تفهمين شنو معنى تزوجين الي تحبي واشلون تاخذج اللهفه وبس تتمنين اتصيرين اله اليوم قبل باجر
ازل : اي الله كريم
فاديه : يالله اني اروح اخابر عادل وانتي نامي لاسهرين عندج دوام باجر
ازل : اوك تصبيحين على خير

( في الجامعة )
ازل وسجاد يجلسان على حدا سجاد ينظر الى ازل بين الحين والآخر لكنها لا تلتف ولا تعيره اي اهتمام

( بيت ندى )
( الباب يدق)
تخرج ندى لتفتح الباب لترى خطيبها بلال منحنى راسه الى الارض
ندى : بلال خير شو وحدك مهدي وين
بلال يرفع راسه وعيونه مغرقه بالدموع قائلا : مهدي استشهد
ندى ( في حالة صدمه ) : شنو ؟
بلال يبكي بحرقه وندى تدخل البيت لا تعي ماذا حدث تتلقاها والدتها
ام ندى : ها بنتي شبيج منو على الباب
ندى ( في حالة صدمه ) : يمه اجه بلال يكول مهدي استشهد
ام ندى : شنو
تخرج ام ندى لترى بلال جالسا يبكي على الارض
ام ندى : يمه بلال مهدي شبي
بلال ( باكيا ) : خاله جنا طالعين بواجب بليل بمنطقة واجه انتحاري راد يفجر نفسه بس مهدي حضنه وتفجر ( يبكي)
ام ندى تلطم على الخد وعلى الراس وتصرخ صراخ سمعه كل جيران المنطقة وبجانبها بلال يبكي
اما ندى فذهبت الى غرفتها وهي في حالة صدمه نائمه على سريرها وصراخ وبكاء والدتها في اذنها لتقوم بسد اذنها بيدها وتبكي

( الارهاب عندما يقتل روح فانه لا يقتل روح واحده بل ارواح عائلته ايضا ضحكتهم وحزنهم وذكرياتهم ومواقفهم الطريفة فقدان الاحبه اصعب من الموت فعندما تموت لا تبقى لك في عقلك ذكرى لكن عندما تعيش وتفقد من تحب فاانك تتذكر كل ماضيه وكل مواقفه ويزاد حزنك والمك عليه) 

( في الجامعة )
ازل تمر بجانب سجاد كانه غريب لا تتكلم معه او حتى تسلم عليه لماذا اخذت موقف هكذا تستطيع ان ترفض بسهوله لا ان تذهب دون قول كلمه واحده سجاد يصاب بلاحباط والكئابه فقلبه لم يعد يتحمل فقرر ان ينسى كل شي

( في الشركه )
ياتي عادل الى اب ازل
عادل يتكلم مع السكرتيرة قائلا : السلام عليكم استاذ مؤيد موجود
السكرتيرة : نعم منو حضرتك
عادل : اني عادل احد معارفه
السكرتيرة : يااهلا وسهلا استاذ اتفضل
تقوم بلاتصال به
السكرتيرة : استاذ اكو شخص اسمه عادل يكول احد معارفك يتفضل الك لو لا
اب ازل : عادل ؟؟ هااا اي خلي يتفضل
السكرتيرة : اتفضل استاذ
يدخل الى مكتب اب ازل يتلقاه بالسلام
اب ازل : اتفضل استريح ، شتشرب
عادل : اني مجاي اشرب اريد اطب بلموضوع كبل كلتله الانسه فاديه عن علاقتنه
اب ازل : اي نعم
عادل : ممكن اعرف ليش معارض فكره الزواج
اب ازل : اني ماعندي احد بالبيت وبنتي ازل هي الوحيدة الي طلعت بيها من الدنيا وكذلك هي بمثابة امها فا مااريد تترك البيت وتبقى بنتي لوحدها
عادل : اعتقد بنتك بالغه قانونيا وكذلك تدرس جامعة يعني مو عمرها صغير
اب ازل : اني فاديه محتاجه ماممكن استغنى عنها
عادل : شوف ابو ازل انته متعرفني منين اني عضو بالحزب ****
واحد المسؤولين همين وجيتك للعراق واستثمارك بي ترى بفضلنه
لو مااحنه جان اجينه وحررنه العراق جان بعد النظام وماكدرت تفتح مشاريعك
اب ازل ( ضاحكا ) : حلوه مال احنه وتحرير قصدك الي اجيتوا وي الدبابات
عادل : مابيه شي مساعده ، علموم هذا مو موضوعنه اني جاي اعزمك على زواجي من فاديه اسبوع القادم واجي اخذها من بيتك لذلك ديربالك عليها ، يالله سلام
اب ازل يقوم بكسر القلم بعد ان استفزه عادل بكلامه

( في السوق )
اصبح لدى سجاد الكثير من الزبائن لسلوبه الجميل في التعامل وكذلك لشاطرته في كسب الاشخاص وبيع منتوجاته يذهب الى بيت سعاد لتوصيل بعض المنتوجات يدق الباب تخرج له سعاد قائله : هلو سجاد تعال ويايه لصالون 
سجاد : خير ؟
سعاد : لا بس حتى ادليك على مكان المحل خاف احتاج منك شي تجيبه لهناك
سجاد : ماشي ، ودراجه اشلون
سعاد : ضمه بلبيت واني اكل لسايق يرجعك
يذهب معها الى المحل

( بيت سجاد )
بينما ياتي سجاد الى بيته يرى بكاء ونواح في بيت ندى يدخل الى بيته قائلا : يمه يمه
امه غير موجودة فيخرج من البيت ويذهب باتجاه بيت ندى يرى اب ندى يبكي وملثم بغترته ( شماغ )
سجاد : السلام عليكم خير عمي
اب ندى : مهدي ابني استشهد
سجاد : الى رحمه الله ، البقاء لله عمي مثواه الجنه ان شاءالله
يقق سجاد بجانبه ويحاول تصبيره فا حق الجار على جار

( بعد مرور اسبوع )
( بيت ازل )
اصوات اغاني فقد حان وقت زواج فاديه بمعشوقها عادل بعد الصبر الطويل والانتظار ها قد جاء هذا اليوم ليعيشا معا اليوم الذي طال انتظاره الكل فرح فاديه متزينه وتصفق وازل متزينه وترتدي اجمل فستان وكانها العروس لكن هناك شخص واحد لم يفرح في هذا اليوم وهو اب ازل حيث يجلس في غرفته وعلى كرسيه يدخن سيجاره
تنهض فاديه من مكانها لتتصل بعادل لتعلن استعدادها لليله الكبيره تمر بجانب غرفه اب ازل تراه جالس وحيدا ويدخن تدخل اليه
فاديه : اشوفك حزين بس لا على فراكي
اب ازل ينهض من كرسيه قائلا : لا بس لان تهددت وراح ياخذج غصبا عني
فاديه : انته الي ردت هيج لو تريدني اضل منا لمن تموتني على ايدك
اب ازل : فاديه انتي متعلمه شكو شي حلو بحياتج ميكمل وهذا الزواج والفرحه هم مراح تكمل
فاديه : شتقصد ؟
اب ازل : مو اشوف العريس اتاخر عليج
فاديه ترتبك وتتصل بعادل ......
( الجهاز مغلق او خارج منطقة التغطية يرجى الاتصال في وقت لاحق )

              نهاية البارت الحادي عشر